De’ QaQ’e’ ghItlhbogh yo’aneS

Capitole:

1 3

versetul 1

bI'reSDaq ghaHtaH mu''e' 'ej Qun'a' tlhejpu' mu' 'ej Qun'a' ghaH mu''e'.

versetul 2

bI'reSDaq Qun'a' tlhejpu'.

versetul 3

ghaHmo' chenpu' Hoch 'ej ghaH Hutlhchugh vay' chenpu'be'.

versetul 4

ghaHDaq 'oHtaH yIn'e' 'ej ghotpu' wovmoHwI' 'oH yIn'e'.

versetul 5

'ej HurghtaHghachDaq boch wovmoHwI' 'ej yajbe' HurghtaHghach.

versetul 6

Qun'a'vo' ngeHlu'pu'bogh ghot'e' tu'lu'. yo'aneS 'oH pongDaj'e'.

versetul 7

ghaHmo' voqmeH Hoch ghoS 'ej wovmoHwI' maq.

versetul 8

wovmoHwI' ghaHbe' 'ach wovmoHwI' maqmeH ghoS.

versetul 9

qo' 'ellI' wovna'moHwI' HochvaD wovmoHbogh.

versetul 10

qo'Daq ghaH 'ej ghaHmo' chenpu' qo' 'ach Sovpu'be' qo'.

versetul 11

chuDDaj ghoSpu' 'ej Hevpu'be' chuDDaj.

versetul 12

'ach Hevpu' 'op. HochvamvaD Qun'a' puqpu' mojmeH DIb nob.

versetul 13

'Iwvo' pagh neHmo' 'oynot pagh neHmo' loD boghbe' puqpu' 'ach Qun'a'vo' bogh.

versetul 14

'oynot moj mu' 'ej maH joj Dab. ngay'Daj wIleghpu'. vavvo' puqloD neH ngay' rur. lubuy'moH pung vItje.

versetul 15

maqtaHvIS yo'aneS jach: ghaH ghotvam'e' vIjatlhpu': vebwI'wI' HoS law' jIH Hos puS munungpu'mo'.

versetul 16

buy'Dajvo' pung law' wIHevpu' Hoch.

versetul 17

moySeSvo' noblu'pu'mo' chut. yeSuS 'IHrIStoSvo' ghoSpu' pung vItje.

versetul 18

not Qun'a' leghlu'pu'. 'angta' vav retlhDaq boghpu'bogh neH Qun'a''e'.

versetul 19

yo'aneS vep 'oH Dochvam'e'. yeruSalemvo' ghaHvaD maqleghpu' lewI' puqloDpu' je ngeHpu'DI' yuDay'anganpu' ghel: SoH 'Iv?

versetul 20

DIS 'ej tembe': 'IHrIStoS jiHbe'.

versetul 21

'ej ghel: vaj nuq? 'elI'ya SoH? jatlh: jIbe'. nemSovwI' SoH? jang: ghobe'.

versetul 22

ghIq ghaH jatlh: SoH 'Iv? ngeHwI'pu'majvaD jang wInobnIS. chay' bIngu''egh?

versetul 23

jatlh: DebDaq jachwI' ghogh jIH'e': joH'a' He yIwanmoH. Dochvam jatlh nemSovwI' yeSay'a.

versetul 24

parISay'oSpu'vo' ngeHlu'pu'.

versetul 25

ghel: qatlh bISay'moH 'IHrIStoS 'elI'ya nemSovwI' ghap SoHbe' net teHchugh?

versetul 26

jang yo'aneS: bIQDaq jISay'moHDI', 'ach tlhIH jojDaq boSovbe'bogh Qam ghot'e'.

versetul 27

vebwI'wI' waq tlhegh vIQeyHa'moHmeH jIqotlhHa'.

versetul 28

betanyaDaq yorDa'neS bIQtIQ Dop HopDaq qaStaH Dochmeyvam. pa' Say'moHtaH yo'aneS.

versetul 29

jaj veb ghoStaHvIS yeSuS legh. jatlh: pelegh Qun'a' mInHorHom, qo' yem nge'bogh!

