pe’tlhoS nav QIn wa’DIch

Capitole:

1 2 3 4 5

versetul 1

vaj pemIghHa''egh 'ej peyuqQo' 'ej petlhoch'eghQo' 'ej peghalQo' 'ej petIchQo'.

versetul 2

ghupu' chu' tIDa; lInenmoHmeH toD'a'raj qa' nIm yIneHqu',

versetul 3

joH'a' ta'mey QaQ boSIQpu'chugh.

versetul 4

ghaH bocholtaHvIS yInbogh nagh tIrur. lIlajQo' jubbe'wI' 'a lIwIvta' joH'a' 'ej Sulo'laHqu' 'e' Dam ghaH—

versetul 5

yInbogh tIrur. qa' chIrgh chenmoHlu'meH bolo'lu'. maqlegh 'ISletlh bomuv 'ej joH'a'vaD vanmey mIt bonob, yeSu'a QIStoSmo'.

versetul 6

ghItlhmey quvDaq mu'meyvam tu'lu': «peqIm! tlhI'yon HuDDaq nagh lo'laH vIlanta'. qappam nagh lo'laHqu' 'oH 'ej not tuHchoH 'oH wuvbogh nuv'e'.

versetul 7

HarwI'vaD lo'laHqu' naghvam. 'a HarQo'wI'vaD QInvam'e' qonlu'ta': «qappam nagh mojpu' nagh lulajHa'pu'bogh mutlhwI'pu'.»

versetul 8

'ej QInvam qonlu'ta' je: «ghotpu' tangmoHbogh nagh'e', ghotpu' pummoHbogh nagh'e' je rur.» tang, QIn lulobHa'mo'—Sanna'chaj 'oH Sanvam'e'.

versetul 9

'a nugh wIvlu'ta'bogh tlhIH. chuQun maqlegh 'ISletlh bomuvta'. nugh quv rewbe' tlhIH. joH'a' qengHoD lo'laHqu' tlhIn tlhIH. ghaH bonaDmeH QIbmeyvo' lIlelta' 'ej tamghayDaj DunDaq lIlanta'.

versetul 10

ben law' nugh wIvlu'ta'bogh tlhIH 'a DaH joH'a' nugh tlhIH. ben law' pung boHevpu'be' 'a DaH pung boHevpu'.

versetul 11

juppu'wI', SatungHa': «SuchtaHwI', novpu' je tlhIHtaHvIS qa'meyraj QojtaHbogh porgh yemmey'e' tI'om.

versetul 12

ta'meyraj QaQ tu'meH batlh pevangtaH, HarQo'wI'pu' botlhejtaHvIS, vabDot lItIchchugh. vaj nuSuchDI' joH'a', ghaH lunaD.

versetul 13

joH'a' bobelmoHmeH Hoch qo' woQ yIlob. voDleH woQ yIlob

versetul 14

qoj qumwI'pu' tIlob. ta'mey mIgh turwI'pu' bIjmeH 'ej ta'mey quv turwI'pu' naDmeH chaH ngeHta' voDleH.

versetul 15

DoghwI'pu' jIv botammoHmeH batlh Suvang neH joH'a'.

versetul 16

petlhabtaH 'a ta' mIgh boSo'meH tlhabraj yIlo'Qo'; joH'a' toy'wI''a'pu' tIgheS.

versetul 17

batlh Hoch yIvuv. HarwI'pu' 'ISletlh yImuSHa'. joH'a'vaD penguqHa''eghmoH. voDleH yIquvmoH.

versetul 18

'o toy'wI'pu', pIn'a'pu'ra' tIlob, chaH bovuvtaHvIS. QaQwI'pu', naHHa'wI'pu' je neH tIlobQo'; qejwI'pu' tIlob je.

versetul 19

quv bepmey mayHa' SIQwI', joH'a' qelmo' ghaH.

versetul 20

'ach chay' SuboQ'egh, yemrajmo' bIj boSIQDI'? 'ach batlh Suvangmo' bIj boSIQ net jalchugh, quv ta'vam 'e' Dam joH'a'.

versetul 21

ngoQvamvaD borItlu'ta', tlhIHvaD bechpu'mo' je QIStoS. ghaH boDameH ghantoH gheSta'.

versetul 22

yempu'be' 'ej nujDajvo' ghoS pagh De' ngeb.»

versetul 23

pe'vI tIchlu'DI', noDQo'. bechDI', buQQo'. ghaH rang noHwI' may 'e' chaw'.

versetul 24

«yemmeymaj qengta'.» ta'vam turmeH me'cheDDaq porghDaj lo'ta'. maHvaD Heghpu'wI' Dam yem 'e' qaSmoHmeH 'ej quvvaD mayInmeH ta'vam turta' ghaH; «lIvorpu' HampongmeyDaj.»

versetul 25

peqaw: «Daqchaj Sovbe'bogh DI'raq borur» 'ach DaH DI'raq jIHwI'—qa'meyraj 'avwI'—bocheghta'.

Capitole:

1 2 3 4 5