De’ QaQ’e’ ghItlhbogh marqoS
capítulo 12
verso 1
lutmey lo'taHvIS, chaHvaD jatlhchoH: HIqnaH yotlh poch ghot. DechmeH Surchem lan. HIqnaH 'uymeH lam lel. 'avwI' yaH chenmoH. wIjwI'pu'vaD 'oH ngIpmoH, DIlDI' chaH. tlheD.
verso 2
qaSDI' poH lugh, wIjwI'pu'vo' yotlh naHmey SuqmeH, wIjwI'pu'vaD toy'wI''a' ngeH.
verso 3
lutlhapDI', luqIp, 'ej lungeH, pagh qengtaHvIS ghaH.
verso 4
chaHvaD latlh toy'wI''a' ngeHqa'. nachDaq lurIQmoH 'ej luquvHa'moH.
verso 5
latlh ngeH. luHoH. latlh law' ngeH je. vay' qIp chaH. vay' HoH chaH.
verso 6
ghaHvaD ratlh wa'. puqloDDaj parHa'bogh ghaH. chaHvaD ghaH ngeH, QavtaHvIS. jatlh: puqloDwI' luvuv.
verso 7
'a ja'chuq wIjwI'pu'vetlh: cho'wI' ghaH ghotvam'e'. Ha' wIHoH. vaj Hoch Suqbogh cho'mo' DISuq.
verso 8
lutlhapDI' luHoH. yotlh HurDaq luwoD.
verso 9
[vaj] nuq ta'nIS yotlh che'wI'? chol 'ej wIjwI'pu' muH. latlhpu'vaD yotlh nob.
verso 10
ghItlhvam bolaDbe''a' je? naghghom nach mojpu' nagh'e' lulajHa'bogh chenmoHwI'.
verso 11
ghu'vam ta' Qun'a'. mInDu'majDaq mer 'oH.
verso 12
luqopmeH Qul chaH. ghom'a' luHaj; chaH qeltaHvIS lut ja' 'e' luSovmo'. luDoH 'ej mej.
verso 13
mu'mo' lujonmeH 'op parISay'oSpu' Heroy'DeS 'op juppu' je ngeH chaH.
verso 14
cholDI', ghaHvaD jatlh chaH: ghojmoHwI', bI'Il 'ej vay'mo' bIHojQo' 'e' wISov; wa' yoq DamaSQo'mo'. 'a bIvIttaHvIS, Qun'a' mIw DaghojmoH. voDleHvaD rupmeH Huch wInob net chaw'a'? net chaw'be''a'? wInob'a'? wInobbe''a'?
verso 15
'Ilbe' chaH 'e' Sovmo', chaHvaD jatlh: qatlh tuDaj? vIleghmeH DeQ HIqem.
verso 16
luqem. chaHvaD jatlh: 'Iv Del naghbeQvam ghItlhvam je? ghaHvaD jatlh chaH: voDleH Del.
verso 17
chaHvaD jatlh yeSuS: voDleHvaD voDleH Dochmey yIchegh. Qun'a'vaD Qun'a' Dochmey yIchegh. ghaHmo' yay' chaH.
verso 18
luchol SaDuqay'oSpu'. qaSbe' yInqa'ghach, ja' chaH. lugheltaHvIS jatlh:
verso 19
ghojmoHwI', maHvaD ghItlh moySeS: Heghchugh vay' loDnI', 'ej be'nal lonchugh Heghmo', 'ej puq tu'be'lu'chugh, vaj be'nal tlhapnIS loDnI'Daj. loDnI'DajvaD puqpu' lIngnIS.
verso 20
Soch loDnI' tu'lu'. be'nal Saw loDnI' wa'DIch. HeghDI' ghaH, puq tu'lu'be'.
verso 21
be'nal Saw loDnI' cha'DIch. Hegh, pagh puq lontaHvIS. loDnI' wejDIchvaD qaS ghu' rap.
verso 22
SochvaD pagh puq tu'lu'. Qav be'nal HeghDI'.
verso 23
qaSDI' yInqa'ghach, [yInqa'DI'] 'Iv be'nal ghaH be''e'? be'vam Sawmo' Soch.
verso 24
chaHvaD jatlh yeSuS: wanI'vammo' SuQaghba', qar'a', ghItlhmey, Qun'a' HoS je boyajbe'mo'.
