Angluno lil kaj le korintushicka
capítulo 16
Kethanekidipe pe Jeruzhalemicka patyamnengi rig
verso 1
So pale pe le suntonge kethane kidinisardine dimata kerdyilas, vi tume kade te keren, sar le Galacicka eklezhiange vladisardom.
verso 2
Pe kurkesko angluno dyes savorazhene te shol rigate haj te kidel kethane, so les faj, ke na atunchi te pecilpe o kethanekidipe, kana kothe reso.
verso 3
Kana apol kothe avo, kodalen, kas tume phenen, bishalo le lilesa, ke tumaro kamado kethane kidipe te ingren ando Jeruzhalemo.
verso 4
Haj mishto te avla vi me te zhavtar, atunchi manca avena.
Le aposhtoleske gindimata
verso 5
Tumende pale atunchi zhav, kana aba andre phirdom e Makedonia, ke pa Makedonia perdal zhav.
verso 6
Dore vi kothe ashuvo tumende, bake vi o jivend kothe hodinisarav, ke vi tume te den man pasharimata, zhikaj zhotar me.
verso 7
Ke chi kamav akanak numa kade perdal zhalindes te dikhav, ke sperantisarav, ke jekh vrama tumende ashuvav, o Raj te mukela.
verso 8
Ando Efezush pale zhikaj e rusaja ashuvo.
verso 9
Ke baro haj bulho vudar puterdyilas angla mande, ba but si vi le dushmana.
verso 10
Kana kothe resel o Timoteush, aven pe kodo, ke bi darako te avel tumende, ke ande Rajeski butyi khinyarelpe, sar vi me.
verso 11
Apol khonyik tena dikhel les tele, ba zhan lesa pachasa, te avel mande, ke zhukarav les le phralenca kethanes.
verso 12
Le Apollo phrales pale manglom, ke te zhaltar tumende le phralenca kethanes, ba chi sar chi kamlas akanak te zhal: ba zhalatar, kana vrama avla les.
Palune ferimata haj drobovjipe
verso 13
Len sama, haj aven zurale ando patyape, keren tumare butya murshikanes, haj aven zurale.
verso 14
Sakofalo so keren ando kamipe te kerdyol.
verso 15
Mangav tumen phralale: pinzharen le Stefanaseske khereske manushen, ke von si la Achajake slabura, haj pen po suntongo slugipe suntosardine:
verso 16
vi tume muken tumen le kasavenge, haj sakoneske, kon lenca kethanes butyarelpe haj khinyarelpe.
verso 17
Losshav le Stefanaseske, le Fortunatuseske, haj le Achaikuseske ke kathe si, ke kana dur san von si kathe anda tumende,
verso 18
ke oprelosshardine vi muro dyi, haj vi tumaro. Inkren apol kasaven ande patyivate.
verso 19
Drobovjisaren tumen la Azhiake eklezhiji. Butivar drobovjisaren tumen ando Raj o Akvila haj e Priscilla kodalenca kethanes, kon lenca si ando kher.
verso 20
Drobovjisaren tumen le phral savorazhene. Drobovjisaren jekhavres suntone chumindesa.
verso 21
Me o Pal, mure vastesa iskirisarav o drobovjipe.
verso 22
Kon chi kamel le Rajes, te avel nashado! Marana tha!
verso 23
Le Raj Jezusheski gracija te avel tumenca!
verso 24
Muro kamipe savorazhenenca ando Jezush Kristo.
Libros
