pe’tlhoS nav QIn wa’DIch
capítulo 1
verso 1
pe'tlhoS, yeSu'a QIStoS Duy, jIH. pontoS, ghalatIya', qappaDoqya', 'aSya', bItnIya' je Dabbogh novpu' rurwI'vaD QInvam vIngeH. ghotpu'vam wIvta' joH'a'.
verso 2
chaH wIvmeH leSSovDaj lo' joH'a' 'ej yeSu'a QIStoSvaD chaH matlhmoHmeH quvmoHbogh qa''a' ta'mey lo'. nachDu'chajDaq QIStoS 'Iw ghaypu': pung'a', roj je boSIQqu'jaj.
verso 3
joH'a', yeSu'a QIStoS vav'a', naDlu'jaj. pung'a'Dajmo' nuboghqa'moHta' 'ej nutulqa'moHchu'meH yeSu'a QIStoS HeghHa'moHta'
verso 4
'ej maHvaD qengHoD 'atmoH. not ragh qengHoDvam. not nItHa'choH. not ngab. chal'a'Daq tlhIHvaD 'oH pollu'lI'.
verso 5
tlhIHvaD pollu'lI', Suvoqmo'. lIyoD joH'a' HoS 'ej bov Qav tlhIHvaD toD'a'Daj 'ang.
verso 6
Hochvammo' Sulopqu' 'a DaH chaq qaDmey Sarmo' SubechnIS.
verso 7
SuHarbej 'e' botobmeH qaDmey boSIQ—HarmeH laH lo'laH law' qol'om lo'laH puS. qol'om'e', nItmoH qul 'a ngablaH—bonaDlu' 'ej ngay' boSuq 'ej boquvmoHlu' 'ang'eghDI' yeSu'a QIStoS.
verso 8
ghaH boleghpu'be' 'a bomuSHa'; vabDot DaH boleghbe' 'a bovoq 'ej SuQuchqu'chu'.
verso 9
HartaHghachraj gher'ID boSIQ: qa'meyraj toD'a'.
verso 10
pung'a' boHevpu'bogh lurIchta' joH'a' Duypu'. toD'a'vam'e' lupaQqu'ta' je.
verso 11
toDwI''a' bepmey, cho'bogh ngay' 'aqta' QIStoS qa''a'; Dochmeyvam rarbogh poH, wanI' je yaj 'e' lunID Duypu'.
verso 12
lItoy' chaH; toy''egh 'e' qa' chaHvaD 'e' 'anglu', Dochmey 'otHa'bogh vep QaQ jatlhta'DI'. tlhIHvaD vepvam QaQ ja' qa''a' quv 'ej qa''a' quv'e', chalvo' ngeHlu'ta'. vabDot Dochmeyvam leghmeH boH HoSDo'pu'.
verso 13
vaj yabDu'raj tIghuHmoH 'ej qa'meyraj tIjotmoH. paw'ta'DI' yeSu'a QIStoS, pung'a' qemta'; pung'a'vammo' petul.
verso 14
lobbogh puqpu' tIDa. SujIvtaHvIS lIDev tlhu'moHwI'mey mIgh; DaH lIDev tlhu'moHwI'meyvetlh 'e' yIchaw'Qo'.
verso 15
quv rItwI'ra'; jaSHa' pequv'eghmoH.
verso 16
mu'meyvam lughItlhlu'ta': «pequv'eghmoH jIquvmo' jIH.»
verso 17
vav'a'vaD Sujatlh 'ej maychu'taHvIS ngIq ta'mey noH ghaH vaj qo'Daq tlhIHtaHvIS, batlh yIvuv.
verso 18
no'ra'vo' yInmeH Ho'DoS bo'at 'ej yInmeH Ho'DoSvetlh qeyvo' botoDlu'meH qol'om, SIrlIy, latlh ru'wI'mey je lulo'lu'pu'be' 'e' boSov.
verso 19
lItoDmeH 'IwDaj lo'laHqu' lo'ta' QIStoS—Duy', 'oDtu' je Hutlhbogh DI'raq puq'e' rur.
verso 20
chenpa' qo', wIvlu'ta' 'a qen tlhIHvaD narghta'.
verso 21
ghaHmo' joH'a' bovoq. QIStoS HeghHa'moHta' ghaH 'ej QIStoSvaD ngay' nobta' ghaH. 'ej vaj joH'a' bovoq 'ej lItulmoH joH'a'.
verso 22
vIt bolobta'mo', SuSaHchuqchu'meH Suwatlh'eghmoHta'. SumuSHa'qu'chuqmeH tIqDu'raj bolo'.
verso 23
Suboghqa'pu' 'e' yIqaw. lIboghqa'moHta' joH'a' QIn ru'Ha'; qaytu' ru'Ha' qa'.
verso 24
peqaw: «magh lurur Hoch ghotpu' 'ej yotlh 'InSongmey rur ngay'chaj; QaDchoH magh 'ej pum 'InSongmey
verso 25
'a Hochlogh taHtaH joH'a' QIn.» 'ej tlhIHvaD QInvam maqlu'ta'.
Libros
