pe’tlhoS nav QIn wa’DIch
3. fejezet
1. vers
be'nalpu', jaSHa' loDnalpu'ra' tIlob. QIn'a' luHarQo'chugh, chaq HarchoHmoH vangmeH Ho'DoSraj; mu'meyraj qa'.
2. vers
Suwatlh 'ej Suvuv 'e' lutu'bej. mayqarmey, qol'om, paHmey joq neH bIHbe'jaj DI'onmeyraj 'IH'e'.
3. vers
'a DI'onmey raj 'IH bIHjaj tIq qoDraj'e'. naHHa'bogh qa' tam 'oH DI'on 'IH mung'e' 'ej lolaHqu' Dochvam 'e' Dam joH'a'.
4. vers
peqaw: pa'logh jaSHa' tuQ'eghmoH joH'a' voqtaHbogh be'pu' quv'e'. loDnalpu'chaj tlhIn lob.
5. vers
jaSHa' 'avraHam lob Sara 'ej ghaHvaD joH pong. puqbe'pu'Daj bomojpu', pe'vIl batlh Suvangchugh.
6. vers
loDnalpu', jaSHa' be'nalpu'ra'vaD penaHHa''eghmoH; chaHvaD qoch puj tIDam, be'pu' chaHmo'. mu'meyraj QoymeH joH'a' tIquvmoH; chaHvaD latlh yIn pung'a' lInwI' tIDam.
7. vers
tagha' rIchwInvam vIqon: qechmeyraj tIrapmoH. peboQchuq. pemuSHa'chuq. peSaHchuq. penguqHa''eghmoH.
8. vers
ta' mIgh boSIQDI', ta' mIgh yIta'Qo'. botIchlu'DI', petIchQo'. DopnIS vangmeH Ho'DoSraj: ta' mIgh boSIQDI', ta' mIgh turwI' yIquvmoH, quv bo'atmeH borItlu'ta'mo'.
9. vers
peqaw: «yIn SaHchugh 'ej QaQbogh jajmey law' SIQ neHchugh vay', mIghwI'vo' jatDaj HopnIStaH 'ej wuQDu'Daj jojvo' ghoS De' ngeb 'e' botnIS.
10. vers
ta' mIgh tIlon 'ej ta'mey QaQ tIturchoH. roj yInejtaH 'ej yIghoch.
11. vers
quvwI'pu' qIm joH'a' 'ej beychaj 'Ij. 'ach ta' mIgh turwI'pu' qaD joH'a'.»
12. vers
batlh SuvangmeH Suvawchugh, lI'oy'moH 'Iv?
13. vers
'a vabDot ta'mey quvmo' Subechchugh, SuquvtaH. «lIbuQchugh chaH, pebaw'Ha'Qo'. pejotHa'Qo'.»
14. vers
'ach yeSu'a QIStoS luvuvjaj tIqDu'raj.
15. vers
tulmeH meqraj Sov neHbogh vay'vaD pejangruptaH. 'a SujangDI', penaHHa''eghmoH 'ej ghelwI' yIvuv.
16. vers
vangmeH Ho'DoSraj SIghbogh QIStoS lutIch yuDwI'pu'. tuHmeH nuvpu'vetlh qa'meyraj tInItmoH.
17. vers
batlh SuvangtaHvIS Subech 'e' wuqchugh joH'a', nIv ghu'vam. batlhHa' SuvangtaHvIS Subech net jalchugh, QIv ghu'vam.
18. vers
yemmeymo' bechpu' je QIStoS 'e' yIqaw. quvHa'wI'pu'vaD bechta' quvwI'. joH'a'Daq nuqemmeH bechta'. Heghpu' porghDaj 'ach yIn qa'Daj.
19. vers
yInpu'DI', jaHpu' 'ej qa'pu' luweghlu'taHbogh Such. chaHvaD vep maq.
20. vers
ben law' no'aH bov lobHa'pu' qa'pu'vam, loSqu'taHvIS joH'a' 'ej bIQ Duj'a'Daj chenmoHtaHvIS no'aH. bIQ Duj'a'vamDaq chorgh nuvpu' neH lutoDlu' bIQmo'.
21. vers
'ej DaH lItoDbogh bIQ 'oS bIQvam'e'. porghvo' lam teqbe' neH. joH'a'vaD qa' nItmoHmeH 'Ip 'oS. lItoD bIQ, yInqa'ta'mo' yeSu'a QIStoS.
22. vers
QIStoS'e', chal'a' 'elta' 'ej joH'a' nIHDaq ba'. lulob HoSDo'pu', woQmey, HoSmey je.
Könyvek
