De’ QaQ’e’ ghItlhbogh marqoS

Fejezetek:

1 2 3 4 5 6 …   ⇤ ← 1 → ⇥

1. vers

yeSuS 'IHrIStoS, [Qun'a' puqloD] Delbogh De' QaQ'e' taghlu'.

2. vers

nemSovwI' yeSay'a paq ghItlh pabtaH ghu':
SuH bIghoSpa', lenglIj qeqbogh QumwI'wI''e' vIngeHlI'.

3. vers

DebDaq jachwI' ghogh: joH'a' leng yIqeq; HemeyDaj tISIHHa'moH.

4. vers

qaS: DebDaq taymo' Say'moHtaH yo'a'neS. 'ej yem net noDHa'meH, paywI'pu' Say'moH, 'e' maq.

5. vers

ghaHDaq tlheD yuDay'a Sep Hoch ngan, yeruSalem Hoch ngan je. yorDa'neS bIQtIqDaq chaH Say'moH ghaH, yem 'e' luDIStaHvIS.

6. vers

Camel pob, porghbotlh Dechbogh DIr qogh'e' je tuQ yo'a'neS. Locust ghew, Honey ghewSoj wIjbe' je Sop ghaH.

7. vers

maqtaHvIS jatlh:
chol vebwI'wI'. ghaH HoS law' jIH HoS puS. waqDaj tlhegh vIQey'Ha'moHmeH jISIH'eghrupbe', quvvam vIqotlhbe'mo'.

8. vers

bIQDaq SaSay'moH jIH. 'ach qa' quvDaq lISay'moH ghaH.

9. vers

qaStaHvIS jajmeyvam, ghalIlay'a natlharetvo' ghoS yeSuS. 'ej yorDa'neSDaq ghaH Say'moH yo'a'neS.

10. vers

bIQ mejDI', SIbI' chal pe'lu' 'e' legh, 'ej ghaHDaq ghIr pigeon chalHa'DIbaH rurbogh qa''a''e' 'e' legh.

11. vers

chalvo' chol je ghogh:
puqloDwI' qaparHa'bogh SoHbej. SoHmo' jIQuchpu'.

12. vers

SIbI' DebDaq ghaH Haw'moH qa''a'.

13. vers

DebvetlhDaq ghaHtaH, qaStaHvIS loSmaH jaj, ghaH tlhu'moHtaHvIS veqlargh. ghaH lutlhej Ha'DIbaH, 'ej ghaH lutoy' Qun'a' QumwI'.

14. vers

yo'a'neS qoplu'pu'DI', Qun'a' De' QaQ maqtaHvIS, ghalIla'ya ghoS yeSuS,

15. vers

jatlhtaHvIS:
rIn bov 'ej SumlI' Qun'a' wo'. Suyem 'e' yIpay 'ej De' QaQ yIHar.

16. vers

ghalIlay'a ngeng retlh juStaHvIS, SI'mon, 'antlhe'aS SI'mon loDnI' je legh, ngengDaq tlheghpat baHtaHvIS chaH; bIQHa'DIbaH wamwI' chaHmo'.

17. vers

chaHvaD jatlh yeSuS:
tutlha'meH peghoS, 'ej ghotpu' bowamchu' 'e' vIqaSmoH.

18. vers

SIbI' tlheghpat lonDI', lutlha'.

19. vers

loQ pa'vo' ghoSDI', ya'qoboS tlhebeDay'oS puqloD, yo'a'neS loDnI'Daj je legh. DujDaq tlheghpatchaj tI' je chaH.

20. vers

SIbI' lucholmeH ra'. DujDaq tlhebeDa'yoS vavchaj, vumwI'pu' luDIllu'bogh je lonDI' chaH, yeSuS lutlha'meH mej chaH.

21. vers

qaparna'um lu'el. qaStaHvIS Sabatlh, SIbI' chIrghDaq ['elta'DI' ghaH,] ghojmoHchoHtaH.

