bommey
71. zsoltár
1. vers
SoHvaD, ‘o joH’a’, lulIgh vIDam; not vItuHmoHlu’!
2. vers
ruvlIjmo’ HIlupneS ‘ej HItoDneS; jIHDaq teSlIj yItlhe’moHneS ‘ej HItoDneS!
3. vers
jIHvaD lulIgh nagh yIDaneS; vaj qaghoStaH. vItoDlu’meH bIra’ta’, naghwIj, jem’IHwIj je SoHmo’.
4. vers
jIvvo’ ghopvo’ HItoDneS, ‘o Qun’a’, mu’uchDI’ QIHbogh loD.
5. vers
chabalwIj SoH, ‘o joH’a’, ‘ej HojnIy jIHDI’ qavoq.
6. vers
jIboghpu’pa’ qawuv; SoSwI’ chI’IDvo’ cholelpu’. qanaDtaH.
7. vers
jIHvaD maQ luDam ghotpu’ law’ ‘ach lulIgh HoS SoH.
8. vers
nujwIj buy’moH naDlIj ‘ej buy’moH ngay’lIj qaStaHvIS jaj Hoch.
9. vers
DaH vIqanDI’ HIwoDneSQo'. HoSwIj natlhlu’DI’ HIlonneSQo'.
10. vers
murIch jaghpu’wI’; ja’chuq yInwIj luloSbogh vay’pu’’e’.
11. vers
jatlh: “ghaH lonpu’ Qun’a’; yItlha’ ‘ej yIjon, toDmeH pagh tu’lu’.”
12. vers
‘o Qun’a’, jIHvo’ yIHopneSQo'; ‘o Qun’a’wI’, tugh HIQaHneS!
13. vers
tuHchoHjaj pumwI’pu’wI’ ‘ej lunatlhlu’jaj; quvHa’jaj muQIHrupbogh vay’pu’ ‘ej luvaqlu’jaj.
14. vers
‘ach jIturtaH jIH; qanaDtaH ‘ej qanaDqa’taH.
15. vers
ta’meylIj quv rIch nujwIj; qaStaHvIS jaj Hoch toDmeH ta’meylIj rIch. law’ bIH; vItoghlaHbe’.
16. vers
joH’a’ Qun’a’ ta’mey HoSghaj vImaqmeH jIghoS; SoHvo’ neH ‘oH ruv’e’ chaHvaD ‘e’ vIqawmoH.
17. vers
‘o Qun’a’, HojnIy jIHDI’ choghojmoH; DaH ta’meylIj Dun vImaqqa’taH.
18. vers
jIqanDI’ ‘ej qIjchoHDI’ jIbwIj ‘ej wovchoHDI’, ‘o Qun’a’, HIlonneSQo'; ghIq latlh puq poHvaD HoSlIj vImaq; ghotpu’ vebvaD nguplIj vImaq.
19. vers
jenqu’ ruvlIj, ‘o Qun’a’; ta’mey Dun Data’ta’; Durur ‘Iv?
20. vers
jIHvaD Sengmey law’ DaleghmoHpu’ ‘ach chorIHqa’moH. wutlh jaQvo’ choqemqa’.
21. vers
choquvqa’moH ‘ej chobaw’qa’moH.
22. vers
vItlIjmo’ qanaDmeH HurDagh vIchu’, ‘o Qun’a’wI’; SoHvaD jIbommeH tIngDagh vIchu’, ‘o yIsra’el quvwI’’a’.
23. vers
jIQuchmo’ jach wuSDu’wIj, SoHvaD jIbomDI’; jach qa’wIj DatoDpu’bogh je.
24. vers
qaStaHvIS jaj Hoch ruvlIj rIch jatwIj, tuHchoHmo’ ‘ej mISchoHmo’ muQIHbogh ghotpu’.
Könyvek
