rut

Capítulos:

1 2 3 4

verso 1

'ej loDnalDajmo' chuD ghaj nayo'mI'. 'elImeleH tuqnIgh ghaH chuDvam'e' 'ej bo'eS 'oH pongDaj'e'.

verso 2

vaj nayo'mI'vaD tlhobpu' rut, mo'avngan; jatlh «yotlhmey vIjaH 'ej pa' wa' vIbelmoHlaHbogh 'emDaq tIr chuv vIyIr 'e' yIchaw'.» 'ej jangpu' nayo'mI'; jatlh «yIjaH, puqbe'wI'.»

verso 3

'ej mejpu' 'ej yobwI'pu' 'emDaq tIr chuv yIrchoH. 'ej bong bo'eS yotlh 'ay'Daq vum. ghaH'e', 'elImeleH chuD ghaH.

verso 4

'ej ngugh betlhe'Hemvo' pawta' bo'eS 'ej yobwI'pu' vanpu'; jatlhpu' «lItlhejjaj joH'a'!» ghaHvaD jangpu' chaH; jatlh «DuquvmoHjaj joH'a'!»

verso 5

yobwI'pu'Daj vu'bogh toy'wI'DajvaD jatlhpu' bo'eS «'Iv be' ghaH be'vam Qup'e'?»

verso 6

vaj jangpu' yobwI'pu' vu'bogh toy'wI'; jatlh «mo'avngan ghaH be'vam Qup'e'. mo'avvo' cheghta'DI' nayo'mI', tlhejta'.

verso 7

jatlhpu' ghaH ‹tIr Qechjemmey tay'Daq yobwI'pu' 'emDaq tIr chuv yIr 'e' yIchaw'neS.› vaj yotlh 'elta' 'ej po DaH je qubbID vumlI'. 'a loQ lulIghDaq yevpu'.

verso 8

'ej rutvaD jatlhpu' bo'eS «HI'Ij, be' Qup. latlh yotlhDaq tIr chuv yIyIrQo' 'ej Daqvamvo' yIjaHQo'. naDev yIratlh 'ej mutoy'bogh be'pu' tItlhej.

verso 9

yotlhDaq yoblI' chaH; tItlha'. lIHotQo' loDpu' Qup 'e' vIra'. 'ej bI'ojDI', bal'a'mey'e' tebta'bogh loDpu' tIjaH 'ej bIHvo' yItlhutlh.

verso 10

ngugh lavchoH rut 'ej yavDaq qabDaj Qeq je 'ej ghaHvaD jatlhpu' «qatlh jIHvaD bInaHHa'qu'? nov jIH; qatlh choqIm?»

verso 11

'ej jangpu' bo'eS; jatlhpu' «Heghpu' loDnallI' 'ej SoSDajvaD Qu'mey law' Daturta' 'e' vIghoj. vavlI', SoSlI' je, munglIj Sep je Damejta' 'ej nugh DaSovbe'pu'bogh DaghoSta'.

verso 12

ta'meylIjmo' SoHvaD pop nobjaj joH'a'. SoHvaD tev'a' nobjaj joH'a', yISra'el Qun'a': lulIghlIj lumoj telDu'Daj bIng.»

verso 13

'ej jatlhpu' rut «qabelmoH 'e' vImevbe'jaj, 'o joHwI'; chobaw'moHpu' 'ej toy'wI'lI'vaD bIjatlhpu'DI', bInaHHa'. 'a toy'wI'pu'lI' vIrurbe'.»

verso 14

'ej nay' rep ghaHvaD jatlhpu' bo'eS «naDev yIghoS 'ej tIr ngogh yISop 'ej pIchSIvDaq tIr ngogh yIyIQmoH.» vaj yobwI'pu' retlhDaq ba'pu' rut 'ej ghaHvaD tIr QaD nobpu' bo'eS. Soppu' 'ej yonpu' 'ej chuv 'op Soj.

verso 15

'ej tIr chuv yIrmeH Hu'pu'DI' rut, toy'bogh loDpu' ra'pu' bo'eS; jatlh «tIr Qechjemmey tay'Daq tIr chuv yIr be'vam 'e' yIchaw' 'ej yItuHmoHQo'.

verso 16

'ej tIr Dojmeyvo' pum tIr chIch ghaHvaD 'e' yIbotQo'. pumbogh tIr yIlon; yIrjaj ghaH. 'ej yInaDHa'Qo'.»

verso 17

vaj ngugh tlhom je qubbID yotlhDaq tIr chuv yIrlI'. ghIq barlI' tIr yIrta'bogh tlhappu' 'ej 'oHvo' raS'ISmey chevta'. jav chebmey ngI'.

verso 18

'ej tIrvam woH 'ej veng 'elta' 'ej Hoch tIr chuv yIrta'bogh rut leghpu' rut loDnal SoS. 'op Soj chuv polta'bogh lelpu' je rut 'ej nayo'mI'vaD nobpu'.

verso 19

rut ghelpu' loDnalDaj SoS; jatlhpu' «DaHjaj nuqDaq tIr chuv DayIrta'? nuqDaq bIvumta'? quv Dutu'pu'bogh loD!» ghIq loDnalDaj SoSvaD yotlh SeHwI' pong ja'pu' rut; jatlh «DaHjaj loDvaD jIvumta'; bo'eS 'oH pongDaj'e'.»

verso 20

'ej puqloDDaj be'nalvaD jatlhpu' nayo'mI' «quvmoHjaj joH'a'! yIntaHwI'pu'vaD, Heghpu'wI'pu'vaD naHHa' 'e' mevbe'.» 'ej ghaHvaD jatlhpu' nayo'mI' «tuqnIghma' ghaH loDvam'e'; nu'avnISbogh QanwI'ma' ghaH.»

verso 21

ghIq jatlhpu' rut, mo'avngan; jatlhpu' «vabDot mujatlhpu' ‹vumwI'pu'wI' tItlhejtaH rInbe'taHvIS tIrwIj yobmeH mIw.›»

verso 22

'ej puqloDDaj be'nalvaD jatlhpu' nayo'mI'; rutvaD jatlhpu' «ghaH lutoy'bogh be'pu' Qup Datlhejmo', nIv ghu', 'o puqbe'wI'. chaq latlh yotlhDaq lItu'mo' chaH.

verso 23

vaj tIr chuv yIrmeH bo'eS be'pu'Daq SumtaH rut, barlI' tIr wIt tIr je luyoblu'taHvIS. 'ej loDnalDaj SoS juH qach Dab rut.

Capítulos:

1 2 3 4