pe’tlhoS nav QIn cha’DIch
capítulo 2
verso 1
ghotpu'vaD much'egh joH'a' Duypu' ngeb. jaSHa' tlhIHvaD much'egh joH'a' Duypu' ngeb. tlhIHvaD vuyHa' paQDI'norgh ngeb much, ngoQna'chaj peghtaHvIS 'ej vabDot chaH je'ta'bogh pIn'a'chaj'e' lutemtaHvIS vaj nom Qaw''egh chaH.
verso 2
'ej batlhHa' chaH Da ghotpu' law' 'ej vIt He vuvHa'lu' ghotpu'vetlh.
verso 3
'e 3'ej qurmo' lIghongmeH lutmey ngeb 'ogh chaH. ret law' luqIchlu'ta' 'ej luQaw'lu'bej.
verso 4
yempu'DI' HoSDo'pu' bIjHa'Qo' joH'a' 'ej ghe'benHInomDaq chaH ngeHta'. wutlh pa'mey HurghDaq chaH baghta' 'ej pa' yojvaD pollI'.
verso 5
qo' tIQ bIjHa'Qo', SoD'a' luSIQ quvHa'wI'pu' 'e' qaSmoHta'DI'. 'a no'aH—ghob QaQ maqwI'—Soch latlhpu' je Qanta'.
verso 6
SoDom veng, 'amogha veng je qIchpu' 'ej tIpqan lumoj 'e' qaSmoH 'ej quvHa'ghach gher'ID ghantoH lumoj 'e' qaSmoH.
verso 7
'ej quvHa'wI'pu' Sun 'envo' lot quv toDta'.
verso 8
(quvwI'na' ghaH loDvetlh'e' 'ej Hoch jaj chaH tlhejtaHmo', qa'Daj quv lutoy' ta'meychaj mIgh. ta'meyvam leghpu' 'ej Qoypu')—
verso 9
teHchugh Hochvam, qaDvo' quvwI'pu' toDlaH joH'a' 'ej noHmeH jaj bIjvaD quvHa'wI'pu' pollaH ghaH.
verso 10
'ej qalmoHbogh porgh yemmey turwI'pu'vaD, woQ muSwI'pu'vaD je teHqu' De'vam. jaq 'ej nguq. ngarwI'pu' tIch.
verso 11
HoSDo'pu' HoSghaj law' chaH HoSghaj puS 'ach vabDot ngarwI'pu' tIchQo' HoSDo', chaHvaD joH'a' yoj qemtaHvIS.
verso 12
'ach meqmey yajbe'bogh muS ghotpu'vam. meqbe'bogh Ha'DIbaH rur ghotpu'vam. Depmey'e' Devbogh Duj neH Da. lujonlu'meH 'ej luQaw'lu'meH neH boghpu'. Qaw' SIQ je; Ha'DIbaH rur.
verso 13
QIHta'mo', QIHlu'. bel'eghmoHmeH pem lop chaH. 'oDtu', quvHa'ghach rur. 'uQ'a' bolIntaHvIS, nep 'e' lutIv.
verso 14
tlhogh wem luchIw mInDu'chaj. yem not 'e' lumev; mISwI'pu' tlhu'moH. qurwI' po' chaH. 'Igh!
verso 15
ghob lugh lulonpu' 'ej Daqchaj luSovbe'. ta' mIgh parHa'qu'bogh bIlyam be'or puqloD luDa.
verso 16
'a batlhHa' vangpu', lajHa'pu' Sargh, jatlhlaHbe'bogh Ha'DIbaH. jatlhchoHlaH Sargh; ghogh lo'choH 'ej maw'wI' bot.
verso 17
bIQ Hutlhbogh bIQ Hal, vI'laS yuvtaHbogh SuS HoS je rur ghotpu'vam. QIbmey qIjDaq 'oH Daqchaj'e'.
verso 18
nguqHa' 'ej mu'mey lI'Ha' jatlh. QaghwI'pu'vo' narghta'DI' 'op, 'opvetlh tlhu'moHmeH porgh yemmey lo' 'e' lunID ghotpu'vam.
verso 19
tlhabmoH 'e' lulay'. 'a ghob qal toy'wI''a'pu' chaH. peqaw: «ghatlhwI'Daj toy'wI''a' ghaH nuv'e'.»
verso 20
qo' ghob qalvo' narghta'meH yeSu'a QIStoS joH luSovchoHta' ghotpu' ghIq ghotpu'vetlh vonqa' 'ej jeyqa' ghob qal net jalchugh, 'arghpu' ghu'chaj.
verso 21
ghob quv luSovbe' net jalchugh, nIv ghu'chaj 'ach ghob quv luSov 'ej rIchwIn'a' quv luHevpu'bogh lulon net jalchugh, QIv ghu'chaj.
verso 22
chaH rIchlu'meH mIt vIttlheghmeyvam: «quy'IpDaj tlhIn chegh qovIj» 'ej «lam yIQDaq ronqa' Suy' be'.»
Libros
