pe’tlhoS nav QIn wa’DIch

Capitole:

1 2 3 4 5

versetul 1

be'nalpu', jaSHa' loDnalpu'ra' tIlob. QIn'a' luHarQo'chugh, chaq HarchoHmoH vangmeH Ho'DoSraj; mu'meyraj qa'.

versetul 2

Suwatlh 'ej Suvuv 'e' lutu'bej. mayqarmey, qol'om, paHmey joq neH bIHbe'jaj DI'onmeyraj 'IH'e'.

versetul 3

'a DI'onmey raj 'IH bIHjaj tIq qoDraj'e'. naHHa'bogh qa' tam 'oH DI'on 'IH mung'e' 'ej lolaHqu' Dochvam 'e' Dam joH'a'.

versetul 4

peqaw: pa'logh jaSHa' tuQ'eghmoH joH'a' voqtaHbogh be'pu' quv'e'. loDnalpu'chaj tlhIn lob.

versetul 5

jaSHa' 'avraHam lob Sara 'ej ghaHvaD joH pong. puqbe'pu'Daj bomojpu', pe'vIl batlh Suvangchugh.

versetul 6

loDnalpu', jaSHa' be'nalpu'ra'vaD penaHHa''eghmoH; chaHvaD qoch puj tIDam, be'pu' chaHmo'. mu'meyraj QoymeH joH'a' tIquvmoH; chaHvaD latlh yIn pung'a' lInwI' tIDam.

versetul 7

tagha' rIchwInvam vIqon: qechmeyraj tIrapmoH. peboQchuq. pemuSHa'chuq. peSaHchuq. penguqHa''eghmoH.

versetul 8

ta' mIgh boSIQDI', ta' mIgh yIta'Qo'. botIchlu'DI', petIchQo'. DopnIS vangmeH Ho'DoSraj: ta' mIgh boSIQDI', ta' mIgh turwI' yIquvmoH, quv bo'atmeH borItlu'ta'mo'.

versetul 9

peqaw: «yIn SaHchugh 'ej QaQbogh jajmey law' SIQ neHchugh vay', mIghwI'vo' jatDaj HopnIStaH 'ej wuQDu'Daj jojvo' ghoS De' ngeb 'e' botnIS.

versetul 10

ta' mIgh tIlon 'ej ta'mey QaQ tIturchoH. roj yInejtaH 'ej yIghoch.

versetul 11

quvwI'pu' qIm joH'a' 'ej beychaj 'Ij. 'ach ta' mIgh turwI'pu' qaD joH'a'.»

versetul 12

batlh SuvangmeH Suvawchugh, lI'oy'moH 'Iv?

versetul 13

'a vabDot ta'mey quvmo' Subechchugh, SuquvtaH. «lIbuQchugh chaH, pebaw'Ha'Qo'. pejotHa'Qo'.»

versetul 14

'ach yeSu'a QIStoS luvuvjaj tIqDu'raj.

versetul 15

tulmeH meqraj Sov neHbogh vay'vaD pejangruptaH. 'a SujangDI', penaHHa''eghmoH 'ej ghelwI' yIvuv.

versetul 16

vangmeH Ho'DoSraj SIghbogh QIStoS lutIch yuDwI'pu'. tuHmeH nuvpu'vetlh qa'meyraj tInItmoH.

versetul 17

batlh SuvangtaHvIS Subech 'e' wuqchugh joH'a', nIv ghu'vam. batlhHa' SuvangtaHvIS Subech net jalchugh, QIv ghu'vam.

versetul 18

yemmeymo' bechpu' je QIStoS 'e' yIqaw. quvHa'wI'pu'vaD bechta' quvwI'. joH'a'Daq nuqemmeH bechta'. Heghpu' porghDaj 'ach yIn qa'Daj.

versetul 19

yInpu'DI', jaHpu' 'ej qa'pu' luweghlu'taHbogh Such. chaHvaD vep maq.

versetul 20

ben law' no'aH bov lobHa'pu' qa'pu'vam, loSqu'taHvIS joH'a' 'ej bIQ Duj'a'Daj chenmoHtaHvIS no'aH. bIQ Duj'a'vamDaq chorgh nuvpu' neH lutoDlu' bIQmo'.

versetul 21

'ej DaH lItoDbogh bIQ 'oS bIQvam'e'. porghvo' lam teqbe' neH. joH'a'vaD qa' nItmoHmeH 'Ip 'oS. lItoD bIQ, yInqa'ta'mo' yeSu'a QIStoS.

versetul 22

QIStoS'e', chal'a' 'elta' 'ej joH'a' nIHDaq ba'. lulob HoSDo'pu', woQmey, HoSmey je.

Capitole:

1 2 3 4 5