Angluno lil kaj le korintushicka
11. fejezet
Romnya pe devleskopatyivipe
1. vers
Aven palamande, sar me zhav pala o Kristo.
2. vers
Asharav tumen, ke ande sakofaloste te serardyon pa mande, haj inkren le tradiciji, kade sar perdal dom kodol tumenge.
3. vers
Fajas man apol, te zhanen, ke sakone murshesko shero o Kristo si, la romnyako shero o mursh si, le Kristosko shero pale o Del si.
4. vers
Sako mursh kon sharade sheresa rudyil bake profetalil, lazhavjipe anel pe pesko shero;
5. vers
haj sako romnyi, kon bi sharade sheresa rudyil haj profetalil, lazhavjipe anel pe pesko shero ke; ke kado zhikasavoj, sar kana muravenisardinesas la.
6. vers
Kana e romnyi chi sharavel andre pesko shero, te shinavel tele peske bal; ba kana lazhaveski butyij la romnyake, ke tele te shinel peske bal, atunchi te sharavel numa andre pesko shero.
7. vers
Le mursheske chi trubul andre te sharavel pesko shero, ke voj le Devlesko dujto mosuripe si haj luvudyipe, ba e romnyi le murshesko luvudyipe si.
8. vers
Ke na o mursh si anda romnyi, ba e romnyi si anda mursh;
9. vers
haj na le murshes kerdine anda romnyi, ba la romnya anda mursheste.
10. vers
Anda kado la romnyake trubuj te phiravel pe pesko shero le telalunipesko somno, anda andyela.
11. vers
Ba chaches si, ke ando Raj chi romnyi naj bi romesko, chi rom bi romnyako.
12. vers
Ke sar e romnyi anda mursh kerdyilas, kade vi o mursh kathar e romnyi arakhadyol.
13. vers
Krisaren kado tume: Perelpe dore bi andre sharade sheresa romnyake te rudyisarel kaj o Del?
14. vers
Apol chi sityarel tumen vi o trajo pe kodo, ke kana o mursh lunge bal bararel, lesko lazhavjipe si kodo,
15. vers
ba kana e romnyi bararel lungi bal, pe lako asharipe avla? Ke e bal sar sharadyipe davadyilas lake.
16. vers
Haj kana varikon te xalpe fajas, kado ame chi sityilam te keras, haj chi keren kado chi ande Devleski eklezhia.
Sar te patyivisaren mishto le Rajeske xamos
17. vers
Akanak na pe tumaro mishtyipe ba pe tumaro nasulipe aviline kethane.
18. vers
Ke majanglal kade ashunav, ke kana kethane aven shindyimata si mashkar tumene, haj anda kado si so vi patyav.
19. vers
Ke trubuj, vi shindyipe te avel mashkar tumende, ke le avri zumavjimata avri te zhanardyon.
20. vers
Ba kana kethane aven, aba kodo na le Rajeske xamosko xape si,
21. vers
ke kana xan sakon pesko xamasko lel angle, haj o jekh bokhajvel, o kaver pale chajol.
22. vers
Dore naj tumen kher te xan kothe haj te pen kothe? Bake tele dikhen le Devleski eklezhia, haj tele lazhavaren kodalen, kas najle khanchi? So te phenav tumenge? Te asharav tumen? Ande kado chi asharav!
23. vers
Ke kathar o Raj lom, so perdal dom tumenge, ke o Raj Jezush kodi ratyi kana purrisardine les, xutyildas o manro,
24. vers
najisipe phendas, phaglasles, haj kade das duma:”Kadoj muro trupo, so anda tumende davadyol. Kado te keren pe muro serovjipe!”
25. vers
Pala xamo zhikade xutyildas vi o taxtaj, haj kade das duma: „Kado taxtaj o nyevo teshtamentoj ande muro rat. Keren kado sodivar feri penles, pe muro serovjipe!”
26. vers
Ke kana kado manro xan, haj kado taxtaj pen, le Rajesko meripe viacaren, zhikaj chi aveltar.
27. vers
Kon apol bi patyivales xal o manro, bake pel le Rajesko taxtaj, bezexarel pe Rajesko trupo haj rat.
28. vers
Te gindil perdal apol o manush pes, haj kade te xal anda manro haj te pel anda taxtaj,
29. vers
ke kon kade xal haj pel, ke chi alosarel le trupos, pesko krisaripe xal haj pel.
30. vers
Anda kado si mashkar tumende but nasvale haj bi zorake, haj but zhene muline.
31. vers
Ba te krisarenas tumen, chi perasas tala krisaripe.
32. vers
Kana pale tala krisaripe peras, o Raj dukharel amen, ke tena bezexardyuvastar kadala lumasa.
33. vers
Anda kado, phralale, kana kethane aven po xamo, zhukaren jekhavres.
34. vers
Kana varikon bokhaloj, te xal khere, ke na po krisaripe te aven kethane. Le majbut pale atunchi lasharo, kothe te zho.
Könyvek
