De’ QaQ’e’ ghItlhbogh marqoS

capítulo 1


Capítulos:


verso 1

yeSuS 'IHrIStoS, [Qun'a' puqloD] Delbogh De' QaQ'e' taghlu'.


verso 2

nemSovwI' yeSay'a paq ghItlh pabtaH ghu':
SuH bIghoSpa', lenglIj qeqbogh QumwI'wI''e' vIngeHlI'.


verso 3

DebDaq jachwI' ghogh: joH'a' leng yIqeq; HemeyDaj tISIHHa'moH.


verso 4

qaS: DebDaq taymo' Say'moHtaH yo'a'neS. 'ej yem net noDHa'meH, paywI'pu' Say'moH, 'e' maq.


verso 5

ghaHDaq tlheD yuDay'a Sep Hoch ngan, yeruSalem Hoch ngan je. yorDa'neS bIQtIqDaq chaH Say'moH ghaH, yem 'e' luDIStaHvIS.


verso 6

Camel pob, porghbotlh Dechbogh DIr qogh'e' je tuQ yo'a'neS. Locust ghew, Honey ghewSoj wIjbe' je Sop ghaH.


verso 7

maqtaHvIS jatlh:
chol vebwI'wI'. ghaH HoS law' jIH HoS puS. waqDaj tlhegh vIQey'Ha'moHmeH jISIH'eghrupbe', quvvam vIqotlhbe'mo'.


verso 8

bIQDaq SaSay'moH jIH. 'ach qa' quvDaq lISay'moH ghaH.


verso 9

qaStaHvIS jajmeyvam, ghalIlay'a natlharetvo' ghoS yeSuS. 'ej yorDa'neSDaq ghaH Say'moH yo'a'neS.


verso 10

bIQ mejDI', SIbI' chal pe'lu' 'e' legh, 'ej ghaHDaq ghIr pigeon chalHa'DIbaH rurbogh qa''a''e' 'e' legh.


verso 11

chalvo' chol je ghogh:
puqloDwI' qaparHa'bogh SoHbej. SoHmo' jIQuchpu'.


verso 12

SIbI' DebDaq ghaH Haw'moH qa''a'.


verso 13

DebvetlhDaq ghaHtaH, qaStaHvIS loSmaH jaj, ghaH tlhu'moHtaHvIS veqlargh. ghaH lutlhej Ha'DIbaH, 'ej ghaH lutoy' Qun'a' QumwI'.


verso 14

yo'a'neS qoplu'pu'DI', Qun'a' De' QaQ maqtaHvIS, ghalIla'ya ghoS yeSuS,


verso 15

jatlhtaHvIS:
rIn bov 'ej SumlI' Qun'a' wo'. Suyem 'e' yIpay 'ej De' QaQ yIHar.


verso 16

ghalIlay'a ngeng retlh juStaHvIS, SI'mon, 'antlhe'aS SI'mon loDnI' je legh, ngengDaq tlheghpat baHtaHvIS chaH; bIQHa'DIbaH wamwI' chaHmo'.


verso 17

chaHvaD jatlh yeSuS:
tutlha'meH peghoS, 'ej ghotpu' bowamchu' 'e' vIqaSmoH.


verso 18

SIbI' tlheghpat lonDI', lutlha'.


verso 19

loQ pa'vo' ghoSDI', ya'qoboS tlhebeDay'oS puqloD, yo'a'neS loDnI'Daj je legh. DujDaq tlheghpatchaj tI' je chaH.


verso 20

SIbI' lucholmeH ra'. DujDaq tlhebeDa'yoS vavchaj, vumwI'pu' luDIllu'bogh je lonDI' chaH, yeSuS lutlha'meH mej chaH.


verso 21

qaparna'um lu'el. qaStaHvIS Sabatlh, SIbI' chIrghDaq ['elta'DI' ghaH,] ghojmoHchoHtaH.


