yona

1. fejezet


Fejezetek:

1 2 3 4


1. vers

'amItay puqloD ghaHbogh yona'e' Qum joH'a', 'ej ja'


2. vers

«SuH yIHu'! nInveyDaq veng tInDaq yIghoS 'ej 'oHvaD yIjach
jIHDaq SIchpu'mo' mIghghachchaj.»


3. vers

'ach joH'a'vo' tarSISDaq Haw'meH Hu' yona
'ej yapoDaq ghIr 'ej tarSISDaq ghoSbogh Duj'e' Sam,
'ej HuchDaj DIl 'ej joH'a'vo' tarSISDaq chaH tlhejmeH 'oH 'el.


4. vers

'ach bIQ'a'Daq SuS'a' qaSmoH joH'a',
'ej bIQ'a'Daq jev,
'ej Duj ghorlu' net pIH.


5. vers

'ej beq Haj, 'ej joHpu'chajvaD jach Hoch,
'ej chaHvaD tISmoHmeH Dochmey'e' ngaSbogh Duj woD.
'ach Duj DopDaq ghIr yona,
'ej Qot 'ej Dum.


6. vers

vaj ghaHDaq ghoS Duj HoD 'ej ghaHvaD ja'
«nuq Data' DumwI'? SuH yIHu', joHlI'vaD yIjach.
chaq joH'a' wIbelmoH vaj maHeghbe'.»


7. vers

'ej ja'chuq «'Ivmo? maHvaD qaSbogh wanI'vam qab'e' wISovchoHmeH maSuDjaj.»
vaj SuD, 'ej yona 'anglu'.


8. vers

vaj luja' «ghoja', SoHmo' maHvaD qaSbogh wanI'vam qab,
Qu'lIj nuq? 'ej nuqDaqvo' bIghoS? nuq 'oH wo'lIj'e'?
'ej nuq 'oH qorDu''a'lIj'e'?»


9. vers

'ej chaHvaD jang «'IbrIyngan jIH, 'ej joH'a', bIQ'a' yav je chenmoHbogh chal joH'e' vItoy'.»


10. vers

'ej loDpu' ghIjqu'lu'
'ej luja' «nuq'e' Data'ta'?» joH'a'vo' Haw' 'e' luSovmo', chaHvaD ja'ta'mo'.


11. vers

'ej luja' []


12. vers

'ej chaHvaD ja' «HIwoH 'ej bIQ'a'Daq HIwoD, vaj tlhIHvaD jotchoH bIQ'a',
jIHmo' tlhIHvaD jevqu' 'e' vISovmo'.»


13. vers

'ach puHDaq ghoSqa' 'e' lunID,
'ach QaplaHbe', chaHvaD jevqu'taH bIQ'a'.


14. vers

'ej joH'a'vaD jach chaH, 'ej luja'
«SuH joH'a', yIn loDvammo' maHeghbe'jaj,
'ej 'Iw chunmo' ghopIchQo'. joH'a' SoH, Doch DaneHbogh Data' rIntaH.»


15. vers

'ej yona luwoH, 'ej bIQ'a'Daq luwoD,
'ej jev 'e' mev bIQ'a'.


16. vers

'ej loDpu' ghIj joH'a', 'ej joH'a'vaD nob lumeQ, 'ej 'Ipmey 'Ip.

Fejezetek:


Könyvek