pe’tlhoS nav QIn wa’DIch

Capitole:

1 2 3 4 5

versetul 1

vaj porghDaq bechta'mo' QIStoS, ngoQ rap yIbuS. yem 'e' mev vay', bechchugh porghDaj.

versetul 2

vaj jubbe'wI' tlhu'moHwI'vaD yInDaj SIQbe' vay'vetlh. joH'a' ngoQvaD yIn.

versetul 3

ret ta'mey'e' turbogh HarQo'wI' botur 'e' yIqaw—porgh yemmey boturta'. Suchech'eghmoHta'. SujeSta' qaStaHvIS ghanqu'. 'ej latmey bonaDqu'ta'.

versetul 4

SeH'eghbe'chu'taHvIS chaH bomuvQo'mo', bomer 'ej lIghongqu'taH.

versetul 5

'a yInwI'pu', Heghpu'wI'pu' noHrupwI'vaD QIj'egh.

versetul 6

meqvammo', vabDot Heghpu'wI'pu'vaD vep QaQ maqlu'ta'. porghchaj lunoHlu'meH jubbe'wI' chut'e' lulo'lu' 'ach qa'chaj yInmoH joH'a'.

versetul 7

tugh Dor Hoch. vaj peDugh'eghmoH 'ej peQubchu' joH'a'vaD SujatlhtaHvIS.

versetul 8

Dochvam yIqawqu': pemuSHa'qu'chuq, yemmey law' 'enmoHmo' muSHa'meH mIw.

versetul 9

peboQchuq Subepbe'taHvIS.

versetul 10

latlhpu' botoy'meH nobmeyraj le' boHevpu'bogh tIlob. joH'a' pung'a' Sarmey law' leHwI'pu' matlh tIgheS.

versetul 11

jatlhchugh vay', joH'a' mu'mey jatlhwI' Dajaj. toy'chugh vay', HoS'e' peSbogh joH'a' lo'jaj. vaj yeSu'a QIStoSmo' joH'a' naDlu'. Hochlogh ngay', HoS je, woQ je ghaj. qaSjaj.

versetul 12

juppu'wI', lImerbe'jaj Qugh boSIQbogh. qaSbe' wanI' Huj.

versetul 13

pelop, QIStoS bepmey boSIQmo' je. ngay'meyDaj 'anglu'ta'DI', SuQuchqu'chu'.

versetul 14

QIStoS pongmo' botIchlu'chugh, Suquv; lIDab ngay' qa''a'. lIDab joH'a' qa''a'.

versetul 15

Subechchugh, chotwI', nIHwI' joq, latlh HeSwI' joq, latlh SengwI' joq tIrurQo'.

versetul 16

'a QIStoS toy'wI' tlhIHmo' Subech net jalchugh, petuHQo'. joH'a' yInaD, tlhIHvaD QIStoS toy'wI' ponglu'mo'.

versetul 17

joH'a' juHDaq tagh yoj. joH'a' vep QaQ loblu'Qo'chugh, nuq SIQlu'?

versetul 18

'ej «Qatlhchugh quvwI' toDmeH mIw, nuq luSIQ quvHa'wI', yemwI' je?»

versetul 19

vaj joH'a' ngoQvaD bechchugh vay', chenmoHwI''a'chaj matlh lobnIStaH 'ej ta'mey QaQ turnIStaH vay'vetlh.

Capitole:

1 2 3 4 5