yo’aneS nav QIn wejDIch
1. fejezet
1. vers
gha'yuSvaD nav QInvam vIngeH. jupwI' ghaH 'ej ghaH vISaHqu'bej.
2. vers
jupwI', bIchepchu'jaj 'ej bIpIvqu'jaj; chepbogh qa'lIj tlhIn Darurjaj.
3. vers
vIt DapabtaH 'ej 'oHDaq bIyIttaH 'e' nguH HarwI'pu'DI' jIQuchqu'.
4. vers
vItDaq yIttaH puqpu'wI' 'e' vIghojDI', jIQuchqu'choHchu'.
5. vers
bImatlh vInDa'pu' Datoy'; bImatlhqu' novpu' chaHDI' vInDa'pu''e' Datoy'bogh.
6. vers
bImuSHa'qu' HarwI'pu'vaD 'e' lunguH chaH. tlheDDI' chaH, tIlengrupqu'moH 'ej joH'a' yIquvmoH.
7. vers
pong'a'mo' tlheD chaH 'ej chaH boQbe'chu' Harbe'wI'.
8. vers
vaj nItebHa' vItvaD mavummeH vInDa'pu'vam rurbogh ghotpu' DIma'nIS.
9. vers
chIrghDaq QIn vIngeHta' 'ach nulajQo' DIyotlhey'veS (chIrgh Dev 'e' tIv ghaH.)
10. vers
vaj jIpawDI', ghaHvaD ta'meyDaj qawmoH: maH bopbogh Dap jatlhtaH. 'a yonbe' nunaDHa'DI' neH. latlh vInDa'pu' lajQo' 'ej chIrghvo' vInDa'pu' lajqangwI'pu' vuj.
11. vers
jupwI', QaQwI' yIDa; mIghwI' qa'. quvwI' ngeHta' joH'a'; joH'a' leghbe' quvHa'wI'.
12. vers
Deme'tlhoS naD Hoch. vabDot naD vIt'e'. wInaD je. 'ej teH 'e' DaSov SoH.
13. vers
De' law' qaja' vIneH 'a Dochmeyvam qaja'meH ghItlhwI', rItlh je vIlo' vIneHbe'.
14. vers
'a tugh qaleghqa' 'e' vItul. ngugh maja'chuq. roj DaSIQjaj. naDev nIvan juppu'. pa' ngIq jup yIvan, pongchaj Dalo'taHvIS.
Könyvek
