pe’tlhoS nav QIn wa’DIch
2. fejezet
1. vers
vaj pemIghHa''egh 'ej peyuqQo' 'ej petlhoch'eghQo' 'ej peghalQo' 'ej petIchQo'.
2. vers
ghupu' chu' tIDa; lInenmoHmeH toD'a'raj qa' nIm yIneHqu',
3. vers
joH'a' ta'mey QaQ boSIQpu'chugh.
4. vers
ghaH bocholtaHvIS yInbogh nagh tIrur. lIlajQo' jubbe'wI' 'a lIwIvta' joH'a' 'ej Sulo'laHqu' 'e' Dam ghaH—
5. vers
yInbogh tIrur. qa' chIrgh chenmoHlu'meH bolo'lu'. maqlegh 'ISletlh bomuv 'ej joH'a'vaD vanmey mIt bonob, yeSu'a QIStoSmo'.
6. vers
ghItlhmey quvDaq mu'meyvam tu'lu': «peqIm! tlhI'yon HuDDaq nagh lo'laH vIlanta'. qappam nagh lo'laHqu' 'oH 'ej not tuHchoH 'oH wuvbogh nuv'e'.
7. vers
HarwI'vaD lo'laHqu' naghvam. 'a HarQo'wI'vaD QInvam'e' qonlu'ta': «qappam nagh mojpu' nagh lulajHa'pu'bogh mutlhwI'pu'.»
8. vers
'ej QInvam qonlu'ta' je: «ghotpu' tangmoHbogh nagh'e', ghotpu' pummoHbogh nagh'e' je rur.» tang, QIn lulobHa'mo'—Sanna'chaj 'oH Sanvam'e'.
9. vers
'a nugh wIvlu'ta'bogh tlhIH. chuQun maqlegh 'ISletlh bomuvta'. nugh quv rewbe' tlhIH. joH'a' qengHoD lo'laHqu' tlhIn tlhIH. ghaH bonaDmeH QIbmeyvo' lIlelta' 'ej tamghayDaj DunDaq lIlanta'.
10. vers
ben law' nugh wIvlu'ta'bogh tlhIH 'a DaH joH'a' nugh tlhIH. ben law' pung boHevpu'be' 'a DaH pung boHevpu'.
11. vers
juppu'wI', SatungHa': «SuchtaHwI', novpu' je tlhIHtaHvIS qa'meyraj QojtaHbogh porgh yemmey'e' tI'om.
12. vers
ta'meyraj QaQ tu'meH batlh pevangtaH, HarQo'wI'pu' botlhejtaHvIS, vabDot lItIchchugh. vaj nuSuchDI' joH'a', ghaH lunaD.
13. vers
joH'a' bobelmoHmeH Hoch qo' woQ yIlob. voDleH woQ yIlob
14. vers
qoj qumwI'pu' tIlob. ta'mey mIgh turwI'pu' bIjmeH 'ej ta'mey quv turwI'pu' naDmeH chaH ngeHta' voDleH.
15. vers
DoghwI'pu' jIv botammoHmeH batlh Suvang neH joH'a'.
16. vers
petlhabtaH 'a ta' mIgh boSo'meH tlhabraj yIlo'Qo'; joH'a' toy'wI''a'pu' tIgheS.
17. vers
batlh Hoch yIvuv. HarwI'pu' 'ISletlh yImuSHa'. joH'a'vaD penguqHa''eghmoH. voDleH yIquvmoH.
18. vers
'o toy'wI'pu', pIn'a'pu'ra' tIlob, chaH bovuvtaHvIS. QaQwI'pu', naHHa'wI'pu' je neH tIlobQo'; qejwI'pu' tIlob je.
19. vers
quv bepmey mayHa' SIQwI', joH'a' qelmo' ghaH.
20. vers
'ach chay' SuboQ'egh, yemrajmo' bIj boSIQDI'? 'ach batlh Suvangmo' bIj boSIQ net jalchugh, quv ta'vam 'e' Dam joH'a'.
21. vers
ngoQvamvaD borItlu'ta', tlhIHvaD bechpu'mo' je QIStoS. ghaH boDameH ghantoH gheSta'.
22. vers
yempu'be' 'ej nujDajvo' ghoS pagh De' ngeb.»
23. vers
pe'vI tIchlu'DI', noDQo'. bechDI', buQQo'. ghaH rang noHwI' may 'e' chaw'.
24. vers
«yemmeymaj qengta'.» ta'vam turmeH me'cheDDaq porghDaj lo'ta'. maHvaD Heghpu'wI' Dam yem 'e' qaSmoHmeH 'ej quvvaD mayInmeH ta'vam turta' ghaH; «lIvorpu' HampongmeyDaj.»
25. vers
peqaw: «Daqchaj Sovbe'bogh DI'raq borur» 'ach DaH DI'raq jIHwI'—qa'meyraj 'avwI'—bocheghta'.
Könyvek
