Angluno lil kaj le korintushicka

Chapters:

1 2 3 4 5 6 …   ⇤ ← 2 → ⇥

verse #1

Vi me, kana tumende gelom, phralale, na la vorbake bake platnikipeske phutyarimatasa gelom, te viacarav tumenge le Devleski tajna.

verse #2

Ke mashkar tumende chi kamos pa kaver te zhanav, sar pa Jezush Kristo, pa kodo kas po trushul tannardine.

verse #3

Ando slabipe, ande bari dar somas mashkar tumende.

verse #4

Mure vorbi haj le alav-viacarimata na anda platnikipe phenos, ba anda Duho haj zorako zhanipe,

verse #5

ke tumaro patyape na pe manushengo platnikipe, ba pe Devleski zor te hodinisardyol.

verse #6

Platnikipe mashkar federa viacaras, ba na kadala lumako platnikipe, haj na kadala lumake po pustipe krisardine rajengo;

verse #7

ba le Devlesko tajnicko, garado platnikipe viacaras, so o Del kathar sagutnipe vladisardas pe amaro luvudyipe.

verse #8

Kado khonyik chi pinzhardas opre mashkar kadala lumake kraja, ke opre te pinzhardinesas, chikana tannardinesas po trushul le luvudyimaske Rajes.

verse #9

Ba sar iskirime si: „So jakh chi dikhlas, kan chi ashundas, so kaj le manushesko ilo opre chi reslas, kodo kerdas o Del kodalenge, kon kamen les”.

verse #10

Ba amenge avriphendas o Del perdal pa Duho: ke o Duho sakofalo avrirodel, inke vi le Devlesko milnope.

verse #11

Ke kon pinzharel mashkar le manusha le manushenge andralutne butya, kana na le manushesko duho, so ande leste si? Zhikade chi le Devleske andralutne butya chi pinzharel khonyik, numa le Devlesko Duho.

verse #12

Ba ame na la lumako duho lam, ba kodo Duho, so kathar o Del si, ke te pinzharas kodo, so o Del amenge das.

verse #13

Kado vi viacarisaras, ba na kathar o manushikano platnikipe, ba kathar o Duho sityarde vorbenca, kaj duhikane duhikanimata pashardines.

verse #14

Ba o manush chi hatyarel, so le Devlesko Duhosko si, ke bi hatyardoj kodo leske, haj chi zhanel te hatyarelles, ke duhikanes trubuj kodo te krisaren.

verse #15

O duhikano manush pale sakofalo krisarel, ba les khonyik chi krisarel.

verse #16

Ke kon pinzharel le Rajeske gindimata,
sar shaj sityarelas les?
Ande amende pale le Kristoske gindimata si.

Chapters:

1 2 3 4 5 6 7 8 9 10 11 12 13 14 15 16