Angluno lil kaj le korintushicka

Capítulos:

1 2 3 4 5 6 …   ⇤ ← 3 → ⇥

verso 1

Ba me, phralale, nashtig vorbisardom tumnege sar duhikanende, ba sar truposkirende, sar cine shavorenge ando Kristo.

verso 2

Thud dom tumen te pen, na zuralo xamasko, ke inke chi zhanglinesas te inkrenles. Haj inke chi akanak chi zhanen te inkrenles,

verso 3

ke inke truposke sanle. Ke kana mashkar tumende daramnimata haj xape si, chi sanle dore truposke, manushikane?

verso 4

Ke kana kodo phenel o jekh: „Me le Palesko som”, o kaver pale: „Me le Apollovesko”, dore chi sanle atunchi manushikane?

verso 5

Dore soj o Apollo? Soj o Pal? Slugij, kon po patyape ingrerdine tumen kade, sar o Del das kodo lenge.

verso 6

Me beshadomles, o Apollo pale shordasles, ba o baripe o Del das.

verso 7

Apol chi kodo naj khanchi kon beshavel, haj chi kodo kon shorel, feri o Del, kon o bararipe del.

verso 8

Kon beshavel haj kon shorel, kodo sa jekh si, sakon lela pesko potyinipe kade, sar kathar leski butyi perelpe.

verso 9

Ke le Devleske butyake amala samle, tume pale le Devleski plugaki phuv, le Devlesko kher sanle.

verso 10

Kathar o Del mange dino gracija, sar platniko vazdari, fundo kerdom; kaver pale pe kodo vazdel peski butyi. Ba sakon te lel sama, ke sar vazdel pe leste.

verso 11

Ke pa tele shutino fundo avralutnes, so o Jezush Kristo si, kaver fundo khonyik nashtig shol tele.

verso 12

Kana pale varikon po fundo somnakaj, rup, kuch barr, kasht, khas, sulum shol,

verso 13

sakoneski butyi dichimaski avla; ke le Rajesko dyes sikavela, ke ande jag sikadyola, haj e jag avrizumavela, ke kaske soskij leski butyi.

verso 14

Kodo, kaske ashola leski butyi, so opralvazdas, potyinipe lela.

verso 15

Kodo, kaski butyi phabolatar, dosh resela; voj apol muntosardyola, ba feri kathar e jag.

verso 16

Chi zhanen, ke le Devleski khangeri sanle, haj le Devlesko Duho beshel ande tumende?

verso 17

Kodo pale, kon le Devleski khangeri tele rumusarel, tele rumusarel le Devles. Ke le Devleski khangeri sunto si, haj tume san kodo.

verso 18

Khonyik tena xoxavel pes. Kon mashkar tumende platnikeske gindil pes pe kadi luma, te kerdyol bi zhanimasko, ke platniko te shaj avel.

verso 19

Ke kadala lumako platnipe khanchimata si angla o Del. Ke iskrime si:
„Xutyilel le platnikon ande lengo xalipe”.

verso 20

Majdur:
„O Raj zhanel pa platnikenge gindimata,
ke khanchikanej”.

verso 21

Khonyik tena asharelpe manushenca. Ke sakofalo tumaro si,

verso 22

vi o Pal, vi o Apollo, vi o Kefash, vi e luma, vi o trajo, vi o meripe, vi le akanutne, vi le avlune: sakofalo tumaro si,

verso 23

tume pale le Kristoske sanle, o Kristo pale le Devleskoj.

Capítulos:

1 2 3 4 5 6 7 8 9 10 11 12 13 14 15 16