Angluno lil kaj le korintushicka
9. fejezet
Le aposhtoleski parabola
1. vers
Chi som dore slobodo? Chi som dore aposhtolo? Chi dikhlom apol le Jezushes, amare Rajes? Na muro kerdyipe sanle tume ando Raj?
2. vers
Kaverenge kana china chi avos aposhtolo, ba tumenge kodo som; ke mure aposhtolipeske somnura tume san ando Raj.
3. vers
Kadoj muro muntuipe angla kodala, kon oprepushen man.
4. vers
Dore chi perelpe amenge te pas haj te xas?
5. vers
Dore chi perelpe amenge romnyone phralkinya amenca te ingras, sar le majbut aposhtolura, le Rajeske phral haj o Kefash?
6. vers
Bake mange haj le Barnabasheske chi perelpe kodo, ke tena keras butyi?
7. vers
Kon si ketana pe peske love? Kon beshavel drakh, haj chi xal anda lesko frukto? Bake kon xaxavel bakren, haj chi pel lengo thud?
8. vers
Dore manushikanes phenav kadala? Haj na zhikado phenel vi e kris?
9. vers
Ke iskirime si ande Mozesheski kris:”Plugo cirdine guruveske na phande andre lesko muj!” Dore o Del grizhojpe le goruvenca?
10. vers
Na barem anda amende phenel kado? Bater, anda amende iskirisardine kado, ke kon plugil, ando sperantipe te plugisarel, haj kon pale avrimarel o sumburo, ande kodo sperantipe te kerel kodo, ke rig avla les ando upajipe.
11. vers
Kana ame duhikane trabi te beshadam tumenge, bari butyij apol, kana tumare materimaske trabi kosisaras?
12. vers
Kana kavera rig len anda tumaro barvalipe, sostar na majfeder ame? Ba chi trajisaras kadale saktimosa, apol sakofalo toleralisaras, ke tena turdyuvas ande Kristoske evangeliumesko drom.
13. vers
Chi zhanen, ke kon le khangerake slugimata keren, anda sunto than avri ande butya xan? Haj kon kaj o oltaro slugisaren, kodal kothar len riga?
14. vers
Zhikade kerdas vi o Raj pe kodalengi rig, kon o evangeliumo viacaren, ke anda evangeliumo te trajin.
15. vers
Ba me mashkar kadal chi jekhesa chi trajisardom. Ba na anda kodo iskirisardom kado, ke pala kado kade te avel, ke majmishtoj mange te merav, sar varikon shusheske te shol muro asharipe.
16. vers
Ke te viacarav o evangeliumo, naj anda soste te asharav man, ke tala trubuipe som. Ke jaj, si mange, tena viacaro le evangeliumos!
17. vers
Ke kathar slobodo kamipe te kerav kado, potyinipe si man: ba kana anda trubuipe, numa lashari som.
18. vers
Soj apol muro potyinipe? Ke le evangeliumos viacardes ive te dav o evangeliumo, haj tena trajisarav anda evangeliumo line saktimosa.
19. vers
Ke me, chaches sakonestar slobodo somas, sakoneske slugake shutom man, ke inke majbuten te pasharav mande.
20. vers
Le biboldenge kasavo kerdyilom, sar biboldo, ke te pasharav mande le bibolden; kodalenge, kon tala kris si, sar tala kris te avos vi me – ba me chi som tala kris –, ke kodalen, kon tala kris si, te pasharav mande;
21. vers
kodalenge, kon bi krisake sas, sar bi krisako te avos – ba chi som le Devleske bi krisako, ba tala Kristoski kris trajisarav –, ke te pasharav mande kodalen, kon bi krisake sas.
22. vers
Le slabonge slabo kerdyilom, ke te pasharav mande le slabon, ke unyizhenen te muntusarav.
23. vers
Sakofalo anda evangeliumo kerav, ke vi man rig te avel ande leste.
24. vers
Chi zhanen, ke kon pe nashlimasko drom nashen, chaches ke savorazhene nashen, ba feri jekh resela o potyinipe? Nashen kade te resenles!
25. vers
Kodo pale, kon zumavelpe ando rivalizalipe, sakofalostar ferilpe: von anda kodo, ke kernyisarde luludya te len, ame pale, ke bi shaj kernyilen.
26. vers
Nashav apol, haj na numa ando khanchi: ginavav le dukhumenge malavjimata, haj na feri kade ando khanchi malavjindes;
27. vers
ba dukharav muro trupo haj ando slugipe shudavles, tena, zhikaj kaveren sityarav, me tele dikhlimasko te avav.
Könyvek
