De’ QaQ’e’ ghItlhbogh marqoS
capítulo 11
verso 1
betlhpaghe'Daq betlhanI'yaDaq je, Olive naH HuD retlhDaq, yeruSalemDaq SumDI' chaH, cha' ghojwI'pu'Daj ngeH ghaH.
verso 2
chaHvaD jatlh: latlh Dopraj vengHomDaq yIghoS. bo'elDI', SIbI' Donkey Ha'DIbaH puq baghlu'bogh boSam. not 'oHDaq ba'pu' yoq. yIbaghHa' 'ej yIqem.
verso 3
tlhIvaD jatlhchugh vay', qatlh Suta'? vaj pejatlh: joHDajvaD 'ut 'oH. 'ej SIbI' naDev 'oH ngeHqa'.
verso 4
tlheD chaH. lojmIt HurDaq, HeDaq Donkey puq baghlu'bogh luSam. lubaghHa'.
verso 5
chaHvaD jatlh pa' Qambogh 'op ghot: nuq bota', Donkey bobaghHa'taHvIS?
verso 6
ghotpu'vaD mu''e' ra'bogh yeSuS luja'. chaH chaw' ghotpu'.
verso 7
yeSuSDaq Donkey puq luqem. 'oHDaq Sutchaj lulan. 'oHDaq ba' ghaH.
verso 8
HeDaq Sutchaj lan ghot law'. yotlhmeyvo' tImey pe'pu'bogh lan latlhpu'.
verso 9
jachtaHvIS nungwI'pu' tlha'wI'pu' je jatlh: DaH ghotoD. ghoSwI' naDlu', Qun'a' pong lo'lu'taHvIS.
verso 10
tugh qaSbogh DavID vavma' wo' naDlu'jaj. Daq jenqu'Daq SoH Datu'lu'bogh, DaH ghotoD.
verso 11
yeruSalemDaq chIrgh'a' 'el ghaH. Hoch bejpu'DI' ghaH, DaH qaSmo' choS, betlhanI'yaDaq mej ghaH, tlhejtaHvIS wa'maHcha'.
verso 12
wa'leS betlhanI'yavo' mejDI' chaH, ghung ghaH.
verso 13
chuq'a'vo' por ghajbogh Fig Sor'e' leghDI', 'oHDaq vay' tu'meH chol ghaH. cholDI', 'oHDaq por neH tu'; qaSbe'mo' Fig naH bov.
verso 14
jangtaHvIS 'oHvaD jatlh: qaStaHvIS Hoch bov, not SoHvo' naH Sopjaj vay'. 'IjtaH ghojwI'pu'Daj.
verso 15
yeruSalemDaq lughoS. chIrgh'a' 'elDI ghaH, chIrgh'a'Daq ngevwI'pu' je'wI'pu' tu'lu'bogh DoHchoHmoH. Huch tamwI' yaHmey, pigeon chalHa'DIbaH ngevwI'pu' quSmey je Qaw' ghaH.
verso 16
chIrgh'a'vo' bal HIj je vay' 'e' chaw'Qo' ghaH.
verso 17
ghojmoH 'ej chaHvaD jatlh ghaH: juHwIjvaD "Qun'a' tlhobmeH juH" lupong Hoch nov, net ghItlh qar'a'? 'a nIHwI'pu' DISHey moj 'e' boqaSmoH.
verso 18
Qoy lalDanla'pu' HaDwI'pu' je. ghaH luQaw'meH mIw luQul; luHaj, paQDI'norghDajmo' yay'mo' ghotghom naQ.
verso 19
qaSDI' choS, veng Hurvo' tlheD chaH.
verso 20
juStaHvIS chaH, qaStaHvIS po, bIngvo' QaD Fig Sor 'e' lulegh.
verso 21
qawtaHvIS pe'tlhoS, ghaHvaD jatlh: Su', ghojmoHwI'. QaD Fig Sor DanaDHa'bogh.
verso 22
jangtaHvIS yeSuS, chaHvaD jatlh: Qun'a' bovoqchugh,
verso 23
vaj teH; Sajatlh: HuDvamvaD jatlhchugh vay': DuHu'moHlu'jaj 'ej ngengDaq DuwoDlu'jaj, 'ej tIqDajDaq Honbe'chugh, 'a qaS Hoch ja'bogh 'e' Harchugh, vaj ghaHvaD qaS.
verso 24
ghu'vammo' tlhIHvaD jIjatlh: Hoch boqoy'bogh 'ej botlhobbogh boSuq 'e' yIHar. vaj tlhIHvaD qaS.
verso 25
Qun'a'vaD SutlhobmeH SuQamDI', vaj tlhIHvaD HeSmeyraj noDQo'meH chalDaq vavra''e' tu'lu'bogh, vay' bonoDmeH meq boghajchugh, ghaH yInoDQo' je.
verso 26
[['ej SunoDHa'Qo'chugh, vaj tlhIHvaD HeSmeyraj noDHa'Qo' je chalDaq vavra''e' tu'lubogh.]]
verso 27
yeruSalemDaq lughoSqa'. chIrgh'a'Daq yIttaHvIS ghaH, luchol lalDanla'pu' HaDwI'pu' je quppu' je.
verso 28
ghaHvaD jatlh chaH: ta'meyvam Data'meH nuq 'oH woQlIj'e'? qoj ta'meyvam Data'meH, SoHvaD woQvam nobpu' 'Iv?
verso 29
chaHvaD jatlh yeSuS: SaghelmeH wa' mu'tlhegh vIjatlh. HIjang. vaj ta'meyvam vIta'meH woQwIj'e' tlhIHvaD vIngu'.
verso 30
chalvo' mung ghaj'a' Say'moHmeH yo'a'neS tay'e'? yoqpu'vo' mung ghaj'a'? HIjang.
verso 31
chaHvaD ja'chuqtaHvIS jatlh chaH: "chalvo'" majatlhchugh, vaj maHvaD jatlh: [vaj] qatlh ghaH boHarpu'Qo'?
verso 32
'ach "yoqpu'vo'" majatlhchugh? ghom'a' luHaj; nemSovwI' ghaH yo'a'neS'e' 'e' luHarbejmo' Hoch.
verso 33
yeSuSvaD jangtaHvIS, jatlh chaH: 'e' wISovbe'. chaHvaD jatlh yeSuS: vaj ta'meyvam vIta'meH woQwIj'e', tlhIHvaD vIngu'Qo' je.
Libros
