pe’tlhoS nav QIn wa’DIch

Chapters:

1 2 3 4 5

verse #1

pe'tlhoS, yeSu'a QIStoS Duy, jIH. pontoS, ghalatIya', qappaDoqya', 'aSya', bItnIya' je Dabbogh novpu' rurwI'vaD QInvam vIngeH. ghotpu'vam wIvta' joH'a'.

verse #2

chaH wIvmeH leSSovDaj lo' joH'a' 'ej yeSu'a QIStoSvaD chaH matlhmoHmeH quvmoHbogh qa''a' ta'mey lo'. nachDu'chajDaq QIStoS 'Iw ghaypu': pung'a', roj je boSIQqu'jaj.

verse #3

joH'a', yeSu'a QIStoS vav'a', naDlu'jaj. pung'a'Dajmo' nuboghqa'moHta' 'ej nutulqa'moHchu'meH yeSu'a QIStoS HeghHa'moHta'

verse #4

'ej maHvaD qengHoD 'atmoH. not ragh qengHoDvam. not nItHa'choH. not ngab. chal'a'Daq tlhIHvaD 'oH pollu'lI'.

verse #5

tlhIHvaD pollu'lI', Suvoqmo'. lIyoD joH'a' HoS 'ej bov Qav tlhIHvaD toD'a'Daj 'ang.

verse #6

Hochvammo' Sulopqu' 'a DaH chaq qaDmey Sarmo' SubechnIS.

verse #7

SuHarbej 'e' botobmeH qaDmey boSIQ—HarmeH laH lo'laH law' qol'om lo'laH puS. qol'om'e', nItmoH qul 'a ngablaH—bonaDlu' 'ej ngay' boSuq 'ej boquvmoHlu' 'ang'eghDI' yeSu'a QIStoS.

verse #8

ghaH boleghpu'be' 'a bomuSHa'; vabDot DaH boleghbe' 'a bovoq 'ej SuQuchqu'chu'.

verse #9

HartaHghachraj gher'ID boSIQ: qa'meyraj toD'a'.

verse #10

pung'a' boHevpu'bogh lurIchta' joH'a' Duypu'. toD'a'vam'e' lupaQqu'ta' je.

verse #11

toDwI''a' bepmey, cho'bogh ngay' 'aqta' QIStoS qa''a'; Dochmeyvam rarbogh poH, wanI' je yaj 'e' lunID Duypu'.

verse #12

lItoy' chaH; toy''egh 'e' qa' chaHvaD 'e' 'anglu', Dochmey 'otHa'bogh vep QaQ jatlhta'DI'. tlhIHvaD vepvam QaQ ja' qa''a' quv 'ej qa''a' quv'e', chalvo' ngeHlu'ta'. vabDot Dochmeyvam leghmeH boH HoSDo'pu'.

verse #13

vaj yabDu'raj tIghuHmoH 'ej qa'meyraj tIjotmoH. paw'ta'DI' yeSu'a QIStoS, pung'a' qemta'; pung'a'vammo' petul.

verse #14

lobbogh puqpu' tIDa. SujIvtaHvIS lIDev tlhu'moHwI'mey mIgh; DaH lIDev tlhu'moHwI'meyvetlh 'e' yIchaw'Qo'.

verse #15

quv rItwI'ra'; jaSHa' pequv'eghmoH.

verse #16

mu'meyvam lughItlhlu'ta': «pequv'eghmoH jIquvmo' jIH.»

verse #17

vav'a'vaD Sujatlh 'ej maychu'taHvIS ngIq ta'mey noH ghaH vaj qo'Daq tlhIHtaHvIS, batlh yIvuv.

verse #18

no'ra'vo' yInmeH Ho'DoS bo'at 'ej yInmeH Ho'DoSvetlh qeyvo' botoDlu'meH qol'om, SIrlIy, latlh ru'wI'mey je lulo'lu'pu'be' 'e' boSov.

verse #19

lItoDmeH 'IwDaj lo'laHqu' lo'ta' QIStoS—Duy', 'oDtu' je Hutlhbogh DI'raq puq'e' rur.

verse #20

chenpa' qo', wIvlu'ta' 'a qen tlhIHvaD narghta'.

verse #21

ghaHmo' joH'a' bovoq. QIStoS HeghHa'moHta' ghaH 'ej QIStoSvaD ngay' nobta' ghaH. 'ej vaj joH'a' bovoq 'ej lItulmoH joH'a'.

verse #22

vIt bolobta'mo', SuSaHchuqchu'meH Suwatlh'eghmoHta'. SumuSHa'qu'chuqmeH tIqDu'raj bolo'.

verse #23

Suboghqa'pu' 'e' yIqaw. lIboghqa'moHta' joH'a' QIn ru'Ha'; qaytu' ru'Ha' qa'.

verse #24

peqaw: «magh lurur Hoch ghotpu' 'ej yotlh 'InSongmey rur ngay'chaj; QaDchoH magh 'ej pum 'InSongmey

verse #25

'a Hochlogh taHtaH joH'a' QIn.» 'ej tlhIHvaD QInvam maqlu'ta'.

Chapters:

1 2 3 4 5