Angluno lil kaj le korintushicka

Chapters:

… 8 9 10 11 12 …   ⇤ ← 10 → ⇥

verse #1

Chi kamav, ke te bistren kodo, phralale, ke tumare dada savorazhene tala o noro sas, haj savorazhene perdal geline pa mara,

verse #2

haj savorazhene bolardinepe perdal pa Mozesh ando noro haj mara.

verse #3

Savorazhene zhikodo duhikano xamasko xanas,

verse #4

haj savorazhene zhikodo duhikano pimo penas, ke piline anda kodo duhikano plaj so palalende zhalas: o plaj pale o Kristo sas.

verse #5

Ba ande majbutende chi arakhlas voja o Del, ke muline ande pusta.

verse #6

Kado pale amenge anglune pecimaske kerdyilas, ke ame tena dorosaras o nasul, sar von dorosardineles.

verse #7

Chi fetisha kamle na kerdyon, sar unyizhene mashkar kodal, sar iskirime si: „Tele beshlas o popularo te xal haj te pel, haj opreushtyiline te khelenpe”.

verse #8

Haj tena marhisaras amen, sar unyizhene marhinsardine pen mashkar kodal, haj tala jekh dyes bishtajtrin miji zhene muline.

verse #9

Chi le Kristos na zumavas, sar kon unyizhene zumadine les mashkar kodal, haj xasajlinetar kathar le sapa.

verse #10

Chi te xolyajven na xolyajven, sar unyizhene xolyajline mashkar kodal, haj xasajline kathar o pustisari.

verse #11

Sa kadal anglune pecimaske kerdyiline amenca, haj anda kodo iskirisardineles tele, ke te sityuvas anda leste ame, kaste la vramako agor pashardyilas.

verse #12

Kon apol kodo gindil, ke tordyol, te lel sama, tena pereltar.

verse #13

Kathar manusheski zor majbaro zumavjipe inke chi reslas tumen. O Del chachoj, haj chi mukel kodo, ke opral pa tumari zor te dukhadyon zumavjipe, ba le zumavjipesa kethanes vi o slobodipe del tumenge, ke te zhanen perdal te trajin les.

verse #14

Anda kado mure kamade, krujin le fetishongo kamipe.

verse #15

Kade dav duma tumende, sar kaj godyavera manusha: krisaren tume, ke so phenav:

verse #16

Le ashtyilimasko taxtaj, so ashchilisaras, na amaro ande Kristoske ratesko rigipe si? Haj o manro, so phagas, na amaro ande Kristosko truposko rigipepe si?

verse #17

Ke jekh manro, jekh trupo sam but zhene, ke savorazhene anda jekh manro rigajvas.

verse #18

Dikhen le trupostarutno Izraeles: kon le sarkafimura xal, apol ando kethanipe si le oltarosa?

verse #19

So kamav kadalesa te phenav? Dore kodo, ke le fetishonge sarkafimasle masa bake o fetisho kerel variso?

verse #20

Na! Ba so le murtikana sarkafimosaren, kodo le demonenge sarkafimosaren haj na le Devleske. Chi kamav, ke le demononca te aven ando kethanipe.

verse #21

Nashtig pen le Devlesko taxtaj haj le demonengo thaxtaj. Nashtig aven rigasle le Devleske mesalyake haj le demonenge mesalyake.

verse #22

Te xolyaras dore po daramnipe le Rajes? Dore maj zurale sam lestar?

verse #23

„Sosko slobodoj”, ba na sakofalo hasnisarel. „Sakofalo slobodoj” ba na sakofalo avla po oprevazdipe.

verse #24

Khonyik tena rodel pesko, ba kodo, so kavereskoj.

verse #25

Sakofalo, so pe masesko foro bikindyol xanles, kade, ke vi variso te pushenas anda duho hatyarimaske butya.

verse #26

Ke le Devleskij e phuv haj kodalako intregonipe.

verse #27

Kana varikon mashkar le murtikana akarela tumen haj vi kamen te zhantar, sakofalo xan, so xaben angla tumende shon, kade, ke vi variso te pushenas anda duho hatyarimaske butya.

verse #28

Ba kana varikon kodo phenel tumenge: „Kado anda fetishege sarkafimosarde butya si”, na xanles anda kodo, kon vazdas e vorba, haj anda duho pushlipe;

verse #29

Na tyire duhoske hatyarimata phenav pe kado, ba le kaveresko. Sostar te krisarel muro slobodipe kaveresko duhosko hatyaripe?

verse #30

Kana me najisipesa resardyuvav, sostar te kushel man varikon anda kodo, anda soste najisipe phenav?

verse #31

Apol te xana, te pena, haj zhikaver te kerena, sakofalo pe Devlesko luvudyipe keren.

verse #32

Na keren kasavo anda soste shaj xolyajven le bibolde, haj le hellena, haj chi le Devleske eklezhiake,

verse #33

sar vime ande sakofaloste sakoneske leski voja kerav, na kodo rodindes, so mange lashoj, ba kodo so le majbutenge, ke te muntosardyon.

Chapters:

1 2 3 4 5 6 7 8 9 10 11 12 13 14 15 16