De’ QaQ’e’ ghItlhbogh yo’aneS
1. fejezet
1. vers
bI'reSDaq ghaHtaH mu''e' 'ej Qun'a' tlhejpu' mu' 'ej Qun'a' ghaH mu''e'.
3. vers
ghaHmo' chenpu' Hoch 'ej ghaH Hutlhchugh vay' chenpu'be'.
4. vers
ghaHDaq 'oHtaH yIn'e' 'ej ghotpu' wovmoHwI' 'oH yIn'e'.
5. vers
'ej HurghtaHghachDaq boch wovmoHwI' 'ej yajbe' HurghtaHghach.
6. vers
Qun'a'vo' ngeHlu'pu'bogh ghot'e' tu'lu'. yo'aneS 'oH pongDaj'e'.
7. vers
ghaHmo' voqmeH Hoch ghoS 'ej wovmoHwI' maq.
8. vers
wovmoHwI' ghaHbe' 'ach wovmoHwI' maqmeH ghoS.
9. vers
qo' 'ellI' wovna'moHwI' HochvaD wovmoHbogh.
10. vers
qo'Daq ghaH 'ej ghaHmo' chenpu' qo' 'ach Sovpu'be' qo'.
11. vers
chuDDaj ghoSpu' 'ej Hevpu'be' chuDDaj.
12. vers
'ach Hevpu' 'op. HochvamvaD Qun'a' puqpu' mojmeH DIb nob.
13. vers
'Iwvo' pagh neHmo' 'oynot pagh neHmo' loD boghbe' puqpu' 'ach Qun'a'vo' bogh.
14. vers
'oynot moj mu' 'ej maH joj Dab. ngay'Daj wIleghpu'. vavvo' puqloD neH ngay' rur. lubuy'moH pung vItje.
15. vers
maqtaHvIS yo'aneS jach: ghaH ghotvam'e' vIjatlhpu': vebwI'wI' HoS law' jIH Hos puS munungpu'mo'.
16. vers
buy'Dajvo' pung law' wIHevpu' Hoch.
17. vers
moySeSvo' noblu'pu'mo' chut. yeSuS 'IHrIStoSvo' ghoSpu' pung vItje.
18. vers
not Qun'a' leghlu'pu'. 'angta' vav retlhDaq boghpu'bogh neH Qun'a''e'.
19. vers
yo'aneS vep 'oH Dochvam'e'. yeruSalemvo' ghaHvaD maqleghpu' lewI' puqloDpu' je ngeHpu'DI' yuDay'anganpu' ghel: SoH 'Iv?
20. vers
DIS 'ej tembe': 'IHrIStoS jiHbe'.
21. vers
'ej ghel: vaj nuq? 'elI'ya SoH? jatlh: jIbe'. nemSovwI' SoH? jang: ghobe'.
22. vers
ghIq ghaH jatlh: SoH 'Iv? ngeHwI'pu'majvaD jang wInobnIS. chay' bIngu''egh?
23. vers
jatlh: DebDaq jachwI' ghogh jIH'e': joH'a' He yIwanmoH. Dochvam jatlh nemSovwI' yeSay'a.
25. vers
ghel: qatlh bISay'moH 'IHrIStoS 'elI'ya nemSovwI' ghap SoHbe' net teHchugh?
26. vers
jang yo'aneS: bIQDaq jISay'moHDI', 'ach tlhIH jojDaq boSovbe'bogh Qam ghot'e'.
27. vers
vebwI'wI' waq tlhegh vIQeyHa'moHmeH jIqotlhHa'.
28. vers
betanyaDaq yorDa'neS bIQtIQ Dop HopDaq qaStaH Dochmeyvam. pa' Say'moHtaH yo'aneS.
29. vers
jaj veb ghoStaHvIS yeSuS legh. jatlh: pelegh Qun'a' mInHorHom, qo' yem nge'bogh!
