Angluno lil kaj le korintushicka

Chapters:

1 2 3 4 5 6 …   ⇤ ← 3 → ⇥

verse #1

Ba me, phralale, nashtig vorbisardom tumnege sar duhikanende, ba sar truposkirende, sar cine shavorenge ando Kristo.

verse #2

Thud dom tumen te pen, na zuralo xamasko, ke inke chi zhanglinesas te inkrenles. Haj inke chi akanak chi zhanen te inkrenles,

verse #3

ke inke truposke sanle. Ke kana mashkar tumende daramnimata haj xape si, chi sanle dore truposke, manushikane?

verse #4

Ke kana kodo phenel o jekh: „Me le Palesko som”, o kaver pale: „Me le Apollovesko”, dore chi sanle atunchi manushikane?

verse #5

Dore soj o Apollo? Soj o Pal? Slugij, kon po patyape ingrerdine tumen kade, sar o Del das kodo lenge.

verse #6

Me beshadomles, o Apollo pale shordasles, ba o baripe o Del das.

verse #7

Apol chi kodo naj khanchi kon beshavel, haj chi kodo kon shorel, feri o Del, kon o bararipe del.

verse #8

Kon beshavel haj kon shorel, kodo sa jekh si, sakon lela pesko potyinipe kade, sar kathar leski butyi perelpe.

verse #9

Ke le Devleske butyake amala samle, tume pale le Devleski plugaki phuv, le Devlesko kher sanle.

verse #10

Kathar o Del mange dino gracija, sar platniko vazdari, fundo kerdom; kaver pale pe kodo vazdel peski butyi. Ba sakon te lel sama, ke sar vazdel pe leste.

verse #11

Ke pa tele shutino fundo avralutnes, so o Jezush Kristo si, kaver fundo khonyik nashtig shol tele.

verse #12

Kana pale varikon po fundo somnakaj, rup, kuch barr, kasht, khas, sulum shol,

verse #13

sakoneski butyi dichimaski avla; ke le Rajesko dyes sikavela, ke ande jag sikadyola, haj e jag avrizumavela, ke kaske soskij leski butyi.

verse #14

Kodo, kaske ashola leski butyi, so opralvazdas, potyinipe lela.

verse #15

Kodo, kaski butyi phabolatar, dosh resela; voj apol muntosardyola, ba feri kathar e jag.

verse #16

Chi zhanen, ke le Devleski khangeri sanle, haj le Devlesko Duho beshel ande tumende?

verse #17

Kodo pale, kon le Devleski khangeri tele rumusarel, tele rumusarel le Devles. Ke le Devleski khangeri sunto si, haj tume san kodo.

verse #18

Khonyik tena xoxavel pes. Kon mashkar tumende platnikeske gindil pes pe kadi luma, te kerdyol bi zhanimasko, ke platniko te shaj avel.

verse #19

Ke kadala lumako platnipe khanchimata si angla o Del. Ke iskrime si:
„Xutyilel le platnikon ande lengo xalipe”.

verse #20

Majdur:
„O Raj zhanel pa platnikenge gindimata,
ke khanchikanej”.

verse #21

Khonyik tena asharelpe manushenca. Ke sakofalo tumaro si,

verse #22

vi o Pal, vi o Apollo, vi o Kefash, vi e luma, vi o trajo, vi o meripe, vi le akanutne, vi le avlune: sakofalo tumaro si,

verse #23

tume pale le Kristoske sanle, o Kristo pale le Devleskoj.

Chapters:

1 2 3 4 5 6 7 8 9 10 11 12 13 14 15 16