pe’tlhoS nav QIn cha’DIch

capítulo 1


Capítulos:

1 2 3


verso 1

SI'mon pe'tlhoS—toy'wI', yeSu'a QIStoS Duy je—jIH. nuvoqmoHta' joH'a'. nuvoqmoHta' je yeSu'a QIStoS, toDwI''a'ma'. nobvam wIQejqu'. nobvam lulInbogh ghotpu'vaD QInvam vIngeH:


verso 2

tlhIHvaD pung'a' law', roj law' je nobjaj joH'a', yeSu'a QIStoS joH je.


verso 3

Hoch wIpoQbogh nobpu' HoSDaj ngar 'ej yInmey quv SIQmeH yap Hochvetlh, ghaH wISovmo'. wISovmeH nurIt 'ej wISov, ngay'Dajmo' ta'meyDaj povmo' je.


verso 4

batlh maHvaD lay'meH Dochmeyvam lo'ta'. DI'ruj ngar wIlInchoHlaH 'e' qaSmoH. maqal 'e' wImev 'ej nuSIghHa'choH qo'mey tlhu'moHwI'mey mIgh.


verso 5

meqvammo', peHar 'ej HartaHghachrajDaq ghob QaQ yIchel. 'ej ghobraj QaQDaq Sov yIchel.


verso 6

'ej SovrajDaq Sun yIchel. 'ej SunrajDaq taHmeH laH yIchel. 'ej taHmeH laHrajDaq batlh yIchel.


verso 7

'ej batlhrajDaq muSHa'chuqghach yIchel. 'ej muSHa'chuqghachrajDaq muSHa'meH mIw yIchel.


verso 8

DI'onmeyvam bochIwchugh 'ej ghurtaHchugh DI'onmeyvam, SulI'Ha'be' 'ej SuvaQHa'be', yeSu'a QIStoS joH boSovtaHvIS.


verso 9

'a DI'onmeyvam Hutlhchugh vay', leghlaHbe'chu' pagh SumwI' neH leghlaH. yemmeyDajmo' bIjlu'be'meH Say'moHlu'ta' 'e' lIj.


verso 10

vaj, vInDa'pu'wI', borItlu'ta' 'ej bowIvlu'ta' 'e' yIwoq; yInIDqu'. DI'onmeyvam bochIwchugh, not Sutang


verso 11

'ej pe'vIl ru'Ha'chu'bogh wo'DajDaq lIma' yeSu'a QIStoS—joHma', toDwI''a'ma' je.


verso 12

vaj reH tlhIHvaD Dochmeyvam vIqawmoHtaH, vabDot bIH boSovchugh 'ej wejHa' Sucher'eghmeH vIt boyajbogh bolo'chugh.


verso 13

jo'ley' rurbogh porghvam'e' vIDabtaHvIS, waSHa' qawmoHmeH mIwvam 'e' vIDam.


verso 14

tugh porghvam vIlon 'e' vISovmo'. ngoDvam vIyaj 'e' qaSmoH yeSu'a QIStoS, joHma'.


verso 15

jItlheDpu'DI' reH Dochmeyvam boqawlaHtaH 'e' vIwoq 'e' vInIDqu'chu'.


verso 16

lutmey 'ong DI'oghta'be', pe'vIl paw yeSu'a QIStoS joH pIja'DI'. 'a ngay'Daj jantor maH.


verso 17

vav'a'vo' quv, ngay' je Hevpu', ngay' Dunvo' ghoSDI' ghogh 'ej jatlhDI' ghoghvetlh «puqloDwI' vISaHchu'bogh ghaHbej; mubelqu'moH.»


verso 18

chal'a'vo' ghoS ghogh 'e' wIQoypu', HuD quvDaq QIStoS wItlhejtaHvIS.


verso 19

vaj joH'a' Duypu' QIn wIvoqqu'laH 'ej QInvam boqImmo', Suchul. Daq Hurgh wovmoHbogh Sech'e' rur. yIqImtaH 'e' yImevQo' qaSpa' jajlo' 'ej tIqrajDaq Salpa' po Hov.


verso 20

'a ngoDvam yISovbej: ghItlhmey quvDaq vuDmeyDaj tlhIn qonta' pagh joH'a' Duy.


verso 21

jubbe'wI' ngoQ 'oH be' 'aqmeH mIw mung'e'. jubbe' joH'a' Duypu''e' 'a Duypu'Daj jatlhmoHta' joH'a' 'ej chaH DevmeH qa''a' quv lo'ta'.

Capítulos:


Libros