pe’tlhoS nav QIn wa’DIch

chapter 3


Chapters:

1 2 3 4 5


verse #1

be'nalpu', jaSHa' loDnalpu'ra' tIlob. QIn'a' luHarQo'chugh, chaq HarchoHmoH vangmeH Ho'DoSraj; mu'meyraj qa'.


verse #2

Suwatlh 'ej Suvuv 'e' lutu'bej. mayqarmey, qol'om, paHmey joq neH bIHbe'jaj DI'onmeyraj 'IH'e'.


verse #3

'a DI'onmey raj 'IH bIHjaj tIq qoDraj'e'. naHHa'bogh qa' tam 'oH DI'on 'IH mung'e' 'ej lolaHqu' Dochvam 'e' Dam joH'a'.


verse #4

peqaw: pa'logh jaSHa' tuQ'eghmoH joH'a' voqtaHbogh be'pu' quv'e'. loDnalpu'chaj tlhIn lob.


verse #5

jaSHa' 'avraHam lob Sara 'ej ghaHvaD joH pong. puqbe'pu'Daj bomojpu', pe'vIl batlh Suvangchugh.


verse #6

loDnalpu', jaSHa' be'nalpu'ra'vaD penaHHa''eghmoH; chaHvaD qoch puj tIDam, be'pu' chaHmo'. mu'meyraj QoymeH joH'a' tIquvmoH; chaHvaD latlh yIn pung'a' lInwI' tIDam.


verse #7

tagha' rIchwInvam vIqon: qechmeyraj tIrapmoH. peboQchuq. pemuSHa'chuq. peSaHchuq. penguqHa''eghmoH.


verse #8

ta' mIgh boSIQDI', ta' mIgh yIta'Qo'. botIchlu'DI', petIchQo'. DopnIS vangmeH Ho'DoSraj: ta' mIgh boSIQDI', ta' mIgh turwI' yIquvmoH, quv bo'atmeH borItlu'ta'mo'.


verse #9

peqaw: «yIn SaHchugh 'ej QaQbogh jajmey law' SIQ neHchugh vay', mIghwI'vo' jatDaj HopnIStaH 'ej wuQDu'Daj jojvo' ghoS De' ngeb 'e' botnIS.


verse #10

ta' mIgh tIlon 'ej ta'mey QaQ tIturchoH. roj yInejtaH 'ej yIghoch.


verse #11

quvwI'pu' qIm joH'a' 'ej beychaj 'Ij. 'ach ta' mIgh turwI'pu' qaD joH'a'.»


verse #12

batlh SuvangmeH Suvawchugh, lI'oy'moH 'Iv?


verse #13

'a vabDot ta'mey quvmo' Subechchugh, SuquvtaH. «lIbuQchugh chaH, pebaw'Ha'Qo'. pejotHa'Qo'.»


verse #14

'ach yeSu'a QIStoS luvuvjaj tIqDu'raj.


verse #15

tulmeH meqraj Sov neHbogh vay'vaD pejangruptaH. 'a SujangDI', penaHHa''eghmoH 'ej ghelwI' yIvuv.


verse #16

vangmeH Ho'DoSraj SIghbogh QIStoS lutIch yuDwI'pu'. tuHmeH nuvpu'vetlh qa'meyraj tInItmoH.


verse #17

batlh SuvangtaHvIS Subech 'e' wuqchugh joH'a', nIv ghu'vam. batlhHa' SuvangtaHvIS Subech net jalchugh, QIv ghu'vam.


verse #18

yemmeymo' bechpu' je QIStoS 'e' yIqaw. quvHa'wI'pu'vaD bechta' quvwI'. joH'a'Daq nuqemmeH bechta'. Heghpu' porghDaj 'ach yIn qa'Daj.


verse #19

yInpu'DI', jaHpu' 'ej qa'pu' luweghlu'taHbogh Such. chaHvaD vep maq.


verse #20

ben law' no'aH bov lobHa'pu' qa'pu'vam, loSqu'taHvIS joH'a' 'ej bIQ Duj'a'Daj chenmoHtaHvIS no'aH. bIQ Duj'a'vamDaq chorgh nuvpu' neH lutoDlu' bIQmo'.


verse #21

'ej DaH lItoDbogh bIQ 'oS bIQvam'e'. porghvo' lam teqbe' neH. joH'a'vaD qa' nItmoHmeH 'Ip 'oS. lItoD bIQ, yInqa'ta'mo' yeSu'a QIStoS.


verse #22

QIStoS'e', chal'a' 'elta' 'ej joH'a' nIHDaq ba'. lulob HoSDo'pu', woQmey, HoSmey je.

Chapters:


Books