De’ QaQ’e’ ghItlhbogh marqoS
capítulo 16
verso 1
qaSpu'DI' Sabatlh, lucholDI' ghaHDaq ngoHmeH noSvagh je' marI'ya maghDalangan, ya'qoboS marI'ya je Salo'me je.
verso 2
qaStaHvIS po 'eq, qaStaHvIS Hogh jaj wa', molDaq lughoS chaH, Hu'taHvIS pemHov.
verso 3
ja''egh: mol lojmItvo' maHvaD nagh'a' jIrmoH 'Iv?
verso 4
bejDI' chaH, nagh'a' teqlu' 'e' lulegh; tInqu'mo' 'oH.
verso 5
mol lu'elDI', nIHDaq ba' Sut chIS tuQbogh loDHom'e' 'e' lulegh. yay' chaH.
verso 6
chaHvaD jatlh ghaH: peyay'Qo'. yeSuS natlharenoS muHlu'pu'bogh bonej. ghaH Hu'moHlu'pu'. naDev ghaH tu'lu'be'. DaqvamDaq lulanpu'. naDev Daq yIlegh.
verso 7
'ach ghojwI'pu'DajvaD pe'tlhoSvaD je pejatlh peghoS: ghalIlay'aDaq lIDev. pa' ghaH bolegh. tlhIHvaD nab ja'pu'bogh pab.
verso 8
mejtaHvIS, molvo' Haw'; Qommo' 'ej yay'mo' chaH. paghvaD vay' luja'; Hajmo' chaH.
verso 9
[[po Hu'DI' qaStaHvIS Sabbatlh rep wa'DIch, ghotvaD narghmeH yeSuS, wa'DIch ghaH marI'ya maghDalangan'e'. ghaHvo' Soch qa' mIgh ghImpu'.
verso 10
ghoSDI' marI'ya, yeSuS tlhejpu'bogh ghotpu'vaD maq ghaH, 'IQtaHvIS 'ej SaQtaHvIS.
verso 11
yIn ghaH 'ej ghaH legh marI'ya 'e' luQoyDI', HarHa' ghotvetlh.
verso 12
qaSDI' wanI'vam, cha' ghotpu'vetlhvaD nargh, latlh rurtaHvIS, yotlhDaq yIttaHvIS.
verso 13
mejDI' chaH, Hoch latlhpu'vaD maq chaH. chaH HarHa' je.
verso 14
ghIq SopmeH QottaHvIS wa'maHwa', nargh. HarQo' chaH 'ej let tIqchaj 'e' qun, Hu' leghbogh ghotpu' Harbe'mo' chaH.
verso 15
'ej chaHvaD jatlh: peghoS 'ej qo' naQDaq De' QaQ yImaq. chenpu'bogh Hoch yImaq.
verso 16
Harchugh 'ej taymo' Say'moHlu'chugh, toDlu'. 'ach HarQo'chugh, qIchlu'.
verso 17
Harbogh ghotpu' tlha' 'angwI'meyvam: pongwIj lulo'taHvIS qa' mIgh ghIm. Hol chu' jatlh.
verso 18
[ghopDu'Daq] ghargh lupep. HeghmoHbogh vay' lutlhutlhchugh, QIHbe'. ropwI'pu'Daq ghop lan 'ej vorchu'.
verso 19
chaHvaD jatlhDI' [yeSuS,] joH'a', chalDaq ghaH peplu'. 'ej Qun'a' nIHDaq ba'choH.
verso 20
'ej mejDI' chaH, Dat maq, jIjtaHvIS joH'a', 'ej SoQchaj 'olmeH tlha'bogh 'angwI' lo'taHvIS.]
Libros
