pe’tlhoS nav QIn wa’DIch
1. fejezet
1. vers
pe'tlhoS, yeSu'a QIStoS Duy, jIH. pontoS, ghalatIya', qappaDoqya', 'aSya', bItnIya' je Dabbogh novpu' rurwI'vaD QInvam vIngeH. ghotpu'vam wIvta' joH'a'.
2. vers
chaH wIvmeH leSSovDaj lo' joH'a' 'ej yeSu'a QIStoSvaD chaH matlhmoHmeH quvmoHbogh qa''a' ta'mey lo'. nachDu'chajDaq QIStoS 'Iw ghaypu': pung'a', roj je boSIQqu'jaj.
3. vers
joH'a', yeSu'a QIStoS vav'a', naDlu'jaj. pung'a'Dajmo' nuboghqa'moHta' 'ej nutulqa'moHchu'meH yeSu'a QIStoS HeghHa'moHta'
4. vers
'ej maHvaD qengHoD 'atmoH. not ragh qengHoDvam. not nItHa'choH. not ngab. chal'a'Daq tlhIHvaD 'oH pollu'lI'.
5. vers
tlhIHvaD pollu'lI', Suvoqmo'. lIyoD joH'a' HoS 'ej bov Qav tlhIHvaD toD'a'Daj 'ang.
6. vers
Hochvammo' Sulopqu' 'a DaH chaq qaDmey Sarmo' SubechnIS.
7. vers
SuHarbej 'e' botobmeH qaDmey boSIQ—HarmeH laH lo'laH law' qol'om lo'laH puS. qol'om'e', nItmoH qul 'a ngablaH—bonaDlu' 'ej ngay' boSuq 'ej boquvmoHlu' 'ang'eghDI' yeSu'a QIStoS.
8. vers
ghaH boleghpu'be' 'a bomuSHa'; vabDot DaH boleghbe' 'a bovoq 'ej SuQuchqu'chu'.
9. vers
HartaHghachraj gher'ID boSIQ: qa'meyraj toD'a'.
10. vers
pung'a' boHevpu'bogh lurIchta' joH'a' Duypu'. toD'a'vam'e' lupaQqu'ta' je.
11. vers
toDwI''a' bepmey, cho'bogh ngay' 'aqta' QIStoS qa''a'; Dochmeyvam rarbogh poH, wanI' je yaj 'e' lunID Duypu'.
12. vers
lItoy' chaH; toy''egh 'e' qa' chaHvaD 'e' 'anglu', Dochmey 'otHa'bogh vep QaQ jatlhta'DI'. tlhIHvaD vepvam QaQ ja' qa''a' quv 'ej qa''a' quv'e', chalvo' ngeHlu'ta'. vabDot Dochmeyvam leghmeH boH HoSDo'pu'.
13. vers
vaj yabDu'raj tIghuHmoH 'ej qa'meyraj tIjotmoH. paw'ta'DI' yeSu'a QIStoS, pung'a' qemta'; pung'a'vammo' petul.
14. vers
lobbogh puqpu' tIDa. SujIvtaHvIS lIDev tlhu'moHwI'mey mIgh; DaH lIDev tlhu'moHwI'meyvetlh 'e' yIchaw'Qo'.
15. vers
quv rItwI'ra'; jaSHa' pequv'eghmoH.
16. vers
mu'meyvam lughItlhlu'ta': «pequv'eghmoH jIquvmo' jIH.»
17. vers
vav'a'vaD Sujatlh 'ej maychu'taHvIS ngIq ta'mey noH ghaH vaj qo'Daq tlhIHtaHvIS, batlh yIvuv.
18. vers
no'ra'vo' yInmeH Ho'DoS bo'at 'ej yInmeH Ho'DoSvetlh qeyvo' botoDlu'meH qol'om, SIrlIy, latlh ru'wI'mey je lulo'lu'pu'be' 'e' boSov.
19. vers
lItoDmeH 'IwDaj lo'laHqu' lo'ta' QIStoS—Duy', 'oDtu' je Hutlhbogh DI'raq puq'e' rur.
20. vers
chenpa' qo', wIvlu'ta' 'a qen tlhIHvaD narghta'.
21. vers
ghaHmo' joH'a' bovoq. QIStoS HeghHa'moHta' ghaH 'ej QIStoSvaD ngay' nobta' ghaH. 'ej vaj joH'a' bovoq 'ej lItulmoH joH'a'.
22. vers
vIt bolobta'mo', SuSaHchuqchu'meH Suwatlh'eghmoHta'. SumuSHa'qu'chuqmeH tIqDu'raj bolo'.
23. vers
Suboghqa'pu' 'e' yIqaw. lIboghqa'moHta' joH'a' QIn ru'Ha'; qaytu' ru'Ha' qa'.
24. vers
peqaw: «magh lurur Hoch ghotpu' 'ej yotlh 'InSongmey rur ngay'chaj; QaDchoH magh 'ej pum 'InSongmey
25. vers
'a Hochlogh taHtaH joH'a' QIn.» 'ej tlhIHvaD QInvam maqlu'ta'.
Könyvek