verso 25
lommey'vo' yInqa'DI', Sawbe' 'ej naybe'. 'ach chalDaq Qun'a' QumwI' tu'lubogh rur.
verso 26
yInqa' lommey net qelchugh, moySeS paqDaq, SorHom ghItlh 'ay'Daq wanI'vam bolaDbe''a'? ghaHvaD ja'taHvIS Qun'a', jatlh: 'abraHam Qun'a', 'ISa'aq Qun'a', yaqob Qun'a' je jIH.
verso 27
lommey Qun'a' ghaHbe', 'a yInwI'pu' Qun'a' ghaH. SuQaghqu'.
verso 28
cholDI' wa' HaDwI', ja'chuqtaHvIS chaH Qoypu'DI', chaHvaD jangchu' 'e' leghmo', ghaH ghelmeH jatlh: wa' chu' potlh law', Hoch chut'e' ra'pu'bogh Qun'a' potlh puS. yIngu'.
verso 29
jang yeSuS: wa'DIch 'oH chutvam'e': peqIm, 'ISra'el: wa' joH'a' ghaH joH'a'ma'.
verso 30
Qun'a' joH'a'lI' yImuSHa', tIqlIj naQ, qa'lIj naQ je, yablIj naQ je, HoSlIj naQ je Dalo'taHvIS.
verso 31
cha'DIch 'oH chutvam'e': retlhlIj ghot yImuSHa'. SoH DururnIS retlhlIj ghot, DamuSHa'mo'. pagh latlh chut potlh law' chutmeyvam potlh puS.
verso 32
ghaHvaD jatlh HaDwI': maj, ghojmoHwI'. bIvItpu': wa' ghaH. latlh tu'lu'be', wa'vam ghaHbe'chugh.
verso 33
'ej ghaH muSHa'lu'chugh, tIq naQ, qa' naQ je, yab naQ je, HoS naQ je lo'taHvIS, 'ej nuv rurchugh nuv retlh ghot, ghot muSHa'mo' nuv, vaj ghu'vam potlh law', lalDan Hoch qul, lalDan Hoch 'uQ'a' je potlh puS.
verso 34
jang, yabDaj lo'taHvIS ghaH, 'e' leghDI' yeSuS, ghaHvaD jatlh: Qun'a' wo'Daq bIHopbe'. DaH yeSuS ghelmeH ngIl pagh.
verso 35
jangtaHvIS yeSuS, jatlh, chIrgh'a'Daq ghojmoHtaHvIS: DavID puqloD ghaH 'IHrIStoS'e', chay' luja' HaDwI'?
verso 36
qa' quvmo' jatlh DavID'e': joHwI'vaD jatlh joH'a': jIH nIHDaq yIba', qamDu'lIj bIngDaq jaghpu'lI' vIlanpa'.
verso 37
ghaHvaD "joH" pong DavID'e'. vaj chay' puqloDDaj ghaH? ghaH 'Ij ghom'a' tIn beltaHvIS.
verso 38
ghojmoHtaHvIS jatlh: HaDwI'pu' tIyep, mop'a' tuQtaHvIS yIt neHmo', 'ej ngevwI' yotlhDaq luvanlu' neHmo'. 'ej chIrghDaq quS wa'DIch neHmo'.
verso 39
'ej 'uQmeyDaq tlhoblu'meH QIch wa'DIch luneHmo'.
verso 40
lom be'nalpu' juHmey nIHchu'. DojmeH chaH, Qun'a'vaD tlhobtaH, nI'taHvIS poH. leS naDHa'ghach tInqu' luSuq.
verso 41
HuchyaH retlh ba'taHvIS, HuchyaHDaq Huch lanmeH ghotpu' mIw legh. Huch law' lan mIpwI'pu' law'.
verso 42
cholDI' lom be'nal mIpbe', cha' DeQHom lan. As bID bID bIH.
verso 43
cholmeH ghojwI'pu' ra'DI', chaHvaD jatlh: teH; Sajatlh: Huch'e' lanpu'bogh lom be'nalvam mIpbe' potlh law', Huch, HuchyaHDaq lanpu'bogh Hoch, potlh puS;
verso 44
chuvmeychajvo' lanpu'mo' Hoch. 'a mIpHa'ghachDajvo' Hoch ghajbogh lanpu' ghaH. Hoch yInHuchDaj lanpu'.
Libros
