taDyoS nav QIn

1. fejezet


1. vers

qon taDyoS, yeSu'a QIStoS toy'wI' ya'qoboS loDnI' je. QInvam Hevjaj nuvpu''e' muSHa'bogh vav'a'. yeSu'a QIStoSvaD pollu'.


2. vers

vey'jaj pungraj, rojraj 'ej SuSaHqu'jaj.


3. vers

juppu'wI', toD'a' wIlInbogh bop QInwIj vIneHqu' 'ach nughDaj quv voqmoH joH'a' 'e' vIrIchnIS 'e' vIjem. SuvoqtaHmeH SatungHa'nIS 'e' vIjem.


4. vers

qatlh? lImuvmo' nuvpu'. nuvpu'vam'e', ret law' luqIchlu'pu'. joH'a' lulobQo' chaH. batlhHa' Qunma' pung'a'vaD yemmeH chaw' luDam 'ej wa' pIn'a'ma', yeSu'a QIStoS joH, lutem.


5. vers

wejHa' De'vam boSov 'a DaH tlhIHvaD vIqawmoH: maSIrvo' nughDaj toDta' joH'a' ghIq HarQo'wI'pu' Qaw'ta'.


6. vers

'ej yerchaj tlhIn lulonDI' 'ej juHchaj tlhIn luDabHa'DI' 'op HoSDo'pu', Daq HurghDaq lanta'. chaH baghmeH ru'Ha'chu'bogh mIrmey lo'ta'. pa' noHmeH jajvaD chaH pollI'.


7. vers

jaSHa' porgh yemmey Huj tIv SeDom, 'amogha je, bIH Dechbogh vengmey'e' je. gher'ID ghantoH lumoj; bIjchaj, ru'Ha'chu'bogh qul, luSIQ.


8. vers

jaSHa' najtaHvIS porghmeychaj tlhIn watlhHa'moH quvHa'wI'pu'vam. woQ lulajQo' 'ej HoSDo'pu' tIch.


9. vers

'a vabDot moSe porghvaD mIghwI''a' qaDta'DI' mIHayel, HoSDo'pu' pIn, tIchmo' ghaH qIch 'e' ngIlbe' 'ach jatlhpu' «Duqunjaj joH'a'!»


10. vers

'a Hoch yajbe'bogh tIch nuvpu'vam 'ej chaH Qaw' Hoch'e' yajbe'bogh Dujchaj; meqbe'bogh Ha'DIbaHmey rur.


11. vers

Do'Ha' chaH! Do'Ha', qa'yIn HeDaq ghoSmo' 'ej pe'vIl HuchvaD bIlyam Qagh tur; qaStaHvIS qo'raH Daw' Heghpu'.


12. vers

nay'meyraj bolIntaHvIS, lImuv nuvpu'vam 'ej baw'Ha'be'. tlher'aq pegh rur. je''egh neH. chal bIQ luHutlhbogh 'engmey rur; chaH DuvmoH. por qImroq Sormey rur; naHmey Hutlh 'ej yavvo' 'oQqarchaj luluHlu'pu'—cha'logh Heghpu'.


13. vers

bIQ'a' yu'eghmey ghan rur. qoDchajvo' ghoS quvHa'ghach tlhIn; 'o'nI' rur 'oH. ve'Ha'taHbogh Hovmey rur; Hochlogh logh Hurghqu' luS.


14. vers

'ej 'aDam puq poH SochDIch chaH rIchpu' HenoH: «peqIm! ghoSlI' joH'a'! lutlhej SaD law' quvwI'pu'!»


15. vers

Hoch noHmeH ghoSlI' 'ej Hoch quvHa'wI'pu' qIch, ta'meychaj quvHa'mo'. batlhHa' ta'meyvam turta' chaH. 'ej qIch joH'a', ghaH lutIchpu'mo' chaH.»


16. vers

bepwI', pIchwI' je chaH nuvpu'vam'e'. Dochmey mIgh neHbogh wamlI' neH. mIy 'ej patlhchaj tlhIn DubmeH latlhpu' naDqu'.


17. vers

'ach juppu'wI', mu'mey'e' jatlhpu'bogh yeSu'a QIStoS joH Duypu' tIqaw.


18. vers

tlhIHvaD jatlhpu' «jajmey Qav SaH Dujchaj quvHa' pabbogh nguywI'pu'.»


19. vers

lIwav ghotpu'vam. Dev qo' meq 'ej qa''a' luHutlh.


20. vers

'a tlhIH'e', juppu'wI', batlh Suvoqqu'choHmeH qa''a' quvvaD pejatlh.


21. vers

tlhIHvaD pungDaj, ru'Ha'chu'bogh yIn, nob yeSu'a QIStoS joH 'e' boloS. SuloStaHvIS, joH'a' yISaHchu'taH.


22. vers

'ej HonwI'pu'vaD pung yI'agh.


23. vers

latlhpu' tItoD; qulvo' tIluH. latlhpu'vaD pung yI'agh. quqtaHvIS wanI'vam, lIghIjjaj latlhpu'—vabDot Sut qalmoHbogh 'oynot yImuS.


24. vers

tangbe'moHlaHtaHwI'lI''e', ghaH tlhopDaq ngay'Daj tlhopDaq lIQammoHlaH 'ej tlhIHvo' pIch teqlaH 'ej lIQuchmoHlaH.


25. vers

toDwI''a'ma' ghaH joH'a''e', yeSu'a QIStoSmo'. ngay', nur quv, HoS woQ je ghajjaj. taghpa' poH qaSjaj! DaH qaSjaj! Hochlogh qaSjaj! qaSjaj.

Fejezetek:


Könyvek