Angluno lil kaj le korintushicka
8. fejezet
O kristianisko slobodipe
1. vers
Apol pa le fetishonge sarkafimasle masa zhanas, ke savorazhenen si amen pinzharipe. O pinzharipe phutyardeske kerel, o kamipe pale oprevazdel.
2. vers
Kana varikon kade gindil, ke varisosko zhanipe sityilas, inke chi pinzhardas opre, ke sar trubuj opre te pinzharelles.
3. vers
Ba kana varikon kamel le Devles, kodo aba kamel le Devles.
4. vers
Apol pa fetishonge sarkafimasle masenge xape zhanas, ke naj fetisho pe luma, haj ke naj kaver Del, feri jekh.
5. vers
Ke vi te si varisoske Devla: zhi ando cheri, zhi pe phuv, sar but del si haj but raj,
6. vers
amen vi kade jekh Del si, o Dad, kastar sakofalo si, o Jezush Kristo, pa kaste perdal sakofalo si, haj pa kaste perdal vi ame sam.
7. vers
Ba na sakones si pinzharipe; ke unyizhene vi akanak o mas kade xan, sar le fetishonge sarkafimos, haj lengo duhosko hatyaripe, ke slaboj, andre melardyol.
8. vers
Ba o xamasko chi kerel amen maj skunposke angla o Del; tena xasales, chi resasa faltipe, haj te xasales, chi resasa butipe.
9. vers
Ba len sama, ke tumaro slobodipe tena avel varisar pe slabongi xolyi.
10. vers
Ke kana varikon kodales, kas pinzharipe siles, ande fetishoski khangeri dikhel kaj e mesalya, kodalesko duhikano hatyaripe, ke slaboj, oprexolyardyola anda fetishicko masesko xape.
11. vers
Kade anda tyiro pinzharipe xasajveltar tyo slabo phral, anda kaste o Kristo mulas!
12. vers
Ba kana pe tumare phral kade bezexaren, haj azban kade lengo slabo duhosko hatyaripe, vi le Kristoske bezexaren.
13. vers
Anda kado kana o xamasko oprexolyarel mure phralen, barem chi xav majbut mas chikana, ke mure phralen opre tena xolyarav.
Könyvek
