rut

Chapters:

1 2 3 4

verse #1

ghaHvaD jatlhpu' loDnalDaj SoS; jatlhpu' nayo'mI' «puqbe'wI', SoHvaD juH vInejlI'. juHDaq DaQorghlu'bej.

verse #2

DaH yIqIm: chuDma' ghaHbe''a' bo'eS'e'? vabDot lutoy'bogh be'pu'Daj Datlhejta'. ramvam raS'IS chevmeH ravDaq barlI' tIrDaj yughmoH.

verse #3

yISay''eghmoH. SoHDaq He'So'Ha'moHwI' yIqang. 'ej SutlIj nIv yItuQchoH. ghIq raS'IS chevmeH rav yIjaH. 'a pa' bISaH 'e' Sov 'e' yIchaw'be', Soppu'pa' 'ej tlhutlhpu'pa'.

verse #4

'ej QotchoHDI', QotmeH DaqDaj yItu'. ghIq yIchol 'ej qamDu'Daj tISo'Ha' 'ej yIQotchoH. ghIq Dura' ghaH.»

verse #5

'ej ghaHvaD jatlhpu' rut «Hoch Dara'bogh vIturbej.»

verse #6

vaj raS'IS chevmeH rav jaHta' 'ej Hoch'e' poQpu'bogh loDnalDaj SoS turta'.

verse #7

Soppu'DI' 'ej tlhutlhpu'DI' 'ej Quchqu'DI' bo'eS, tIr Doj retlhDaq QotchoH. tamtaHvIS ghaH cholta' rut. qamDu'Daj So'Ha' 'ej QotchoHpu'.

verse #8

DorDI' ram bID, pe'vIl vempu' loD 'ej tachpu'—qamDu'Daj retlhDaq QottaH be'.

verse #9

'ej jatlhpu' bo'eS «SoH 'Iv?» vaj jangpu' rut «rut, toy'wI'lI', jIH. chovelmeH SutlIj po'oH yIlo', qorDu'maj 'avnISbogh QanwI' SoHmo'.»

verse #10

'ej jatlhpu' bo'eS «DuquvmoH joH'a', be' Qup. bI'reS DaH je qubbID ghurpu' naHHa'qangghachlIj: loDpu' Qup DaSuq 'e' DanIDbe'; vabDot mIpmeychaj, mIpmeychaj 'en je DaqImHa'.

verse #11

'ej DaH, be' Qup, yIbaw'Ha'Qo': Hoch DapoQbogh vIturqang; be' quv SoH 'e' luSov vengwIj Hoch nganpu'.

verse #12

'ej 'avbogh QanwI' jIH; teH. 'a Du'avmeH QanwI' vIgheSpa', gheSqangbe'nIS wa' latlh.

verse #13

ramvam naDev yIratlh 'ej po Qu'Daj tur neHchugh, maj. Durangjaj ghaH. 'a Qu'Daj turqangbe'chugh, vaj qarangqang jIH. yIntaH joH'a'; teHchu'. jaSHa' teHchu' ngoDvam. qaSpa' po, naDev yIQottaH.»

verse #14

vaj ngugh po je qubbID qamDu'Daj retlhDaq QottaH ghaH. 'ej Hu'pu', vay' ghovlu'pa'. 'ej jatlhpu' bo'eS «raS'IS chevmeH rav ghoSpu' be' 'e' SovnIS pagh.»

verse #15

'ej jatlhpu' je «nach velwI' tlhImlIj HIqem 'ej SoH tlhopDaq yI'uch.» 'ej ghaH tlhop tlhInDaq tlhIm 'uchDI', wa'vatlh chorghmaH cheb ngI'bogh barlI' tIr Doj juvta' bo'eS ghIq rutvaD Dojvam nobta'. ghIq veng cheghta' bo'eS.

verse #16

loDnalDaj SoS ghoSta'DI' rut, tlhob nayo'mI' «qaSpu' nuq, puqbe'wI'?» ghIq nayo'mI'vaD Hoch ta'ta'bogh bo'eS ja'pu' rut.

verse #17

'ej mu'tlheghvam chelpu': «wa'vatlh chorghmaH chebmey ngI'bogh barlI' tIr munobpu' 'ej mujatlhpu' ‹loDnallI' SoS DacheghDI', pagh Daqembe'jaj.›»

verse #18

ghIq jatlhpu' nayo'mI' «yIba'choH 'ej ghu'vam bertlhamna' yIloS, puqbe'wI'; leSQo' loDvam, jajvam rInpa' ghu'vam.

Chapters:

1 2 3 4