versetul 30

ghaH ghotvam'e' vIjatlhpu'DI': vebwI'wI' HoS law' jIH Hos puS munungmo'.

versetul 31

vISovpu'be' 'ach ngoQvammo' jIghoS 'ej bIQDaq jISay'moH, 'ISra'elvaD 'angmoHlu'meH.

versetul 32

maq yo'aneS: chalvo' ghIr dove rurbogh qa''a' 'e' vIleghpu' 'ej ghaH DungDaq ratlh.

versetul 33

vISovpu'be' 'ach jatlh bIQDaq jISay'moHmeH ngeHwI'wI': vay' DungDaq ghIr 'ej ratlh qa''a' 'e' Daleghchugh, qa' quvDaq Say'moH ghaH.

versetul 34

Qun'a' puqloD ghaH ghotvam'e' vIleghpu' 'ej vImaqpu'.

versetul 35

jaj veb cha' vIlle'pu' tlhejvIS yo'aneS Qam.

versetul 36

yItvIS yeSuS legh 'ej jatlh: pelegh Qun'a' mInHorHom!

versetul 37

Dochvam jatlh 'e' Qoy cha' vIlle'pu' 'ej yeSuS tlha'.

versetul 38

tlhe' yeSuS 'ej tlha' chaH 'e' leghDI' jatlh: nuq bonej? 'ej jatlh: rabbI' (ghojmoHwI' mughlu'bogh) nuqDaq bIratlh?

versetul 39

jatlh: peghoS 'ej pelegh. ghIq ghoS 'ej DaqDaj legh 'ej qaStaHvIS jajvetlh DaqDajDaq ratlh cholmo' rep wa'maHDIch.

versetul 40

cha'Daq wa' ghaH SI'mon pe'tlhoS loDnI' 'antlhe'aS'e'. jatlh yo'aneS 'e' Qoy 'ej yeSuS tlha'.

versetul 41

wa'DIch SI'mon loDnI'Daj Sam 'ej jatlh: meSI'aH ('IHrIStoS mughlu'bogh) wISampu'.

versetul 42

yeSuSvaD qem. legh yeSuS 'ej jatlh: yo'aneS puqloD SI'mon SoH. DaHjajvo' qepaS 'oH ponglIj'e' (pe'tlhoS mughlu'bogh).

versetul 43

jaj veb ghalIla'ya jaHmeH wuq yeSuS. pI'lIpoS Sam 'ej jatlh: HItlha'.

versetul 44

'antlhe'aS pe'tlhoSje veng betlhSayDavo' ghaHtaH pI'lIpoS'e'.

versetul 45

natlhana'el Sam pI'lIpoS 'ej jatlh: moySeS chutDaq nemSovwI'pu'Daqje ghItlhlu'pu'bogh ghot'e' wISampu', jeSuS natlharenoS, yoSep puqloD.

versetul 46

jatlh natlhana'el: natlharetvo' ghoSlaH vay' QaQ'a'? jatlh pI'lIpoS: Ha', yIlegh!

versetul 47

ghoS natlhana'el 'e' legh yeSuS 'ej jatlh: pelegh, 'ISra'elnganna', ghaHDaq tojtaHghach tu'lu'be'.

versetul 48

jatlh natlhana'el: chay' choSov? jang yeSuS: DurI'pu'pa' pI'lIpoS, fig Sor bIngDaq bIQamvIS, qaleghpu'.

versetul 49

jang natlhana'el: rabbI', Qun'a' puqloD SoH, 'ISra'el ta' SoH!

versetul 50

jang yeSuS: fig Sor bIngDaq qaleghpu' 'e' qajatlhpu'mo', bIvoq? Dochmey wej Daleghbogh Dun law' Dochmeyvam Dun puS.

versetul 51

jatlh: vITna' vITna' Sajatlh: poS chal 'e' Dalegh nuv'a' DungDaq SaltaHvIS 'ej ghIrtaHvIS Qun'a' QumwI'pu'.

Capitole:

1 3