Angluno lil kaj le korintushicka
5. fejezet
Le ratmarhimaski traba
1. vers
Kodi viaca ashundyol pa tumende, ke marhipe si mashkar tumende, haj kasavo marhipe, so chi mashkar le murtikana naj, ke varikon peske dadeska romnyasa trajil.
2. vers
Haj tume inke phutyarde sanle, kana barem brigasle trubujas te aven, haj te bishalenas mashkar tumende kodales, kon kadal trabi kerdas.
3. vers
Me, kon kathar o trupo dur, ba kathar o duho kathe som, aba krisaripe phendom sar kodo, kon kathe si pa kodo, kon kade kerdas.
4. vers
Amare Rajesko le Jezush Kristosko anav te xuvardyol ande jekh tumaro duho haj muro, haj amare Rajesko le Jezusheske saktimosa
5. vers
das perdal le kasaves le shatanoske, pe leske truposko nachilipe, ke o duho te muntusardyol pe le Rajesko dyes.
6. vers
Tumaro asharipe naj lasho. Chi zhanen, ke vi cerra kamiripe oprephutyarel le xumeres?
7. vers
Shuden o dulmutano kamiripe, ke nyeve xumera te kerdyon, ke chachikanes bi kamireske sanle! Ke amare patradyake bakres, le Kristos opresarkafimosardine.
8. vers
Beshas apol baro dyes, ba na le dulmutane kamiresa, haj china le nasulimaske kamiresa, ba le vorta duhoskiresa haj chachimaske bi kamiripesa.
9. vers
Ande muro lil iskirisardom aba tumenge: Na trajin ande jekh le marhisardinenca.
10. vers
Na kadala lumake marhisardinenca haj xanzhvalenca, chorenca bake fetishon kamadenca: ke atunchi avritrubujas te zhan anda luma.
11. vers
Ba akanak kodo iskirisardom tumenge, ke tena phiren kethane kodalenca, kas phraleske phenen, ba marhisardoj bake xanzhvaloj, fetisho kamadoj bake armaja cipisardoj, matyarnoj bake chor te si: kasavenca inke china tena xan kethanes.
12. vers
Apol muri grizhaj, ke pa kodal te krisarav, kon avralutnej? Haj na pe kodo krisaren vi tume, kon andral si?
13. vers
Le avralutnen pale o Del krisarela. Shuden avri mashkar tumende le nasules!
Könyvek
