Angluno lil kaj le korintushicka
capítulo 9
Le aposhtoleski parabola
verso 1
Chi som dore slobodo? Chi som dore aposhtolo? Chi dikhlom apol le Jezushes, amare Rajes? Na muro kerdyipe sanle tume ando Raj?
verso 2
Kaverenge kana china chi avos aposhtolo, ba tumenge kodo som; ke mure aposhtolipeske somnura tume san ando Raj.
verso 3
Kadoj muro muntuipe angla kodala, kon oprepushen man.
verso 4
Dore chi perelpe amenge te pas haj te xas?
verso 5
Dore chi perelpe amenge romnyone phralkinya amenca te ingras, sar le majbut aposhtolura, le Rajeske phral haj o Kefash?
verso 6
Bake mange haj le Barnabasheske chi perelpe kodo, ke tena keras butyi?
verso 7
Kon si ketana pe peske love? Kon beshavel drakh, haj chi xal anda lesko frukto? Bake kon xaxavel bakren, haj chi pel lengo thud?
verso 8
Dore manushikanes phenav kadala? Haj na zhikado phenel vi e kris?
verso 9
Ke iskirime si ande Mozesheski kris:”Plugo cirdine guruveske na phande andre lesko muj!” Dore o Del grizhojpe le goruvenca?
verso 10
Na barem anda amende phenel kado? Bater, anda amende iskirisardine kado, ke kon plugil, ando sperantipe te plugisarel, haj kon pale avrimarel o sumburo, ande kodo sperantipe te kerel kodo, ke rig avla les ando upajipe.
verso 11
Kana ame duhikane trabi te beshadam tumenge, bari butyij apol, kana tumare materimaske trabi kosisaras?
verso 12
Kana kavera rig len anda tumaro barvalipe, sostar na majfeder ame? Ba chi trajisaras kadale saktimosa, apol sakofalo toleralisaras, ke tena turdyuvas ande Kristoske evangeliumesko drom.
verso 13
Chi zhanen, ke kon le khangerake slugimata keren, anda sunto than avri ande butya xan? Haj kon kaj o oltaro slugisaren, kodal kothar len riga?
verso 14
Zhikade kerdas vi o Raj pe kodalengi rig, kon o evangeliumo viacaren, ke anda evangeliumo te trajin.
verso 15
Ba me mashkar kadal chi jekhesa chi trajisardom. Ba na anda kodo iskirisardom kado, ke pala kado kade te avel, ke majmishtoj mange te merav, sar varikon shusheske te shol muro asharipe.
verso 16
Ke te viacarav o evangeliumo, naj anda soste te asharav man, ke tala trubuipe som. Ke jaj, si mange, tena viacaro le evangeliumos!
verso 17
Ke kathar slobodo kamipe te kerav kado, potyinipe si man: ba kana anda trubuipe, numa lashari som.
verso 18
Soj apol muro potyinipe? Ke le evangeliumos viacardes ive te dav o evangeliumo, haj tena trajisarav anda evangeliumo line saktimosa.
verso 19
Ke me, chaches sakonestar slobodo somas, sakoneske slugake shutom man, ke inke majbuten te pasharav mande.
verso 20
Le biboldenge kasavo kerdyilom, sar biboldo, ke te pasharav mande le bibolden; kodalenge, kon tala kris si, sar tala kris te avos vi me – ba me chi som tala kris –, ke kodalen, kon tala kris si, te pasharav mande;
verso 21
kodalenge, kon bi krisake sas, sar bi krisako te avos – ba chi som le Devleske bi krisako, ba tala Kristoski kris trajisarav –, ke te pasharav mande kodalen, kon bi krisake sas.
verso 22
Le slabonge slabo kerdyilom, ke te pasharav mande le slabon, ke unyizhenen te muntusarav.
verso 23
Sakofalo anda evangeliumo kerav, ke vi man rig te avel ande leste.
verso 24
Chi zhanen, ke kon pe nashlimasko drom nashen, chaches ke savorazhene nashen, ba feri jekh resela o potyinipe? Nashen kade te resenles!
verso 25
Kodo pale, kon zumavelpe ando rivalizalipe, sakofalostar ferilpe: von anda kodo, ke kernyisarde luludya te len, ame pale, ke bi shaj kernyilen.
verso 26
Nashav apol, haj na numa ando khanchi: ginavav le dukhumenge malavjimata, haj na feri kade ando khanchi malavjindes;
verso 27
ba dukharav muro trupo haj ando slugipe shudavles, tena, zhikaj kaveren sityarav, me tele dikhlimasko te avav.
Libros
