rut
1. fejezet
1. vers
che'taHvIS noHwI''a'pu', SepDaq vey'Ha'choH Soj. yeHu'Daya'Daq betlhe'Hem Dabbogh loD tu'lu'. mo'av leng 'ej pa' ratlh qaStaHvIS poH ngaj 'e' wuq. be'nalDaj, puqloDpu'Daj je qemta' je.
2. vers
'elImeleH 'oH loDvetlh pong'e' 'ej nayo'mI' 'oH be'nalDaj pong'e' 'ej maHlon qIlyon je bIH puqloDpu'Daj pongmey'e'. yeHu'Daya'Daq betlhe'Hem luDabbogh 'evra'yIm tuqnIghpu' chaH. 'ej mo'av Sep lujaH 'ej pa' ratlhpu'.
3. vers
'ej Heghpu' 'elImeleH, nayo'mI' loDnal. ratlh nayo'mI', cha' puqloDpu' je.
4. vers
'ej mo'avnganpu' Sawpu' puqloDpu'. 'orpa' 'oH wa' pong'e' 'ej rut 'oH cha'DIch pong'e'. 'ej pa' ratlh qaStaHvIS wa'maH DIS.
5. vers
'ej Heghpu' je maHlon qIlyon je. vaj loDnalDaj, puqloDpu'Daj je weSpu' be'.
6. vers
nughDaj QorghmeH chaHvaD tIr ngogh nobchoH joH'a' 'e' ghojmo' nayo'mI', mo'avvo' cheghmeH lengrupchoH ghaH, puqloDpu'Daj be'nalpu' je.
7. vers
vaj Daq'e' Dabpu'bogh ghaH lutlheDta' ghaH, puqloDpu'Daj be'nalpu' je 'ej yeHu'Daya' ghoSbogh tawDaq lengchoH.
8. vers
ghIq puqloDpu'Daj be'nalpu'vaD jatlh «tlhIH'e', SoSpu'ra' juHmey tIchegh. Heghpu'wI'vaD, jIHvaD je SunaHHa'pu'; jaSHa' tlhIHvaD naHHa'jaj joH'a'.
9. vers
lulIghmeyraj moj loDnalpu' chu' juHmey 'e' chaw'jaj joH'a'.» 'ej chaH choppu' 'ej nItebHa' SaQpu' chaH chuStaHvIS.
10. vers
'ej ghaHvaD jatlhpu' chaH «nughlIj DacheghtaHvIS pItlhejbej.»
11. vers
'ach jatlhpu' nayo'mI' «pechegh, puqbe'pu'wI'. qatlh tutlhej? chorwIjDaq loDnalpu'ra' chaHlaHbogh latlh puqloDpu''e' lutu'lu''a'?
12. vers
pechegh. pejaH, tlhoy jIqanmo'; latlh loDnal vISuqlaHbe'. jItultaH net jalchugh 'ej ramvam loD vInaylaH net jalchugh je 'ej latlh puqloDpu' vIboghmoHlaH net jalchugh je,
13. vers
nen puqloDpu'vetlh 'e' boloSqang'a'? chaHvaD pagh latlh bonayqang'a'? Qo', puqbe'pu'wI'. muqaD joH'a' ghop; jI'IQqu' lIbechmoHmo' wanI'vam.
14. vers
'ej jach chaH SaQqa'taHvIS. loDnalDaj SoS vanmeH ghaH choppu' 'orpa' 'ach mejQo'pu' rut.
15. vers
'ej jatlhpu' nayo'mI' «yIqIm! nughDaj, QunDaj je cheghchoH loDnallI' loDnI' be'nal. yItlhej.»
16. vers
'ach jangpu' rut; jatlhpu' «qamej qoj qatlha'Ha' 'e' yIra'Qo'. ghochwIj 'oH ghochlIj'e'. nughwIj 'oH nughlIj'e'. Qun'a'wI' ghaH Qun'a'lI''e'.
17. vers
HeghmeH DaqwIj 'oH HeghmeH DaqlIj'e' 'ej pa' vImollu'. yItlhtaHvIS muDIghjaj joH'a', nuchevchugh Hegh 'oHbe'bogh vay''e'.
18. vers
tlhej 'e' Hechqu' rut 'e' tlhojDI' nayo'mI', mej 'e' ra' 'e' mev.
19. vers
vaj jaHpu' cha'; betlhe'Hem lupawta'. 'ej betlhe'Hem lupawta'DI', Seyqu' veng Hoch cha'vammo'. 'ej jatlhpu' Hoch be'pu' «nayo'mI' ghaH'a' be'vam'e'?»
20. vers
'ach chaHvaD jatlhpu' nayo'mI' «nayo'mI' HIpongQo'; mara HIpong, yInwIj wIbqu'moHpu'mo' joH'a'.
21. vers
jImejDI' jIbuy' 'ach DaH jIchIm. juHwIjDaq muqemta' joH'a'. qatlh nayo'mI' tupong? mu'ompu' joH'a' 'ej mubechmoHpu' HoSghajwI''a'.»
22. vers
vaj mo'avvo' cheghta' nayo'mI' tlhejtaHvIS rut—mo'avngan, puqloDDaj be'nalDaj je. betlhe'Hem lupawta'DI', barlI' tIr yobchoHlu'.
Könyvek
