De’ QaQ’e’ ghItlhbogh yo’aneS

capítulo 1


Capítulos:

1 3


verso 1

bI'reSDaq ghaHtaH mu''e' 'ej Qun'a' tlhejpu' mu' 'ej Qun'a' ghaH mu''e'.


verso 2

bI'reSDaq Qun'a' tlhejpu'.


verso 3

ghaHmo' chenpu' Hoch 'ej ghaH Hutlhchugh vay' chenpu'be'.


verso 4

ghaHDaq 'oHtaH yIn'e' 'ej ghotpu' wovmoHwI' 'oH yIn'e'.


verso 5

'ej HurghtaHghachDaq boch wovmoHwI' 'ej yajbe' HurghtaHghach.


verso 6

Qun'a'vo' ngeHlu'pu'bogh ghot'e' tu'lu'. yo'aneS 'oH pongDaj'e'.


verso 7

ghaHmo' voqmeH Hoch ghoS 'ej wovmoHwI' maq.


verso 8

wovmoHwI' ghaHbe' 'ach wovmoHwI' maqmeH ghoS.


verso 9

qo' 'ellI' wovna'moHwI' HochvaD wovmoHbogh.


verso 10

qo'Daq ghaH 'ej ghaHmo' chenpu' qo' 'ach Sovpu'be' qo'.


verso 11

chuDDaj ghoSpu' 'ej Hevpu'be' chuDDaj.


verso 12

'ach Hevpu' 'op. HochvamvaD Qun'a' puqpu' mojmeH DIb nob.


verso 13

'Iwvo' pagh neHmo' 'oynot pagh neHmo' loD boghbe' puqpu' 'ach Qun'a'vo' bogh.


verso 14

'oynot moj mu' 'ej maH joj Dab. ngay'Daj wIleghpu'. vavvo' puqloD neH ngay' rur. lubuy'moH pung vItje.


verso 15

maqtaHvIS yo'aneS jach: ghaH ghotvam'e' vIjatlhpu': vebwI'wI' HoS law' jIH Hos puS munungpu'mo'.


verso 16

buy'Dajvo' pung law' wIHevpu' Hoch.


verso 17

moySeSvo' noblu'pu'mo' chut. yeSuS 'IHrIStoSvo' ghoSpu' pung vItje.


verso 18

not Qun'a' leghlu'pu'. 'angta' vav retlhDaq boghpu'bogh neH Qun'a''e'.


verso 19

yo'aneS vep 'oH Dochvam'e'. yeruSalemvo' ghaHvaD maqleghpu' lewI' puqloDpu' je ngeHpu'DI' yuDay'anganpu' ghel: SoH 'Iv?


verso 20

DIS 'ej tembe': 'IHrIStoS jiHbe'.


verso 21

'ej ghel: vaj nuq? 'elI'ya SoH? jatlh: jIbe'. nemSovwI' SoH? jang: ghobe'.


verso 22

ghIq ghaH jatlh: SoH 'Iv? ngeHwI'pu'majvaD jang wInobnIS. chay' bIngu''egh?


verso 23

jatlh: DebDaq jachwI' ghogh jIH'e': joH'a' He yIwanmoH. Dochvam jatlh nemSovwI' yeSay'a.


verso 24

parISay'oSpu'vo' ngeHlu'pu'.


verso 25

ghel: qatlh bISay'moH 'IHrIStoS 'elI'ya nemSovwI' ghap SoHbe' net teHchugh?


verso 26

jang yo'aneS: bIQDaq jISay'moHDI', 'ach tlhIH jojDaq boSovbe'bogh Qam ghot'e'.


verso 27

vebwI'wI' waq tlhegh vIQeyHa'moHmeH jIqotlhHa'.


verso 28

betanyaDaq yorDa'neS bIQtIQ Dop HopDaq qaStaH Dochmeyvam. pa' Say'moHtaH yo'aneS.


verso 29

jaj veb ghoStaHvIS yeSuS legh. jatlh: pelegh Qun'a' mInHorHom, qo' yem nge'bogh!


