taDyoS nav QIn

verse #1

qon taDyoS, yeSu'a QIStoS toy'wI' ya'qoboS loDnI' je. QInvam Hevjaj nuvpu''e' muSHa'bogh vav'a'. yeSu'a QIStoSvaD pollu'.

verse #2

vey'jaj pungraj, rojraj 'ej SuSaHqu'jaj.

verse #3

juppu'wI', toD'a' wIlInbogh bop QInwIj vIneHqu' 'ach nughDaj quv voqmoH joH'a' 'e' vIrIchnIS 'e' vIjem. SuvoqtaHmeH SatungHa'nIS 'e' vIjem.

verse #4

qatlh? lImuvmo' nuvpu'. nuvpu'vam'e', ret law' luqIchlu'pu'. joH'a' lulobQo' chaH. batlhHa' Qunma' pung'a'vaD yemmeH chaw' luDam 'ej wa' pIn'a'ma', yeSu'a QIStoS joH, lutem.

verse #5

wejHa' De'vam boSov 'a DaH tlhIHvaD vIqawmoH: maSIrvo' nughDaj toDta' joH'a' ghIq HarQo'wI'pu' Qaw'ta'.

verse #6

'ej yerchaj tlhIn lulonDI' 'ej juHchaj tlhIn luDabHa'DI' 'op HoSDo'pu', Daq HurghDaq lanta'. chaH baghmeH ru'Ha'chu'bogh mIrmey lo'ta'. pa' noHmeH jajvaD chaH pollI'.

verse #7

jaSHa' porgh yemmey Huj tIv SeDom, 'amogha je, bIH Dechbogh vengmey'e' je. gher'ID ghantoH lumoj; bIjchaj, ru'Ha'chu'bogh qul, luSIQ.

verse #8

jaSHa' najtaHvIS porghmeychaj tlhIn watlhHa'moH quvHa'wI'pu'vam. woQ lulajQo' 'ej HoSDo'pu' tIch.

verse #9

'a vabDot moSe porghvaD mIghwI''a' qaDta'DI' mIHayel, HoSDo'pu' pIn, tIchmo' ghaH qIch 'e' ngIlbe' 'ach jatlhpu' «Duqunjaj joH'a'!»

verse #10

'a Hoch yajbe'bogh tIch nuvpu'vam 'ej chaH Qaw' Hoch'e' yajbe'bogh Dujchaj; meqbe'bogh Ha'DIbaHmey rur.

verse #11

Do'Ha' chaH! Do'Ha', qa'yIn HeDaq ghoSmo' 'ej pe'vIl HuchvaD bIlyam Qagh tur; qaStaHvIS qo'raH Daw' Heghpu'.

verse #12

nay'meyraj bolIntaHvIS, lImuv nuvpu'vam 'ej baw'Ha'be'. tlher'aq pegh rur. je''egh neH. chal bIQ luHutlhbogh 'engmey rur; chaH DuvmoH. por qImroq Sormey rur; naHmey Hutlh 'ej yavvo' 'oQqarchaj luluHlu'pu'—cha'logh Heghpu'.

verse #13

bIQ'a' yu'eghmey ghan rur. qoDchajvo' ghoS quvHa'ghach tlhIn; 'o'nI' rur 'oH. ve'Ha'taHbogh Hovmey rur; Hochlogh logh Hurghqu' luS.

verse #14

'ej 'aDam puq poH SochDIch chaH rIchpu' HenoH: «peqIm! ghoSlI' joH'a'! lutlhej SaD law' quvwI'pu'!»

verse #15

Hoch noHmeH ghoSlI' 'ej Hoch quvHa'wI'pu' qIch, ta'meychaj quvHa'mo'. batlhHa' ta'meyvam turta' chaH. 'ej qIch joH'a', ghaH lutIchpu'mo' chaH.»

verse #16

bepwI', pIchwI' je chaH nuvpu'vam'e'. Dochmey mIgh neHbogh wamlI' neH. mIy 'ej patlhchaj tlhIn DubmeH latlhpu' naDqu'.

verse #17

'ach juppu'wI', mu'mey'e' jatlhpu'bogh yeSu'a QIStoS joH Duypu' tIqaw.

verse #18

tlhIHvaD jatlhpu' «jajmey Qav SaH Dujchaj quvHa' pabbogh nguywI'pu'.»

verse #19

lIwav ghotpu'vam. Dev qo' meq 'ej qa''a' luHutlh.

verse #20

'a tlhIH'e', juppu'wI', batlh Suvoqqu'choHmeH qa''a' quvvaD pejatlh.

verse #21

tlhIHvaD pungDaj, ru'Ha'chu'bogh yIn, nob yeSu'a QIStoS joH 'e' boloS. SuloStaHvIS, joH'a' yISaHchu'taH.

verse #22

'ej HonwI'pu'vaD pung yI'agh.

verse #23

latlhpu' tItoD; qulvo' tIluH. latlhpu'vaD pung yI'agh. quqtaHvIS wanI'vam, lIghIjjaj latlhpu'—vabDot Sut qalmoHbogh 'oynot yImuS.

verse #24

tangbe'moHlaHtaHwI'lI''e', ghaH tlhopDaq ngay'Daj tlhopDaq lIQammoHlaH 'ej tlhIHvo' pIch teqlaH 'ej lIQuchmoHlaH.

verse #25

toDwI''a'ma' ghaH joH'a''e', yeSu'a QIStoSmo'. ngay', nur quv, HoS woQ je ghajjaj. taghpa' poH qaSjaj! DaH qaSjaj! Hochlogh qaSjaj! qaSjaj.

Chapters:

1