pe’tlhoS nav QIn cha’DIch
1. fejezet
1. vers
SI'mon pe'tlhoS—toy'wI', yeSu'a QIStoS Duy je—jIH. nuvoqmoHta' joH'a'. nuvoqmoHta' je yeSu'a QIStoS, toDwI''a'ma'. nobvam wIQejqu'. nobvam lulInbogh ghotpu'vaD QInvam vIngeH:
2. vers
tlhIHvaD pung'a' law', roj law' je nobjaj joH'a', yeSu'a QIStoS joH je.
3. vers
Hoch wIpoQbogh nobpu' HoSDaj ngar 'ej yInmey quv SIQmeH yap Hochvetlh, ghaH wISovmo'. wISovmeH nurIt 'ej wISov, ngay'Dajmo' ta'meyDaj povmo' je.
4. vers
batlh maHvaD lay'meH Dochmeyvam lo'ta'. DI'ruj ngar wIlInchoHlaH 'e' qaSmoH. maqal 'e' wImev 'ej nuSIghHa'choH qo'mey tlhu'moHwI'mey mIgh.
5. vers
meqvammo', peHar 'ej HartaHghachrajDaq ghob QaQ yIchel. 'ej ghobraj QaQDaq Sov yIchel.
6. vers
'ej SovrajDaq Sun yIchel. 'ej SunrajDaq taHmeH laH yIchel. 'ej taHmeH laHrajDaq batlh yIchel.
7. vers
'ej batlhrajDaq muSHa'chuqghach yIchel. 'ej muSHa'chuqghachrajDaq muSHa'meH mIw yIchel.
8. vers
DI'onmeyvam bochIwchugh 'ej ghurtaHchugh DI'onmeyvam, SulI'Ha'be' 'ej SuvaQHa'be', yeSu'a QIStoS joH boSovtaHvIS.
9. vers
'a DI'onmeyvam Hutlhchugh vay', leghlaHbe'chu' pagh SumwI' neH leghlaH. yemmeyDajmo' bIjlu'be'meH Say'moHlu'ta' 'e' lIj.
10. vers
vaj, vInDa'pu'wI', borItlu'ta' 'ej bowIvlu'ta' 'e' yIwoq; yInIDqu'. DI'onmeyvam bochIwchugh, not Sutang
11. vers
'ej pe'vIl ru'Ha'chu'bogh wo'DajDaq lIma' yeSu'a QIStoS—joHma', toDwI''a'ma' je.
12. vers
vaj reH tlhIHvaD Dochmeyvam vIqawmoHtaH, vabDot bIH boSovchugh 'ej wejHa' Sucher'eghmeH vIt boyajbogh bolo'chugh.
13. vers
jo'ley' rurbogh porghvam'e' vIDabtaHvIS, waSHa' qawmoHmeH mIwvam 'e' vIDam.
14. vers
tugh porghvam vIlon 'e' vISovmo'. ngoDvam vIyaj 'e' qaSmoH yeSu'a QIStoS, joHma'.
15. vers
jItlheDpu'DI' reH Dochmeyvam boqawlaHtaH 'e' vIwoq 'e' vInIDqu'chu'.
16. vers
lutmey 'ong DI'oghta'be', pe'vIl paw yeSu'a QIStoS joH pIja'DI'. 'a ngay'Daj jantor maH.
17. vers
vav'a'vo' quv, ngay' je Hevpu', ngay' Dunvo' ghoSDI' ghogh 'ej jatlhDI' ghoghvetlh «puqloDwI' vISaHchu'bogh ghaHbej; mubelqu'moH.»
18. vers
chal'a'vo' ghoS ghogh 'e' wIQoypu', HuD quvDaq QIStoS wItlhejtaHvIS.
19. vers
vaj joH'a' Duypu' QIn wIvoqqu'laH 'ej QInvam boqImmo', Suchul. Daq Hurgh wovmoHbogh Sech'e' rur. yIqImtaH 'e' yImevQo' qaSpa' jajlo' 'ej tIqrajDaq Salpa' po Hov.
20. vers
'a ngoDvam yISovbej: ghItlhmey quvDaq vuDmeyDaj tlhIn qonta' pagh joH'a' Duy.
21. vers
jubbe'wI' ngoQ 'oH be' 'aqmeH mIw mung'e'. jubbe' joH'a' Duypu''e' 'a Duypu'Daj jatlhmoHta' joH'a' 'ej chaH DevmeH qa''a' quv lo'ta'.
Könyvek
