bommey
78. zsoltár
1. vers
maSqIlvam qon ‘aSav.
chut’a’wIj yI’Ij, ‘o ghotpu’wI’; nujwIj mu’meyvaD teSraj tItlhe’moH.
2. vers
SorHa’meH lut vIjatlh; nujwIj vIpoSmoH. tIQbogh vIttlheghmey Hurgh vIjatlh.
3. vers
DIQoypu’ ‘ej DISovpu’; maHvaD jatlhpu’ no’ma’.
4. vers
puqpu’chajvo’ DISo’be’ ‘ach puq poH veb wIja’. joH’a’ ta’mey Dun, HoSDaj, boqHarmeyDaj je DIrIch.
5. vers
ya’qovDaq nguHta’ ghaH; yISra’elDaq chut cherta’. puqpu’chaj ghojmoH vavpu’ma’ ‘e’ ra’ta’.
6. vers
vaj Sov puq poH veb, wej boghpu’ puqpu’, ‘ej Hu’ ‘ej puqpu’chaj ja’.
7. vers
vaj Qun’a’ luloS ‘ej Qun’a’ ta’mey lIjbe’ ‘ej rIchwInmeyDaj pab.
8. vers
vaj no’chaj rurbe’, lotlhbogh puq poH mul chaHmo’. ngaDbe’ tIqchaj ‘ej Qun’a’vaD matlhbe’ qa’chaj.
9. vers
naQjejHom nuH qeng ‘evra’yIm puqpu’ ‘ach che’ron DoH qaSDI’ may’ jaj.
10. vers
Qun’a’ mab lupabbe’ ‘ej chutDaj lulobQo’.
11. vers
ta’meyDaj lIj ‘ej boqHarmeyDaj ‘angta’bogh lIj.
12. vers
boqHarmey ta’. mItlhra’yImDaq tlho’an yotlhDaq ghu’vam lutu’ no’ma’.
13. vers
bIQ’a’ wav ‘ej chaHvaD luchIqmoH. bIQmey QammoH; Doj lurur.
14. vers
qaStaHvIS pem, DevmeH ‘eng lo’; qaStaHvIS ram, DevmeH qul wovmoHwI’ lo’.
15. vers
DebDaq naghmey rIv ‘ej chaHvaD tlhutlhmoH; bIQ jaQ rur.
16. vers
naghvo’ bIQtIqHommey ghoSmoH ‘ej bIQmey ghItmoH; bIQtIq’a’ rur.
17. vers
‘ach luqaDmeH yem chaH ‘ej yemqa’. DebDaq jenwI’’a’ luqaDmeH lotlh.
18. vers
Qun’a’ lutlhu’moH tIqDu’chaj ‘ej Soj luneHqu’bogh lupoQ.
19. vers
Qun’a’ lurIchHa’ ‘ej lujatlh: “DebDaq raS cherlaH’a’ Qun’a’?
20. vers
nagh mup; vaj ghIt bIQ ‘ej bI’ bIQtIqHom. ghotpu’vaD tIr ngogh, Ha’DIbaH joq noblaH’a’ je?”
21. vers
vaj QoyDI’ joH’a’, QeHqu’choH. ya’qovmo’ meQchoH qul; yISra’elmo’ ghur QeHDaj.
22. vers
qaS wanI’vam, Qun’a’ luHarbe’mo’ ‘ej toDbogh HoSDaj luvoqbe’mo’.
23. vers
‘ach chalmey ra’ ‘ej chal’a’ lojmItmey poSmoH.
24. vers
‘ej SopmeH chaHvaD man SISmoH ‘ej chaHvaD chal tIr nob.
25. vers
HoSDo’ tIr ngogh Sop loD; Soj law’ ngeH.
26. vers
chalDaq chan SuS qaSmoH ‘ej HoSDajmo’ tIng SuS qaSmoH.
27. vers
chaHvaD Ha’DIbaH SISmoH; Say’qIS rur. bo’Deghmey ngeH; bIQ’a’ Do’ol rur.
28. vers
raQchaj qoDDaq bIH pummoH. juH qachmeychaj Dech.
29. vers
Sop chaH ‘ej buy’choHchu’, chaHvaD chabalchaj nobmo’.
30. vers
‘ach yonchoHchu’pa’, nujDu’chajDaq ‘oHtaHvIS Soj,
31. vers
chaHmo’ QeHqu’choH Qun’a’ ‘ej HoSqu’wI’pu’ HoH ‘ej yISra’el loDpu’ Qup jey.
32. vers
‘ach yem ‘ej yemqa’ chaH. boqHarmeyDaj buSHa’ ‘ej HarQo’.
33. vers
vaj jajmeychaj ngabmoH; tlhuHHom rur. DISmeychaj ngabmoH lughIjqu’lu’taHvIS.
34. vers
chaH HoHDI’, ghaH lunej. DIS ‘ej tlhe’ ‘ej pe’vIl Qun’a’ lunej.
35. vers
naghchaj ghaH Qun’a’’e’ ‘e’ luqaw. toDwI’chaj ghaH Qun’a’ jenwI’’a’’e’.
