De’ QaQ’e’ ghItlhbogh marqoS
capítulo 4
verso 1
ngeng retlhDaq ghojmoH 'e' ruchqa'. ghaHDaq ghomchoH ghom'a' tInqu'. vaj, Duj 'elDI', ngengDaq ba'choH. 'ej ngeng retlhDaq yavDaq ghom'a' naQ tu'lu'.
verso 2
lutmey lo'taHvIS, chaHvaD Doch law' ghojmoH. 'ej ghojmoHtaHvIS jatlh:
verso 3
pe'IjtaH. SuH, pochmeH ghoS pochwI'.
verso 4
qaS pochtaHvIS: He retlhDaq pum tI QIm puS. ghoS chalHa'DIbaHmey 'ej luSopchu'.
verso 5
nagh yotlhDaq pum latlh. pa' lam law' tu'lu'be'. SIbI' Sal tI, lam tIq ghajbe'mo'.
verso 6
narghDI' pemHov, meQ tI. 'ej waw' ghajbe'mo', QaDchoH.
verso 7
tImey jejDaq pum latlh. Sal tImey jej 'ej 'oH voQmoH, 'ej naH lIngbe'.
verso 8
lam QaQDaq pum latlh. Salpu'DI' 'ej tInchoHpu'DI', naH lIngpu'. wejmaHlogh lIng wa' 'ej javmaHlogh lIng latlh 'ej wa'vatlhlogh lIng latlh.
verso 9
'ej jatlhtaH: 'Ijjaj 'IjmeH teSDu' ghajbogh ghot'e'.
verso 10
mobchoHDI' chaH, lutmey qeltaHvIS, ghaH lughel ghaHDaq Sumbogh ghot, wa'maHcha' je.
verso 11
chaHvaD jatlhtaH: Qun'a' che'taHghach pegh bonoblu'. lutmey rurtaHvIS, Hur ghotpu'vaD Hoch 'anglu'.
verso 12
bejtaHvIS bejmeH 'ej leghbe'meH, 'ej QoytaHvIS QoymeH 'ej tlhojbe'meH, 'ej not tlhe''eghmeH 'ej noDHa'lu'meH, 'anglu'.
verso 13
chaHvaD jatlh: lutvam boyajbe'. vaj chay' Hoch lut boyaj?
verso 15
He retlhDaq QIn pochlu'. pa' vay' lutu'lu'. luQoyDI', SIbI' ghoS veqlargh. 'ej chaHvo' QIn pochpu'bogh nge'.
verso 16
nagh yotlhDaq tI pochlu'. pa' vay' lutu'lu'. QIn luQoyDI', SIbI' luHev QuchtaHvIS.
verso 17
chaHDaq waw' ghajbe' chaH, 'ach ru'. vaj, QInmo' lu'IQmoHlu'DI', qoj, lutungHa'lu'DI', SIbI' 'oHvo' tlhu' chaH.
verso 18
tI jejDaq tI pochlu'. pa' latlh lutu'lu'. QIn luQoy.
verso 19
chaH 'elDI' bov luSaHmeH qech, jomo' lungorlu'meH qech je, latlh qelbogh neHtaHghach'e' je, QIn luvoQmoH 'ej naH HutlhwI' moj.
verso 20
'ej lam QaQDaq tI pochlu'. pa' vay' lutu'lu'. QIn luQoy 'ej lulaj. wejmaHlogh lIng wa' 'ej javmaHlogh lIng latlh 'ej wa'vatlhlogh lIng latlh.
verso 21
'ej chaHvaD jatlhtaH: bal bIngDaq, QongDaq bIngDaq joq lanlu'meH, weQ qemlu''a'? weQDaqDaq lanlu'meH weQ qemlu'be''a'?
verso 22
pagh So'lu', narghmeH 'oH So'lu'be'chugh. 'ej pagh peghlu', leghchoHlu'meH 'oH peghlu'be'chugh.
verso 23
'IjmeH teSDu' ghajchugh vay', vaj 'Ijjaj.
verso 24
'ej chaHvaD jatlhtaH: QIch boQoybogh yIqIm. SujuvmeH juvwI' bolo'chugh, vaj bojuvlu'meH juvwI'vam lo'lu', 'ej tlhIHvaD chellu'.
verso 25
ghajchugh vay', vaj ghaHvaD noblu'. 'ej ghajbe'chugh vay', vaj ghaHvo' Hoch ghajbogh nge'lu' je.
verso 26
'ej jatlhtaH: ghu'vam rur Qun'a' wo': lamDaq tI poch ghot.
verso 27
qaSDI' ram, Qong 'ej qaSDI' pem, vem ghaH. tInchoH 'ej Sal tI. qaS 'e' tlhojbe' ghaH.
verso 28
nIteb naH lIng lam. wa'DIch 'oH tIr'etlh'e'. tlha' tIrnach. tIrnachDaq tlha' tIr naQ.
verso 29
lIngbeHDI' naH, SIbI' yobwI' taj ngeH, pawmo' yobmeH poH.
verso 30
'ej jatlhtaH: chay' Qun'a' wo' wIDel? qoj, wIqatmeH nuq 'oH lut'e' wIlo'bogh?
verso 31
Sesame tI QIm rur. lamDaq pochlu'DI', 'oH mach law' qo'Daq Hoch tI ghu tu'lu'bogh mach puS.
verso 32
pochlu'DI', Sal. 'ej 'oH tIn law'choH naH Hoch tIn puS. DeSmey tIn lIng. vaj, QIbDaj bIngDaq ratlhlaH puvbogh chalHa'DIbaH.
verso 33
lutvam law' lo'taHvIS, chaHvaD SoQ ja'taH, luyajlaHchugh.
verso 34
lut lo'be'taHvIS, chaHvaD ja'be'. 'a mobDI', ghojwI'pu'DajvaD Hoch QIjtaH.
verso 35
chaHvaD jatlh qaStaHvIS jajvetlh choS: latlh Dop wIjaH.
verso 36
ghom'a' mejpu'DI', DujDaq ghaH lutlhejmoH, DujDaq ghaHtaHmo'. 'ej lutlhej latlh Duj.
verso 37
qaS SuS jevtaHghach Doj. Duj HIv joqbogh bIQ. vaj, pay' Duj SoDtaH.
verso 38
'o'Daq nach QongDaqDaq ghaHtaH, QongtaHvIS. luvemmoH 'ej ghaHvaD jatlh: ghojmoHwI', wIQaw'lu'taH 'e' DaSaHbe''a'?
verso 39
Hu'DI', SuS qun 'ej ngengvaD jatlh: wab mev! vIHQo'! HoSbe'choH SuS. qaSchoH jottaHghach Dun.
verso 40
chaHvaD jatlh: qatlh HajwI' boDa? chay' wej Suvoq?
verso 41
HajchoHqu' chaH. 'ej ja'chuqtaHvIS jatlhchoH: 'Iv ghaH ghotvam'e' lobbogh je SuS ngeng je jay'?
Libros
