taDyoS nav QIn

versetul 1

qon taDyoS, yeSu'a QIStoS toy'wI' ya'qoboS loDnI' je. QInvam Hevjaj nuvpu''e' muSHa'bogh vav'a'. yeSu'a QIStoSvaD pollu'.

versetul 2

vey'jaj pungraj, rojraj 'ej SuSaHqu'jaj.

versetul 3

juppu'wI', toD'a' wIlInbogh bop QInwIj vIneHqu' 'ach nughDaj quv voqmoH joH'a' 'e' vIrIchnIS 'e' vIjem. SuvoqtaHmeH SatungHa'nIS 'e' vIjem.

versetul 4

qatlh? lImuvmo' nuvpu'. nuvpu'vam'e', ret law' luqIchlu'pu'. joH'a' lulobQo' chaH. batlhHa' Qunma' pung'a'vaD yemmeH chaw' luDam 'ej wa' pIn'a'ma', yeSu'a QIStoS joH, lutem.

versetul 5

wejHa' De'vam boSov 'a DaH tlhIHvaD vIqawmoH: maSIrvo' nughDaj toDta' joH'a' ghIq HarQo'wI'pu' Qaw'ta'.

versetul 6

'ej yerchaj tlhIn lulonDI' 'ej juHchaj tlhIn luDabHa'DI' 'op HoSDo'pu', Daq HurghDaq lanta'. chaH baghmeH ru'Ha'chu'bogh mIrmey lo'ta'. pa' noHmeH jajvaD chaH pollI'.

versetul 7

jaSHa' porgh yemmey Huj tIv SeDom, 'amogha je, bIH Dechbogh vengmey'e' je. gher'ID ghantoH lumoj; bIjchaj, ru'Ha'chu'bogh qul, luSIQ.

versetul 8

jaSHa' najtaHvIS porghmeychaj tlhIn watlhHa'moH quvHa'wI'pu'vam. woQ lulajQo' 'ej HoSDo'pu' tIch.

versetul 9

'a vabDot moSe porghvaD mIghwI''a' qaDta'DI' mIHayel, HoSDo'pu' pIn, tIchmo' ghaH qIch 'e' ngIlbe' 'ach jatlhpu' «Duqunjaj joH'a'!»

versetul 10

'a Hoch yajbe'bogh tIch nuvpu'vam 'ej chaH Qaw' Hoch'e' yajbe'bogh Dujchaj; meqbe'bogh Ha'DIbaHmey rur.

versetul 11

Do'Ha' chaH! Do'Ha', qa'yIn HeDaq ghoSmo' 'ej pe'vIl HuchvaD bIlyam Qagh tur; qaStaHvIS qo'raH Daw' Heghpu'.

versetul 12

nay'meyraj bolIntaHvIS, lImuv nuvpu'vam 'ej baw'Ha'be'. tlher'aq pegh rur. je''egh neH. chal bIQ luHutlhbogh 'engmey rur; chaH DuvmoH. por qImroq Sormey rur; naHmey Hutlh 'ej yavvo' 'oQqarchaj luluHlu'pu'—cha'logh Heghpu'.

versetul 13

bIQ'a' yu'eghmey ghan rur. qoDchajvo' ghoS quvHa'ghach tlhIn; 'o'nI' rur 'oH. ve'Ha'taHbogh Hovmey rur; Hochlogh logh Hurghqu' luS.

versetul 14

'ej 'aDam puq poH SochDIch chaH rIchpu' HenoH: «peqIm! ghoSlI' joH'a'! lutlhej SaD law' quvwI'pu'!»

versetul 15

Hoch noHmeH ghoSlI' 'ej Hoch quvHa'wI'pu' qIch, ta'meychaj quvHa'mo'. batlhHa' ta'meyvam turta' chaH. 'ej qIch joH'a', ghaH lutIchpu'mo' chaH.»

versetul 16

bepwI', pIchwI' je chaH nuvpu'vam'e'. Dochmey mIgh neHbogh wamlI' neH. mIy 'ej patlhchaj tlhIn DubmeH latlhpu' naDqu'.

versetul 17

'ach juppu'wI', mu'mey'e' jatlhpu'bogh yeSu'a QIStoS joH Duypu' tIqaw.

versetul 18

tlhIHvaD jatlhpu' «jajmey Qav SaH Dujchaj quvHa' pabbogh nguywI'pu'.»

versetul 19

lIwav ghotpu'vam. Dev qo' meq 'ej qa''a' luHutlh.

versetul 20

'a tlhIH'e', juppu'wI', batlh Suvoqqu'choHmeH qa''a' quvvaD pejatlh.

versetul 21

tlhIHvaD pungDaj, ru'Ha'chu'bogh yIn, nob yeSu'a QIStoS joH 'e' boloS. SuloStaHvIS, joH'a' yISaHchu'taH.

versetul 22

'ej HonwI'pu'vaD pung yI'agh.

versetul 23

latlhpu' tItoD; qulvo' tIluH. latlhpu'vaD pung yI'agh. quqtaHvIS wanI'vam, lIghIjjaj latlhpu'—vabDot Sut qalmoHbogh 'oynot yImuS.

versetul 24

tangbe'moHlaHtaHwI'lI''e', ghaH tlhopDaq ngay'Daj tlhopDaq lIQammoHlaH 'ej tlhIHvo' pIch teqlaH 'ej lIQuchmoHlaH.

versetul 25

toDwI''a'ma' ghaH joH'a''e', yeSu'a QIStoSmo'. ngay', nur quv, HoS woQ je ghajjaj. taghpa' poH qaSjaj! DaH qaSjaj! Hochlogh qaSjaj! qaSjaj.

Capitole:

1