36. vers
‘ach mu’mey qey jatlh nujDu’chaj; lunep jatDu’chaj.
37. vers
ghaHvaD ngaDbe’ tIqDu’chaj ‘ej mabDaj lupabbe’.
38. vers
‘ach vup ghaH. yemDI’ chaH, DIvHa’moHmeH vel ghaH ‘ej chaH Qaw’be’. pIj QeHDaj vuS ‘ej Qay’be’.
39. vers
‘oynot neH chaH ‘e’ qaw; juSbogh ‘ej cheghbe’bogh SuS lurur.
40. vers
pIj HatlhDaq lulotlh ‘ej DebDaq lunuQ!
41. vers
Qun’a’ lutlhu’moH ‘ej lutlhu’moHqa’. yISra’el quvwI’’a’ luSuj.
42. vers
ghopDaj luqawbe’. gholvo’ chaH toD; jajvetlh luqawbe’.
43. vers
mItlhra’yImDaq ta’mey Dun ta’; tlho’an yotlhDaq boqHarmey ta’.
44. vers
bIQtIqmeychajvaD ‘Iw mojmoH, vaj tlhutlhlaHbe’.
45. vers
ghIlab ghew ‘engmey ngeH; chaH natlh bIH. mabebmey ngeH ; chaH Qaw’ bIH.
46. vers
SupwI’ ghewvaD naH yotlhmeychaj nob. yobmeH vum chaH ‘ach Sop SupwI’ ghew.
47. vers
ghIrep naH yotlhmeychaj Qaw’meH muD Dotlh HeqmoH. naH Sormeychaj Qaw’meH muD Dotlh taDmoH.
48. vers
tangqa’meychaj HeghmoH Heqmo’ ‘ej DI’raqmeychaj HeghmoH tuDmo’.
49. vers
chaHDaq QeH’a’Daj, belHa’ghachDaj, SengDaj je lIch. Qaw’bogh HoSDo’ ngeH.
50. vers
QeHDajvaD taw chenmoH; Heghvo’ chaH Qanbe’ ‘ach rop’a’vaD yInchaj nob.
51. vers
mItlhra’yImDaq Hoch ghubDaQ mupchu’; Ham jo’ley’meyDaq HoSchaj wa’DIch mupchu’.
52. vers
ghIq ghotpu’Daj lup ‘ej DebDaq Dev; DI’raqmey rur.
53. vers
chaH Qan vaj ghIj pagh ‘ach jaghpu’chaj vIQmoH bIQ’a’.
54. vers
puHDaqj quvDaq chaH qem. HuDDaq’e’ je’bogh nIHDaj ghop qem.
55. vers
nughmey vuj ghaH; ghu’vam lutu’ chaH. puH lu’atmeH chaH, wav ghaH. yISra’el tuqmeyvaD jo’ley’meychaj DabmoH.
56. vers
‘ach Qun’a’ jenwI’’a’ lutlhu’moH ‘ej lulotlh ‘ej chutmeyDaj pabQo’.
57. vers
ghaHvo’ tlhe’ ‘ej matlhHa’; no’chaj rur. SIH; naQjejHom nuH Duy’ lurur.
58. vers
Daqmeychaj jenmo’ luQeHmoH; latmeychajmo’ lughalmoH.
59. vers
QoyDI’ Qun’a’, Qay’ ‘ej yISra’el woDchu’.
60. vers
SIloHDaq DabmeH Daq lon. Humanpu’ jojDaq jo’ley’Daj lanpu’; ghIq jo’ley’ lon.
61. vers
DerlIq’a’Daj jonlu’ ‘e’ chaw’; ghol ghopDaq ngay’Daj jeghlu’ ‘e’ chaw’.
62. vers
yanvaD ghotpu’Daj nob ‘ej quHDajDaq QeHDaj lIch.
63. vers
loDpu’chaj Qup natlh qul; tlhogh bom luHutlh be’pu’chaj Qup.
64. vers
yanmo’ pum maqleghpu’chaj. SaQlaHbe’ loDnal luweSbogh be’pu’’e’.
65. vers
ghIq vem joH’a’; ‘Iw tlhutlhpu’bogh SuvwI’ jachwI’’e’ rur.
66. vers
gholpu’Daj mup ‘ej Hochlogh chaH tuHmoH.
67. vers
yoSev jo’ley’ lajQo’; ‘evra’yIm tuq wIvbe’.
68. vers
‘ach yeHu’Da tuq wIv; tlhI’yon HuDvaD bangDaj Dam.
69. vers
DaqDaj quv mutlh; chal’a’ rur. reH tera’ chenmoHpu’bogh rur.
70. vers
DawID, toy’wI’Daj wIv ‘ej DI’raq pa’meyvo’ ghaH tlhap.
71. vers
tagha’Ha’ SoS DI’raq Qorgh DawID; ghIq ya’qov ghotpu’Daj, yISra’el quHDaj QorghmeH DawID wIv joH’a’.
72. vers
chaH QorghmeH tIgh QaQ pab ‘ej chaH DevmeH ghopDaj po’ lo’.
Könyvek
