Angluno lil kaj le korintushicka

Chapters:

… 4 5 6 7 8 …   ⇤ ← 6 → ⇥

verse #1

Sar tromal mashkar tumende zhi varikon, kana krisaki butyi siles le kaveresa, kaj le murtikana te rodel o chachipe haj na kaj le suntura?

verse #2

Haj chi zhanen, ke le suntura krisarena la luma? Kana pale tume krisarena la lauma, dore chi sanle dosta pe kodo, ke pa khanchikane butya te krisaren?

verse #3

Chi zhanen, ke pe andyela krisarasa? Sodivar majfeder pe lumake butya!

verse #4

Kana apol ande lumake butya krisaren, kodalen shon le krisarenge, kon chi mol khanchi ande eklezhia?

verse #5

Anda kodo phenav kado, ke te lazhan tumen! Haj kade naj mashkar tumende chi jekh platniko manush, kon krisaripe zhanelas te phenel ande peske phralenge trabi?

verse #6

Phral le phralesa krisarelpe, haj inke angla murtikana.

verse #7

Haj aba vi kodo dosh si tumende, ke krisikane traba si tumen jekhavresa. Apol sostar chi toleralisaren barem le bi chachipes? Sostar chi toleralin le dosharipes?

verse #8

Haj inke tume keren bi chachimata haj keren dosh, haj apol le phralenge!

verse #9

Bake chi zhanen, ke le bi chache chi resen le Devleske themes? Na xoxaven tumen: chi marhisarde, chi fetisha kamade, chi ansuripe phagara, haj chi murshenca marhisarde mursh,

verse #10

chi xapavara, chi xanzhvale, chi matyarne, chi armaja cipisarde, chi chor, chi resena le Devleske themes.

verse #11

Bater, kasave sanasle unyizhene: ba thodine tumen, suntosardyipe resline, haj chachardyiline ande Rajesko le Jezush Kristosko anav, perdal pa amare Devleske Duho.

verse #12

„Sakofalo slobodoj mange!” Ba na sakofalo zhutil. „Sakofalo slobodoj mange!” Feri me tena avav khancheski sluga.

verse #13

„O xamasko anda rinza si, haj e rinza anda xamasko!” Ba o Del vi kadales haj vi kodoles nacharel. Ba o trupo na anda marhipe si, ba anda Raj, o Raj pale anda trupo.

verse #14

Ke o Del opretrajardas le Rajes, haj vi amen opretrajarela peske saktimosa.

verse #15

Haj chi zhanen, ke tumaro trupo le Kristoske riga si? Te shinav apol le Kristoske riga, haj marhimaske zhulyake te kerav kodo? O Del te »rakhel haj te feril!

verse #16

Bake chi zhanen, ke kon marhime zhulyasa kamavelpe, jekhe truposke kerdyol lasa? Ke – sar o Iskiripe phenel –”dujzhene jekhe truposke kerdyon”.

verse #17

Kon pale le Rajesa jekhajvel, jekh dyi si lesa.

verse #18

Krujin le marhipes! Sakofalo bezex si, so o manush kerel, avral si pa trupo; ba kon marhilpe, kodo peske truposke bezexarel.

verse #19

Bake chi zhanen, ke tumaro trupo le Suntone Duhoski khangeri si, kon ande tumende si, haj so kathar o Del line, kade chi sanle tumare?

verse #20

Ke baro sas tumaro parudino potyinipe! Luvudyisaren apol le Devles ande tumaro trupo.

Chapters:

1 2 3 4 5 6 7 8 9 10 11 12 13 14 15 16