rut

Chapters:

1 2 3 4

verse #1

'ej lojmIt'a' jaHta' bo'eS 'ej pa' ba'choHDI' pawpu' 'avbogh QanwI' rIchpu'bogh. vaj jatlhpu' bo'eS «naDev yIghoS 'ej yIba', jupwI'!» vaj ghoSpu' 'ej ba'choH.

verse #2

'ej wa'maH veng quppu' rItta' 'ej ba'choH chaH 'e' ra'. vaj pa' ba'choHpu' chaH.

verse #3

ghIq 'avbogh QanwI'vaD jatlhpu' bo'eS «mo'avvo' cheghta' nayo'mI' 'ej yotlh'e' ghajpu'bogh 'elImeleH, tuqnIghma', ngevlI'.

verse #4

'ej qaSovmoH 'e' vIwuq. SoHvaD ghu'vam vIchup vIneH: SaHwI'pu'vam tlhopDaq, nughwIj quppu' tlhopDaq je 'oH yIje'. Daje'qangchugh, vaj yIje'. 'ach Daje'Qo'chugh, jISovmeH HIja'. je'meH DIb Daghaj SoH neH. 'a Daje'Qo'chugh, vIje'meH DIb vIghaj jIH'e'.» 'ej jatlhpu' QanwI' «vIje'.»

verse #5

ghIq jatlhpu' bo'eS «nayo'mI'vo' yotlh Daje'DI', Heghpu'wI' pong DataHmoHmeH rut—mo'avngan—DaSuq je net poQ.»

verse #6

'ej jatlhpu' 'avbogh QanwI' «yotlh vIje'laHbe', yerwIj tlhIn qalmoHlaH 'oH.» SoH'e', yIje'. vIje'laHbe'.

verse #7

ben law' yISra'elDaq vay' tamchu'meH waqDaj tlhIn teq loD 'ej latlhvaD 'oH nob. 'ej HuqmeH mIw 'oH tIghvam'e'.

verse #8

vaj bo'eSvaD jatlhpu' 'avbogh QanwI' «SoH'e', yIje'.» 'ej waqDaj tlhIn teqpu'.

verse #9

'ej quppu'vaD, Hoch SaHwI'pu'vaD je jatlhpu' bo'eS «jantorpu' tlhIH: DaHjaj nayo'mI'vo' 'elImeleH, qIlyon, maHlon je yer Hoch vIje'pu' 'e' bolegh.

verse #10

rut— mo'avngan, maHlon weSpu'bogh be'nal'e' je—vISuqpu' 'ej yerDajDaq Heghpu'wI' pong taHmoHmeH be'nalwI' moj: tuqDajvo', mungDaj vengvo' je ngabbe' pongDaj. DaHjaj jantorpu' tlhIH!»

verse #11

ghIq lojmIt'a'Daq jatlhpu' Hoch SaHwI'pu', Hoch quppu' je «jantorpu' maH. raHel, leyya je rur juHlIj 'elbogh be''e' 'e' qaSmoHjaj joH'a'. nItebHa' yISra'el tuq luchenmoH raHel, leyya je. 'evratDaq bIchepjaj 'ej betlhe'HemDaq bInoyjaj.»

verse #12

SoHvaD puqpu' boghmoHpu' be'vam Qup 'e' qaSmoHDI' joH'a', peretlh puqpu' rurjaj puqpu'lI': yeHu'DavaD ghaH boghmoHpu' tamar.»

verse #13

vaj rut tlhappu' bo'eS 'ej be'nalDaj mojpu' ghaH. 'ej ghaH ngaghpu'DI', yatlhchoH rut 'e' chaw' joH'a' 'ej puqloD boghmoHpu' rut.

verse #14

'ej nayo'mI'vaD jatlhpu' be'pu' «joH'a' naDlu'jaj! DaHjaj 'avbogh QanwI' DaHutlh 'e' lajQo'. yISra'elDaq Dat noyjjaj pongDaj.

verse #15

yInlIj chu'qa'moH 'ej bIqantaHvIS Durach. boghmoHpu' puqloDlI' be'nal. ghaH qaq law' Soch puqloDpu' qaq puS.»

verse #16

ghIq ghu woHpu' nayo'mI' 'ej ghaH Qorgh.

verse #17

'ej lupongpu' jIlpu'; jatlhpu' «puqloD Suqpu' nayo'mI'!» 'ej ghaHvaD 'oveD lupongpu'. yeSay vav ghaH. DawID vav ghaH yeSay'e'.

verse #18

'ej peretlh quH 'oH quHvam'e': Hetlhron vav ghaH peretlh'e'.

verse #19

ram vav ghaH Hetlhron'e'. 'amIna'Dav vav ghaH ram'e'.

verse #20

naHSon vav ghaH 'amIna'Dav'e'. SelaH vav ghaH naHSon'e'.

verse #21

bo'eS vav ghaH SelaH'e'. 'oveD vav ghaH bo'eS'e'.

verse #22

yeSay vav ghaH 'oveD'e' 'ej DawID vav ghaH yeSay'e'.

Chapters:

1 2 3 4