bommey
65. zsoltár
1. vers
QoQpInvaD bomvam qon DawID.
tlhI'yon HuDDaq DuloS naD, ‘o Qun’a’, ‘ej SoHvaD ‘Ipmey lupablu’.
2. vers
bIQoy tlhoblu’DI’; nIghoS Hoch jubbe’pu’.
3. vers
mucharghDI’ ta’mey mIgh ‘ej mawoghDI’ juDIvHa’moH.
4. vers
ghot DawIvchugh ‘ej DaqlIj DabmeH DaghoSmoHchugh, vaj Quchqu’ ghotvetlh! QaQmo’ juH qachlIj ‘ej quvmo’ chIrghlIj mayon.
5. vers
bIquvmo’ jujangmeH ta’mey Dun Dalo’, ‘o toDmaj Qun’a’; puH HeHmey, bIQ’a’mey Hopqu’ je chabal’a’ SoH.
6. vers
HoSlIjmo’ HuDmey Dacherpu’; woQ DatuQ;
7. vers
jachbogh bIQ’a’mey, yu’eghmey bey, ghotpu’ wab je DatammoH;
8. vers
vaj boqHarmeylIjmo’ Duq Hoch tera’ HeHmey DabwI’pu’. qaStaHvIS po tlhom je qubbID, bommey Quch lubomlu’ ‘e’ DaqaSmoH.
9. vers
tera’ DaSuch ‘ej DatlhutlhmoH ‘ej DamIpmoH; Qun’a’ bIQtIq buy’moH bIQ; chaHvaD tIr Danob Dacherpu’mo’.
10. vers
taSmanmeyDaj DaHaH ‘ej puH Su’nImmeyDaj DaHabmoH; DatunmoHmeH bIQ Daghay ‘ej nenDaj DatungHa’.
11. vers
DIS DaQaQmoH; mIv’a’ rur. vabDot tlhaghmo’ ghIt tawmey.
12. vers
ghIt Debmey ‘ej Hoch lurghDaq Quchqu’ HuDmey.
13. vers
DI’raqmey tuQ’eghmoH yotlhmey ‘ej ngechmey vel tIr; Quchqu’mo’ jach ‘ej bom.
Könyvek