30. vers
ghaH ghotvam'e' vIjatlhpu'DI': vebwI'wI' HoS law' jIH Hos puS munungmo'.
31. vers
vISovpu'be' 'ach ngoQvammo' jIghoS 'ej bIQDaq jISay'moH, 'ISra'elvaD 'angmoHlu'meH.
32. vers
maq yo'aneS: chalvo' ghIr dove rurbogh qa''a' 'e' vIleghpu' 'ej ghaH DungDaq ratlh.
33. vers
vISovpu'be' 'ach jatlh bIQDaq jISay'moHmeH ngeHwI'wI': vay' DungDaq ghIr 'ej ratlh qa''a' 'e' Daleghchugh, qa' quvDaq Say'moH ghaH.
34. vers
Qun'a' puqloD ghaH ghotvam'e' vIleghpu' 'ej vImaqpu'.
35. vers
jaj veb cha' vIlle'pu' tlhejvIS yo'aneS Qam.
36. vers
yItvIS yeSuS legh 'ej jatlh: pelegh Qun'a' mInHorHom!
37. vers
Dochvam jatlh 'e' Qoy cha' vIlle'pu' 'ej yeSuS tlha'.
38. vers
tlhe' yeSuS 'ej tlha' chaH 'e' leghDI' jatlh: nuq bonej? 'ej jatlh: rabbI' (ghojmoHwI' mughlu'bogh) nuqDaq bIratlh?
39. vers
jatlh: peghoS 'ej pelegh. ghIq ghoS 'ej DaqDaj legh 'ej qaStaHvIS jajvetlh DaqDajDaq ratlh cholmo' rep wa'maHDIch.
40. vers
cha'Daq wa' ghaH SI'mon pe'tlhoS loDnI' 'antlhe'aS'e'. jatlh yo'aneS 'e' Qoy 'ej yeSuS tlha'.
41. vers
wa'DIch SI'mon loDnI'Daj Sam 'ej jatlh: meSI'aH ('IHrIStoS mughlu'bogh) wISampu'.
42. vers
yeSuSvaD qem. legh yeSuS 'ej jatlh: yo'aneS puqloD SI'mon SoH. DaHjajvo' qepaS 'oH ponglIj'e' (pe'tlhoS mughlu'bogh).
43. vers
jaj veb ghalIla'ya jaHmeH wuq yeSuS. pI'lIpoS Sam 'ej jatlh: HItlha'.
44. vers
'antlhe'aS pe'tlhoSje veng betlhSayDavo' ghaHtaH pI'lIpoS'e'.
45. vers
natlhana'el Sam pI'lIpoS 'ej jatlh: moySeS chutDaq nemSovwI'pu'Daqje ghItlhlu'pu'bogh ghot'e' wISampu', jeSuS natlharenoS, yoSep puqloD.
46. vers
jatlh natlhana'el: natlharetvo' ghoSlaH vay' QaQ'a'? jatlh pI'lIpoS: Ha', yIlegh!
47. vers
ghoS natlhana'el 'e' legh yeSuS 'ej jatlh: pelegh, 'ISra'elnganna', ghaHDaq tojtaHghach tu'lu'be'.
48. vers
jatlh natlhana'el: chay' choSov? jang yeSuS: DurI'pu'pa' pI'lIpoS, fig Sor bIngDaq bIQamvIS, qaleghpu'.
49. vers
jang natlhana'el: rabbI', Qun'a' puqloD SoH, 'ISra'el ta' SoH!
50. vers
jang yeSuS: fig Sor bIngDaq qaleghpu' 'e' qajatlhpu'mo', bIvoq? Dochmey wej Daleghbogh Dun law' Dochmeyvam Dun puS.
51. vers
jatlh: vITna' vITna' Sajatlh: poS chal 'e' Dalegh nuv'a' DungDaq SaltaHvIS 'ej ghIrtaHvIS Qun'a' QumwI'pu'.
Könyvek
