rut
2. fejezet
1. vers
'ej loDnalDajmo' chuD ghaj nayo'mI'. 'elImeleH tuqnIgh ghaH chuDvam'e' 'ej bo'eS 'oH pongDaj'e'.
2. vers
vaj nayo'mI'vaD tlhobpu' rut, mo'avngan; jatlh «yotlhmey vIjaH 'ej pa' wa' vIbelmoHlaHbogh 'emDaq tIr chuv vIyIr 'e' yIchaw'.» 'ej jangpu' nayo'mI'; jatlh «yIjaH, puqbe'wI'.»
3. vers
'ej mejpu' 'ej yobwI'pu' 'emDaq tIr chuv yIrchoH. 'ej bong bo'eS yotlh 'ay'Daq vum. ghaH'e', 'elImeleH chuD ghaH.
4. vers
'ej ngugh betlhe'Hemvo' pawta' bo'eS 'ej yobwI'pu' vanpu'; jatlhpu' «lItlhejjaj joH'a'!» ghaHvaD jangpu' chaH; jatlh «DuquvmoHjaj joH'a'!»
5. vers
yobwI'pu'Daj vu'bogh toy'wI'DajvaD jatlhpu' bo'eS «'Iv be' ghaH be'vam Qup'e'?»
6. vers
vaj jangpu' yobwI'pu' vu'bogh toy'wI'; jatlh «mo'avngan ghaH be'vam Qup'e'. mo'avvo' cheghta'DI' nayo'mI', tlhejta'.
7. vers
jatlhpu' ghaH ‹tIr Qechjemmey tay'Daq yobwI'pu' 'emDaq tIr chuv yIr 'e' yIchaw'neS.› vaj yotlh 'elta' 'ej po DaH je qubbID vumlI'. 'a loQ lulIghDaq yevpu'.
8. vers
'ej rutvaD jatlhpu' bo'eS «HI'Ij, be' Qup. latlh yotlhDaq tIr chuv yIyIrQo' 'ej Daqvamvo' yIjaHQo'. naDev yIratlh 'ej mutoy'bogh be'pu' tItlhej.
9. vers
yotlhDaq yoblI' chaH; tItlha'. lIHotQo' loDpu' Qup 'e' vIra'. 'ej bI'ojDI', bal'a'mey'e' tebta'bogh loDpu' tIjaH 'ej bIHvo' yItlhutlh.
10. vers
ngugh lavchoH rut 'ej yavDaq qabDaj Qeq je 'ej ghaHvaD jatlhpu' «qatlh jIHvaD bInaHHa'qu'? nov jIH; qatlh choqIm?»
11. vers
'ej jangpu' bo'eS; jatlhpu' «Heghpu' loDnallI' 'ej SoSDajvaD Qu'mey law' Daturta' 'e' vIghoj. vavlI', SoSlI' je, munglIj Sep je Damejta' 'ej nugh DaSovbe'pu'bogh DaghoSta'.
12. vers
ta'meylIjmo' SoHvaD pop nobjaj joH'a'. SoHvaD tev'a' nobjaj joH'a', yISra'el Qun'a': lulIghlIj lumoj telDu'Daj bIng.»
13. vers
'ej jatlhpu' rut «qabelmoH 'e' vImevbe'jaj, 'o joHwI'; chobaw'moHpu' 'ej toy'wI'lI'vaD bIjatlhpu'DI', bInaHHa'. 'a toy'wI'pu'lI' vIrurbe'.»
14. vers
'ej nay' rep ghaHvaD jatlhpu' bo'eS «naDev yIghoS 'ej tIr ngogh yISop 'ej pIchSIvDaq tIr ngogh yIyIQmoH.» vaj yobwI'pu' retlhDaq ba'pu' rut 'ej ghaHvaD tIr QaD nobpu' bo'eS. Soppu' 'ej yonpu' 'ej chuv 'op Soj.
15. vers
'ej tIr chuv yIrmeH Hu'pu'DI' rut, toy'bogh loDpu' ra'pu' bo'eS; jatlh «tIr Qechjemmey tay'Daq tIr chuv yIr be'vam 'e' yIchaw' 'ej yItuHmoHQo'.
16. vers
'ej tIr Dojmeyvo' pum tIr chIch ghaHvaD 'e' yIbotQo'. pumbogh tIr yIlon; yIrjaj ghaH. 'ej yInaDHa'Qo'.»
17. vers
vaj ngugh tlhom je qubbID yotlhDaq tIr chuv yIrlI'. ghIq barlI' tIr yIrta'bogh tlhappu' 'ej 'oHvo' raS'ISmey chevta'. jav chebmey ngI'.
18. vers
'ej tIrvam woH 'ej veng 'elta' 'ej Hoch tIr chuv yIrta'bogh rut leghpu' rut loDnal SoS. 'op Soj chuv polta'bogh lelpu' je rut 'ej nayo'mI'vaD nobpu'.
19. vers
rut ghelpu' loDnalDaj SoS; jatlhpu' «DaHjaj nuqDaq tIr chuv DayIrta'? nuqDaq bIvumta'? quv Dutu'pu'bogh loD!» ghIq loDnalDaj SoSvaD yotlh SeHwI' pong ja'pu' rut; jatlh «DaHjaj loDvaD jIvumta'; bo'eS 'oH pongDaj'e'.»
20. vers
'ej puqloDDaj be'nalvaD jatlhpu' nayo'mI' «quvmoHjaj joH'a'! yIntaHwI'pu'vaD, Heghpu'wI'pu'vaD naHHa' 'e' mevbe'.» 'ej ghaHvaD jatlhpu' nayo'mI' «tuqnIghma' ghaH loDvam'e'; nu'avnISbogh QanwI'ma' ghaH.»
21. vers
ghIq jatlhpu' rut, mo'avngan; jatlhpu' «vabDot mujatlhpu' ‹vumwI'pu'wI' tItlhejtaH rInbe'taHvIS tIrwIj yobmeH mIw.›»
22. vers
'ej puqloDDaj be'nalvaD jatlhpu' nayo'mI'; rutvaD jatlhpu' «ghaH lutoy'bogh be'pu' Qup Datlhejmo', nIv ghu', 'o puqbe'wI'. chaq latlh yotlhDaq lItu'mo' chaH.
23. vers
vaj tIr chuv yIrmeH bo'eS be'pu'Daq SumtaH rut, barlI' tIr wIt tIr je luyoblu'taHvIS. 'ej loDnalDaj SoS juH qach Dab rut.
Könyvek
