rut

Fejezetek:

1 2 3 4

1. vers

'ej lojmIt'a' jaHta' bo'eS 'ej pa' ba'choHDI' pawpu' 'avbogh QanwI' rIchpu'bogh. vaj jatlhpu' bo'eS «naDev yIghoS 'ej yIba', jupwI'!» vaj ghoSpu' 'ej ba'choH.

2. vers

'ej wa'maH veng quppu' rItta' 'ej ba'choH chaH 'e' ra'. vaj pa' ba'choHpu' chaH.

3. vers

ghIq 'avbogh QanwI'vaD jatlhpu' bo'eS «mo'avvo' cheghta' nayo'mI' 'ej yotlh'e' ghajpu'bogh 'elImeleH, tuqnIghma', ngevlI'.

4. vers

'ej qaSovmoH 'e' vIwuq. SoHvaD ghu'vam vIchup vIneH: SaHwI'pu'vam tlhopDaq, nughwIj quppu' tlhopDaq je 'oH yIje'. Daje'qangchugh, vaj yIje'. 'ach Daje'Qo'chugh, jISovmeH HIja'. je'meH DIb Daghaj SoH neH. 'a Daje'Qo'chugh, vIje'meH DIb vIghaj jIH'e'.» 'ej jatlhpu' QanwI' «vIje'.»

5. vers

ghIq jatlhpu' bo'eS «nayo'mI'vo' yotlh Daje'DI', Heghpu'wI' pong DataHmoHmeH rut—mo'avngan—DaSuq je net poQ.»

6. vers

'ej jatlhpu' 'avbogh QanwI' «yotlh vIje'laHbe', yerwIj tlhIn qalmoHlaH 'oH.» SoH'e', yIje'. vIje'laHbe'.

7. vers

ben law' yISra'elDaq vay' tamchu'meH waqDaj tlhIn teq loD 'ej latlhvaD 'oH nob. 'ej HuqmeH mIw 'oH tIghvam'e'.

8. vers

vaj bo'eSvaD jatlhpu' 'avbogh QanwI' «SoH'e', yIje'.» 'ej waqDaj tlhIn teqpu'.

9. vers

'ej quppu'vaD, Hoch SaHwI'pu'vaD je jatlhpu' bo'eS «jantorpu' tlhIH: DaHjaj nayo'mI'vo' 'elImeleH, qIlyon, maHlon je yer Hoch vIje'pu' 'e' bolegh.

10. vers

rut— mo'avngan, maHlon weSpu'bogh be'nal'e' je—vISuqpu' 'ej yerDajDaq Heghpu'wI' pong taHmoHmeH be'nalwI' moj: tuqDajvo', mungDaj vengvo' je ngabbe' pongDaj. DaHjaj jantorpu' tlhIH!»

11. vers

ghIq lojmIt'a'Daq jatlhpu' Hoch SaHwI'pu', Hoch quppu' je «jantorpu' maH. raHel, leyya je rur juHlIj 'elbogh be''e' 'e' qaSmoHjaj joH'a'. nItebHa' yISra'el tuq luchenmoH raHel, leyya je. 'evratDaq bIchepjaj 'ej betlhe'HemDaq bInoyjaj.»

12. vers

SoHvaD puqpu' boghmoHpu' be'vam Qup 'e' qaSmoHDI' joH'a', peretlh puqpu' rurjaj puqpu'lI': yeHu'DavaD ghaH boghmoHpu' tamar.»

13. vers

vaj rut tlhappu' bo'eS 'ej be'nalDaj mojpu' ghaH. 'ej ghaH ngaghpu'DI', yatlhchoH rut 'e' chaw' joH'a' 'ej puqloD boghmoHpu' rut.

14. vers

'ej nayo'mI'vaD jatlhpu' be'pu' «joH'a' naDlu'jaj! DaHjaj 'avbogh QanwI' DaHutlh 'e' lajQo'. yISra'elDaq Dat noyjjaj pongDaj.

15. vers

yInlIj chu'qa'moH 'ej bIqantaHvIS Durach. boghmoHpu' puqloDlI' be'nal. ghaH qaq law' Soch puqloDpu' qaq puS.»

16. vers

ghIq ghu woHpu' nayo'mI' 'ej ghaH Qorgh.

17. vers

'ej lupongpu' jIlpu'; jatlhpu' «puqloD Suqpu' nayo'mI'!» 'ej ghaHvaD 'oveD lupongpu'. yeSay vav ghaH. DawID vav ghaH yeSay'e'.

18. vers

'ej peretlh quH 'oH quHvam'e': Hetlhron vav ghaH peretlh'e'.

19. vers

ram vav ghaH Hetlhron'e'. 'amIna'Dav vav ghaH ram'e'.

20. vers

naHSon vav ghaH 'amIna'Dav'e'. SelaH vav ghaH naHSon'e'.

21. vers

bo'eS vav ghaH SelaH'e'. 'oveD vav ghaH bo'eS'e'.

22. vers

yeSay vav ghaH 'oveD'e' 'ej DawID vav ghaH yeSay'e'.

Fejezetek:

1 2 3 4