verso 22

ghojmoHmo' yay' chaH. ghojmoHtaHvIS, nIteb woQ ghajwI' Da ghaH, 'ej HaDwI'pu' rurbe'.


verso 23

DaH chIrghDaq ghot'e' SeHbogh qa' Say'Ha' tu'lu'. jatlh jachtaHvIS:


verso 24

maHvaD SoHvaD je nuq 'oH malja''e', yeSuS natlharenoS? juQaw'moHmeH bIghoSta''a'? Dol SoHbogh vISov: Qun'a' quvwI'.


verso 25

ghaHvaD jatlh yeSuS quntaHvIS:
jatlh 'e' mev 'ej ghaH lon.


verso 26

ghaH QommoHpu'DI' qa' Say'Ha', 'ej ghogh HoS jachpu'DI', lon.


verso 27

yay' Hoch. vaj ja'chuqtaHvIS jatlh:
Dochvam nuq? paQDI'norgh chu''e' Qutlhbogh woQ 'oHlaw'. vaj qa'pu' Say'Ha' ra' je ghotvam, 'ej lulob.


verso 28

SIbI' Dat, ghalIlay'a Sep naQDaq ghomHa' ghaH buSbogh De''e'.


verso 29

chIrghvo' mejDI' chaH, SIbI' SI'mon, 'antlhe'aS je juH ghoS, lutlhejtaHvIS ya'qoboS, yo'a'neS je.


verso 30

roptuj SIQmo' SI'mon be'nalSoS, Qot. SIbI' yeSuSvaD ghu'Daj luja'.


verso 31

cholDI', ghaH Hu'moH yeSuS, ghopDaj woHtaHvIS. ghaHvo' mej roptuj 'ej chaH toy'choH ghaH.


verso 32

qaStaHvIS choS, ngabDI' pemHov, ghaHvaD Hoch ropwI'pu', ghotpu''e' SeHbogh qa'pu' mIgh je luqemlu'.


verso 33

lojmItDaq ghom veng Hoch ngan.


verso 34

ropwI' law'vaD, rop Sar vor. 'ej qa' mIgh law' ghIm. 'ej jatlh qa'pu' mIgh 'e' tuch, lughovmo'.


verso 35

qaStaHvIS po 'eq, Hu'DI', mej 'ej Daq chIm ghoS. pa' Qun'a'vaD tlhobtaH.


verso 36

lunej SI'mon, SI'mon tlha'wI' je.


verso 37

ghaH luSam 'ej jatlh:
nInej Hoch.


verso 38

chaHvaD jatlh:
jImaqmeH, latlhDaq, retlh vengmeyDaq wIghoS je; wanI'vam vIta'meH jIghoSta'mo'.


verso 39

'ej maqtaHvIS, ghalIlay'a naQDaq chIrghchaj ghoS, qa'pu' mIgh ghImtaHvIS.


verso 40

ghaH chol Surghbogh rop SIQwI'. tlhobtaHvIS 'ej tortaHvIS jatlh:
DaneHchugh, choSay'moHlaH.


verso 41

vupmo', ghop SIchmoHDI', ghaH Hot yeSuS 'ej jatlh:
vIneH. yISay'.


verso 42

ghaHvo' SIbI' mej Surghbogh rop 'ej Say'qa'.


verso 43

pe'vIl ra'taHvIS, SIbI' ghaH mejmoH yeSuS,


verso 44

'ej ghaHvaD jatlh:
pagh ghotvaD bIja' 'e' yISaH. 'a yIghoS. chIrghpInvaD yI'ang'egh. 'ej bISay'qa' 'e' DatobmeH nob'e' ra'pu'bogh moySeS tIqem.


verso 45

'ach mejDI' ghaH, ja'qu'choH, 'ej wanI' maq. vaj veng 'ellaHbe' yeSuS, ghaH lutu'chugh ngan. Hur Deb SepDaq ghaH tu'lu'. Datvo' ghaH lughoStaH.

Capítulos:


Libros