taDyoS nav QIn
capítulo 1
verso 1
qon taDyoS, yeSu'a QIStoS toy'wI' ya'qoboS loDnI' je. QInvam Hevjaj nuvpu''e' muSHa'bogh vav'a'. yeSu'a QIStoSvaD pollu'.
verso 2
vey'jaj pungraj, rojraj 'ej SuSaHqu'jaj.
verso 3
juppu'wI', toD'a' wIlInbogh bop QInwIj vIneHqu' 'ach nughDaj quv voqmoH joH'a' 'e' vIrIchnIS 'e' vIjem. SuvoqtaHmeH SatungHa'nIS 'e' vIjem.
verso 4
qatlh? lImuvmo' nuvpu'. nuvpu'vam'e', ret law' luqIchlu'pu'. joH'a' lulobQo' chaH. batlhHa' Qunma' pung'a'vaD yemmeH chaw' luDam 'ej wa' pIn'a'ma', yeSu'a QIStoS joH, lutem.
verso 5
wejHa' De'vam boSov 'a DaH tlhIHvaD vIqawmoH: maSIrvo' nughDaj toDta' joH'a' ghIq HarQo'wI'pu' Qaw'ta'.
verso 6
'ej yerchaj tlhIn lulonDI' 'ej juHchaj tlhIn luDabHa'DI' 'op HoSDo'pu', Daq HurghDaq lanta'. chaH baghmeH ru'Ha'chu'bogh mIrmey lo'ta'. pa' noHmeH jajvaD chaH pollI'.
verso 7
jaSHa' porgh yemmey Huj tIv SeDom, 'amogha je, bIH Dechbogh vengmey'e' je. gher'ID ghantoH lumoj; bIjchaj, ru'Ha'chu'bogh qul, luSIQ.
verso 8
jaSHa' najtaHvIS porghmeychaj tlhIn watlhHa'moH quvHa'wI'pu'vam. woQ lulajQo' 'ej HoSDo'pu' tIch.
verso 9
'a vabDot moSe porghvaD mIghwI''a' qaDta'DI' mIHayel, HoSDo'pu' pIn, tIchmo' ghaH qIch 'e' ngIlbe' 'ach jatlhpu' «Duqunjaj joH'a'!»
verso 10
'a Hoch yajbe'bogh tIch nuvpu'vam 'ej chaH Qaw' Hoch'e' yajbe'bogh Dujchaj; meqbe'bogh Ha'DIbaHmey rur.
verso 11
Do'Ha' chaH! Do'Ha', qa'yIn HeDaq ghoSmo' 'ej pe'vIl HuchvaD bIlyam Qagh tur; qaStaHvIS qo'raH Daw' Heghpu'.
verso 12
nay'meyraj bolIntaHvIS, lImuv nuvpu'vam 'ej baw'Ha'be'. tlher'aq pegh rur. je''egh neH. chal bIQ luHutlhbogh 'engmey rur; chaH DuvmoH. por qImroq Sormey rur; naHmey Hutlh 'ej yavvo' 'oQqarchaj luluHlu'pu'—cha'logh Heghpu'.
verso 13
bIQ'a' yu'eghmey ghan rur. qoDchajvo' ghoS quvHa'ghach tlhIn; 'o'nI' rur 'oH. ve'Ha'taHbogh Hovmey rur; Hochlogh logh Hurghqu' luS.
verso 14
'ej 'aDam puq poH SochDIch chaH rIchpu' HenoH: «peqIm! ghoSlI' joH'a'! lutlhej SaD law' quvwI'pu'!»
verso 15
Hoch noHmeH ghoSlI' 'ej Hoch quvHa'wI'pu' qIch, ta'meychaj quvHa'mo'. batlhHa' ta'meyvam turta' chaH. 'ej qIch joH'a', ghaH lutIchpu'mo' chaH.»
verso 16
bepwI', pIchwI' je chaH nuvpu'vam'e'. Dochmey mIgh neHbogh wamlI' neH. mIy 'ej patlhchaj tlhIn DubmeH latlhpu' naDqu'.
verso 17
'ach juppu'wI', mu'mey'e' jatlhpu'bogh yeSu'a QIStoS joH Duypu' tIqaw.
verso 18
tlhIHvaD jatlhpu' «jajmey Qav SaH Dujchaj quvHa' pabbogh nguywI'pu'.»
verso 19
lIwav ghotpu'vam. Dev qo' meq 'ej qa''a' luHutlh.
verso 20
'a tlhIH'e', juppu'wI', batlh Suvoqqu'choHmeH qa''a' quvvaD pejatlh.
verso 21
tlhIHvaD pungDaj, ru'Ha'chu'bogh yIn, nob yeSu'a QIStoS joH 'e' boloS. SuloStaHvIS, joH'a' yISaHchu'taH.
verso 23
latlhpu' tItoD; qulvo' tIluH. latlhpu'vaD pung yI'agh. quqtaHvIS wanI'vam, lIghIjjaj latlhpu'—vabDot Sut qalmoHbogh 'oynot yImuS.
verso 24
tangbe'moHlaHtaHwI'lI''e', ghaH tlhopDaq ngay'Daj tlhopDaq lIQammoHlaH 'ej tlhIHvo' pIch teqlaH 'ej lIQuchmoHlaH.
verso 25
toDwI''a'ma' ghaH joH'a''e', yeSu'a QIStoSmo'. ngay', nur quv, HoS woQ je ghajjaj. taghpa' poH qaSjaj! DaH qaSjaj! Hochlogh qaSjaj! qaSjaj.
Libros
