yo’aneS nav QIn cha’DIch
1. fejezet
1. vers
be'vaD, puqpu'DajvaD nav QInvam vIqon. qup jIH 'ej joH'e', be' wIvlu'ta'bogh ghaH. vImuSHa'bej. muSHa' je vIt muSHa'bogh Hoch.
2. vers
nuDab vIt 'ej reH mutlhej vIt.
3. vers
'oHmo' maHvaD boQ, pung, roj je nob joH'a', vav'a', mamuSHa'taHvIS 'ej mavIttaHvIS. Dochmeyvam nob je yeSu'a QIStoS, vav'a' puqloD.
4. vers
vItDaq yItmo' puqpu'lI'. muQuchmoH ngoDvam, vItDaq mayIt 'e' ra'mo' vav'a'.
5. vers
'ej DaH be' vIQejbogh, SoHvaD rIchwIn chu' vIja'be'. bI'reS rIchwInvam rap DaQoypu': mamuSHa'chuqjaj.
6. vers
'ej muSHa'meH mIwna' 'oH mIwvam'e': joH'a' chut tIlobtaH. taghDI' Hoch, rIchwInvam DaQoypu'; 'oH DapabtaHvIS, yIvang.
7. vers
qo'Daq law' yuqwI'pu' 'ej porghna'Daq narghta' yeSu'a QIStoS 'e' lutem chaH. nepwI', QIStoS ghol je chaH nuvpu'vetlh'e'.
8. vers
ta'meylIj DaweSbe'meH 'ej poplIj DaHevmeH yIyep'eghmoHtaH.
9. vers
joH'a' Hutlh QIStoS paQDI'norgh qImtaHbe'bogh DuvwI''e'; vav'a', puqloD'a' je tlhejtaH paQDI'norgh qImtaHwI'.
10. vers
pawchugh paQDI'norghvam pabbe'bogh vay'e', juHlIjDaq yIma'Qo' 'ej yIvanQo'.
11. vers
vay'vetlh vanlu'chugh, vaj jeSlu' ta'meyDaj mIgh turtaHvIS vay'vetlh.
12. vers
SoHvaD Dochmey law' vIja' vIneH 'a nav, rItlh je vIlo' vIneHbe'. 'a qaSuch 'ej qaQuchmoHchu'meH SoHvaD jIjatlh 'e' vItul.
13. vers
be'nI'lI' puqpu' tIvan, be' wIvta'bogh joH'a'.
Könyvek
