rut
capítulo 1
verso 1
che'taHvIS noHwI''a'pu', SepDaq vey'Ha'choH Soj. yeHu'Daya'Daq betlhe'Hem Dabbogh loD tu'lu'. mo'av leng 'ej pa' ratlh qaStaHvIS poH ngaj 'e' wuq. be'nalDaj, puqloDpu'Daj je qemta' je.
verso 2
'elImeleH 'oH loDvetlh pong'e' 'ej nayo'mI' 'oH be'nalDaj pong'e' 'ej maHlon qIlyon je bIH puqloDpu'Daj pongmey'e'. yeHu'Daya'Daq betlhe'Hem luDabbogh 'evra'yIm tuqnIghpu' chaH. 'ej mo'av Sep lujaH 'ej pa' ratlhpu'.
verso 3
'ej Heghpu' 'elImeleH, nayo'mI' loDnal. ratlh nayo'mI', cha' puqloDpu' je.
verso 4
'ej mo'avnganpu' Sawpu' puqloDpu'. 'orpa' 'oH wa' pong'e' 'ej rut 'oH cha'DIch pong'e'. 'ej pa' ratlh qaStaHvIS wa'maH DIS.
verso 5
'ej Heghpu' je maHlon qIlyon je. vaj loDnalDaj, puqloDpu'Daj je weSpu' be'.
verso 6
nughDaj QorghmeH chaHvaD tIr ngogh nobchoH joH'a' 'e' ghojmo' nayo'mI', mo'avvo' cheghmeH lengrupchoH ghaH, puqloDpu'Daj be'nalpu' je.
verso 7
vaj Daq'e' Dabpu'bogh ghaH lutlheDta' ghaH, puqloDpu'Daj be'nalpu' je 'ej yeHu'Daya' ghoSbogh tawDaq lengchoH.
verso 8
ghIq puqloDpu'Daj be'nalpu'vaD jatlh «tlhIH'e', SoSpu'ra' juHmey tIchegh. Heghpu'wI'vaD, jIHvaD je SunaHHa'pu'; jaSHa' tlhIHvaD naHHa'jaj joH'a'.
verso 9
lulIghmeyraj moj loDnalpu' chu' juHmey 'e' chaw'jaj joH'a'.» 'ej chaH choppu' 'ej nItebHa' SaQpu' chaH chuStaHvIS.
verso 10
'ej ghaHvaD jatlhpu' chaH «nughlIj DacheghtaHvIS pItlhejbej.»
verso 11
'ach jatlhpu' nayo'mI' «pechegh, puqbe'pu'wI'. qatlh tutlhej? chorwIjDaq loDnalpu'ra' chaHlaHbogh latlh puqloDpu''e' lutu'lu''a'?
verso 12
pechegh. pejaH, tlhoy jIqanmo'; latlh loDnal vISuqlaHbe'. jItultaH net jalchugh 'ej ramvam loD vInaylaH net jalchugh je 'ej latlh puqloDpu' vIboghmoHlaH net jalchugh je,
verso 13
nen puqloDpu'vetlh 'e' boloSqang'a'? chaHvaD pagh latlh bonayqang'a'? Qo', puqbe'pu'wI'. muqaD joH'a' ghop; jI'IQqu' lIbechmoHmo' wanI'vam.
verso 14
'ej jach chaH SaQqa'taHvIS. loDnalDaj SoS vanmeH ghaH choppu' 'orpa' 'ach mejQo'pu' rut.
verso 15
'ej jatlhpu' nayo'mI' «yIqIm! nughDaj, QunDaj je cheghchoH loDnallI' loDnI' be'nal. yItlhej.»
verso 16
'ach jangpu' rut; jatlhpu' «qamej qoj qatlha'Ha' 'e' yIra'Qo'. ghochwIj 'oH ghochlIj'e'. nughwIj 'oH nughlIj'e'. Qun'a'wI' ghaH Qun'a'lI''e'.
verso 17
HeghmeH DaqwIj 'oH HeghmeH DaqlIj'e' 'ej pa' vImollu'. yItlhtaHvIS muDIghjaj joH'a', nuchevchugh Hegh 'oHbe'bogh vay''e'.
verso 18
tlhej 'e' Hechqu' rut 'e' tlhojDI' nayo'mI', mej 'e' ra' 'e' mev.
verso 19
vaj jaHpu' cha'; betlhe'Hem lupawta'. 'ej betlhe'Hem lupawta'DI', Seyqu' veng Hoch cha'vammo'. 'ej jatlhpu' Hoch be'pu' «nayo'mI' ghaH'a' be'vam'e'?»
verso 20
'ach chaHvaD jatlhpu' nayo'mI' «nayo'mI' HIpongQo'; mara HIpong, yInwIj wIbqu'moHpu'mo' joH'a'.
verso 21
jImejDI' jIbuy' 'ach DaH jIchIm. juHwIjDaq muqemta' joH'a'. qatlh nayo'mI' tupong? mu'ompu' joH'a' 'ej mubechmoHpu' HoSghajwI''a'.»
verso 22
vaj mo'avvo' cheghta' nayo'mI' tlhejtaHvIS rut—mo'avngan, puqloDDaj be'nalDaj je. betlhe'Hem lupawta'DI', barlI' tIr yobchoHlu'.
Libros