22. vers

ghojmoHmo' yay' chaH. ghojmoHtaHvIS, nIteb woQ ghajwI' Da ghaH, 'ej HaDwI'pu' rurbe'.

23. vers

DaH chIrghDaq ghot'e' SeHbogh qa' Say'Ha' tu'lu'. jatlh jachtaHvIS:

24. vers

maHvaD SoHvaD je nuq 'oH malja''e', yeSuS natlharenoS? juQaw'moHmeH bIghoSta''a'? Dol SoHbogh vISov: Qun'a' quvwI'.

25. vers

ghaHvaD jatlh yeSuS quntaHvIS:
jatlh 'e' mev 'ej ghaH lon.

26. vers

ghaH QommoHpu'DI' qa' Say'Ha', 'ej ghogh HoS jachpu'DI', lon.

27. vers

yay' Hoch. vaj ja'chuqtaHvIS jatlh:
Dochvam nuq? paQDI'norgh chu''e' Qutlhbogh woQ 'oHlaw'. vaj qa'pu' Say'Ha' ra' je ghotvam, 'ej lulob.

28. vers

SIbI' Dat, ghalIlay'a Sep naQDaq ghomHa' ghaH buSbogh De''e'.

29. vers

chIrghvo' mejDI' chaH, SIbI' SI'mon, 'antlhe'aS je juH ghoS, lutlhejtaHvIS ya'qoboS, yo'a'neS je.

30. vers

roptuj SIQmo' SI'mon be'nalSoS, Qot. SIbI' yeSuSvaD ghu'Daj luja'.

31. vers

cholDI', ghaH Hu'moH yeSuS, ghopDaj woHtaHvIS. ghaHvo' mej roptuj 'ej chaH toy'choH ghaH.

32. vers

qaStaHvIS choS, ngabDI' pemHov, ghaHvaD Hoch ropwI'pu', ghotpu''e' SeHbogh qa'pu' mIgh je luqemlu'.

33. vers

lojmItDaq ghom veng Hoch ngan.

34. vers

ropwI' law'vaD, rop Sar vor. 'ej qa' mIgh law' ghIm. 'ej jatlh qa'pu' mIgh 'e' tuch, lughovmo'.

35. vers

qaStaHvIS po 'eq, Hu'DI', mej 'ej Daq chIm ghoS. pa' Qun'a'vaD tlhobtaH.

36. vers

lunej SI'mon, SI'mon tlha'wI' je.

37. vers

ghaH luSam 'ej jatlh:
nInej Hoch.

38. vers

chaHvaD jatlh:
jImaqmeH, latlhDaq, retlh vengmeyDaq wIghoS je; wanI'vam vIta'meH jIghoSta'mo'.

39. vers

'ej maqtaHvIS, ghalIlay'a naQDaq chIrghchaj ghoS, qa'pu' mIgh ghImtaHvIS.

40. vers

ghaH chol Surghbogh rop SIQwI'. tlhobtaHvIS 'ej tortaHvIS jatlh:
DaneHchugh, choSay'moHlaH.

41. vers

vupmo', ghop SIchmoHDI', ghaH Hot yeSuS 'ej jatlh:
vIneH. yISay'.

42. vers

ghaHvo' SIbI' mej Surghbogh rop 'ej Say'qa'.

43. vers

pe'vIl ra'taHvIS, SIbI' ghaH mejmoH yeSuS,

44. vers

'ej ghaHvaD jatlh:
pagh ghotvaD bIja' 'e' yISaH. 'a yIghoS. chIrghpInvaD yI'ang'egh. 'ej bISay'qa' 'e' DatobmeH nob'e' ra'pu'bogh moySeS tIqem.

45. vers

'ach mejDI' ghaH, ja'qu'choH, 'ej wanI' maq. vaj veng 'ellaHbe' yeSuS, ghaH lutu'chugh ngan. Hur Deb SepDaq ghaH tu'lu'. Datvo' ghaH lughoStaH.

Fejezetek:

1 2 3 4 5 6 7 8 9 10 11 12 13 14 15 16