verso 30

ghaH ghotvam'e' vIjatlhpu'DI': vebwI'wI' HoS law' jIH Hos puS munungmo'.


verso 31

vISovpu'be' 'ach ngoQvammo' jIghoS 'ej bIQDaq jISay'moH, 'ISra'elvaD 'angmoHlu'meH.


verso 32

maq yo'aneS: chalvo' ghIr dove rurbogh qa''a' 'e' vIleghpu' 'ej ghaH DungDaq ratlh.


verso 33

vISovpu'be' 'ach jatlh bIQDaq jISay'moHmeH ngeHwI'wI': vay' DungDaq ghIr 'ej ratlh qa''a' 'e' Daleghchugh, qa' quvDaq Say'moH ghaH.


verso 34

Qun'a' puqloD ghaH ghotvam'e' vIleghpu' 'ej vImaqpu'.


verso 35

jaj veb cha' vIlle'pu' tlhejvIS yo'aneS Qam.


verso 36

yItvIS yeSuS legh 'ej jatlh: pelegh Qun'a' mInHorHom!


verso 37

Dochvam jatlh 'e' Qoy cha' vIlle'pu' 'ej yeSuS tlha'.


verso 38

tlhe' yeSuS 'ej tlha' chaH 'e' leghDI' jatlh: nuq bonej? 'ej jatlh: rabbI' (ghojmoHwI' mughlu'bogh) nuqDaq bIratlh?


verso 39

jatlh: peghoS 'ej pelegh. ghIq ghoS 'ej DaqDaj legh 'ej qaStaHvIS jajvetlh DaqDajDaq ratlh cholmo' rep wa'maHDIch.


verso 40

cha'Daq wa' ghaH SI'mon pe'tlhoS loDnI' 'antlhe'aS'e'. jatlh yo'aneS 'e' Qoy 'ej yeSuS tlha'.


verso 41

wa'DIch SI'mon loDnI'Daj Sam 'ej jatlh: meSI'aH ('IHrIStoS mughlu'bogh) wISampu'.


verso 42

yeSuSvaD qem. legh yeSuS 'ej jatlh: yo'aneS puqloD SI'mon SoH. DaHjajvo' qepaS 'oH ponglIj'e' (pe'tlhoS mughlu'bogh).


verso 43

jaj veb ghalIla'ya jaHmeH wuq yeSuS. pI'lIpoS Sam 'ej jatlh: HItlha'.


verso 44

'antlhe'aS pe'tlhoSje veng betlhSayDavo' ghaHtaH pI'lIpoS'e'.


verso 45

natlhana'el Sam pI'lIpoS 'ej jatlh: moySeS chutDaq nemSovwI'pu'Daqje ghItlhlu'pu'bogh ghot'e' wISampu', jeSuS natlharenoS, yoSep puqloD.


verso 46

jatlh natlhana'el: natlharetvo' ghoSlaH vay' QaQ'a'? jatlh pI'lIpoS: Ha', yIlegh!


verso 47

ghoS natlhana'el 'e' legh yeSuS 'ej jatlh: pelegh, 'ISra'elnganna', ghaHDaq tojtaHghach tu'lu'be'.


verso 48

jatlh natlhana'el: chay' choSov? jang yeSuS: DurI'pu'pa' pI'lIpoS, fig Sor bIngDaq bIQamvIS, qaleghpu'.


verso 49

jang natlhana'el: rabbI', Qun'a' puqloD SoH, 'ISra'el ta' SoH!


verso 50

jang yeSuS: fig Sor bIngDaq qaleghpu' 'e' qajatlhpu'mo', bIvoq? Dochmey wej Daleghbogh Dun law' Dochmeyvam Dun puS.


verso 51

jatlh: vITna' vITna' Sajatlh: poS chal 'e' Dalegh nuv'a' DungDaq SaltaHvIS 'ej ghIrtaHvIS Qun'a' QumwI'pu'.

Capítulos:


Libros