yo’aneS nav QIn wejDIch

verse #1

gha'yuSvaD nav QInvam vIngeH. jupwI' ghaH 'ej ghaH vISaHqu'bej.

verse #2

jupwI', bIchepchu'jaj 'ej bIpIvqu'jaj; chepbogh qa'lIj tlhIn Darurjaj.

verse #3

vIt DapabtaH 'ej 'oHDaq bIyIttaH 'e' nguH HarwI'pu'DI' jIQuchqu'.

verse #4

vItDaq yIttaH puqpu'wI' 'e' vIghojDI', jIQuchqu'choHchu'.

verse #5

bImatlh vInDa'pu' Datoy'; bImatlhqu' novpu' chaHDI' vInDa'pu''e' Datoy'bogh.

verse #6

bImuSHa'qu' HarwI'pu'vaD 'e' lunguH chaH. tlheDDI' chaH, tIlengrupqu'moH 'ej joH'a' yIquvmoH.

verse #7

pong'a'mo' tlheD chaH 'ej chaH boQbe'chu' Harbe'wI'.

verse #8

vaj nItebHa' vItvaD mavummeH vInDa'pu'vam rurbogh ghotpu' DIma'nIS.

verse #9

chIrghDaq QIn vIngeHta' 'ach nulajQo' DIyotlhey'veS (chIrgh Dev 'e' tIv ghaH.)

verse #10

vaj jIpawDI', ghaHvaD ta'meyDaj qawmoH: maH bopbogh Dap jatlhtaH. 'a yonbe' nunaDHa'DI' neH. latlh vInDa'pu' lajQo' 'ej chIrghvo' vInDa'pu' lajqangwI'pu' vuj.

verse #11

jupwI', QaQwI' yIDa; mIghwI' qa'. quvwI' ngeHta' joH'a'; joH'a' leghbe' quvHa'wI'.

verse #12

Deme'tlhoS naD Hoch. vabDot naD vIt'e'. wInaD je. 'ej teH 'e' DaSov SoH.

verse #13

De' law' qaja' vIneH 'a Dochmeyvam qaja'meH ghItlhwI', rItlh je vIlo' vIneHbe'.

verse #14

'a tugh qaleghqa' 'e' vItul. ngugh maja'chuq. roj DaSIQjaj. naDev nIvan juppu'. pa' ngIq jup yIvan, pongchaj Dalo'taHvIS.

Chapters:

1